يعني انا اطلع المقايسه دي منين؟؟؟؟؟؟؟

**ahmed1611** · 19-01-2011 11:34 AM

السلام عليكم اخواني واخواتي وكل اعضاء المنتدي الكرام
انا عندي مشكلة وارجو امن عندي الحل يفدني
عندي مخزن بلا عداد كهرباء رحت شركة الكهرباء علشان اركب العداد
طلب مني شويت ورق من ضمنهم المقايسة قلتلو انا معيش المقايسة دي قالي مش
هينفع يركب العداد الا بوصل بالمقايسة رحت الحي قالو لي احنا مش بنطلع مقايسات
بجد انا زهقت ومش عارف اعمل ايه لو تكرمتم لو حد عارف اي حاجة عن الموضوع دا
او الجهة الي ممكن اطلع منها المقايسة دي ؟؟؟؟

**ahmed1611** · 21-01-2011 06:50 AM

مفيش حد عندو حل؟؟؟؟؟؟؟؟؟؟؟؟؟؟؟؟؟

**hussein** · 21-01-2011 10:55 AM

المقايسة اللى بيطلعها شركة الكهربا و هى عبارة عن الحاجات اللى هيجبهولك علشان يدخلك كهرباء زى العداد و الكابل اللى هيجيلك لحد اللوحة بتاعتك و علبة الكهربا و .....................................
يعنى من الاخر قلهم عايز حد يطلع معايا يعاين علشان يعمل المقايسة وانت تدفع تمنها

**amro1965** · 21-01-2011 11:10 AM

اى مصلحة عايز تخلصها اذهب على الريس
والريس ده هتلقيه فى كل مصلحة حكومية الا وهو بتاع البوفية لانه بيعرف خبايا كل شىء فى المصلحه ويعرف الموظف اللى بيعقد واللى بيسهل وبرضه بينوبه من الحب جانب
والله انا مضايق من الاسلوب ده لكن مفيش فى اينا حيله طالما فساد الذمم فاق الحدود

**ahmed1611** · 21-01-2011 02:17 PM

شكرا على الاهتمام انا عامل المقايسه وتركيب الكبل واللوحه والحجات دي من زمان بس المشكله تكمن في

وصل المقايسة نفسه الركب بي اللوحة من حوالي بتاع 20 25 سنة عوزينو تاني علشان ادخل العداد بيه ود ضايع من زمان تقريبا

ملهوش اثر

حاجة تجنن وكمان يوقلك مفيش طريقة يطلع بية هي فعلا يا عمر باشا شكلها عايزا الريس ربنا يسهل