الموضوع: تنتيش وتبطيل

المشاركة الأصلية كتبت بواسطة mesaharaty

كده اتفقنا على إن الأولانى للبدء فى الحركة
طيب جميل
طيب ولما تكون الإشارة ولا منها ماشية ولا منها واقفة يعنى تمشى متر وتقف ومتر وتقف إيه الحل فى الوضع ده
أظن مالكش حل إلا إنك تكون مثبت الغيار على الأول لغاية ما الأزمة تعدى والإشارة تمشى كويس فتقدر تجيب التانى ثم التالت وهكذا
إذن أنت مجبر أن تظل على الغيار الأول لمدة طويلة

هل توافقونى

ايوة الكلام ده صح لكن هنا انتا مسمهاش بتمشي عالاول فتره طويله
لانك كل شويه بتفصله بدبرياج
وليها حل دي
سيب مسافه عن اللي قدامك وبعدها ابقى حط عالاول وخلي العربية ماشيه عليه من غير بنزين خالص هتلاقيك ماشي والعربية مرتاحه ومفيش اي حمل عالدبرياج ولا عالجير بوكس
او انك فعلا تدوس الدبرياج وتمور واول ميتحرك الطريق ترجع اول وتمشي وده افضل اختيار الحقيقه لكنه كتير بيبقى صعب التنفيذ....

المشاركة الأصلية كتبت بواسطة No Comment

للأسف لازم تريح الدبرياج بأنك تقعد تفصل الحركة بالموور وترجع تانى تدى الأول ... وهو ده الصح للمحافظة على العربية .
وحتى الأوتوماتيك كدة بس الموضوع اسهل هناك شوية بيبقى فرامل و بنزين فقط ... لاكن فى الاشارات والوقفات الطويلة لازم بردو ينجاب الـ n لتريح العربية .

للمعلوميه
الاوتوماتيك مجرد متشيل رجلك من عالبنزين بيبقى كأنك حاطه ان
لانه بيفصل الكلتش بدليل حاجتين لما تشيل رجلك من عالبنزين
الار بي ام بص عليه هتلاقيه نزل لمجرد انك شلت رجلك من عالبنزين هتلاقيه نزل للواحد (كأنك ممور)
ولو معندكش ار بي ام الاوتوماتيك مفيهوش engine break
يعني لما تشيل رجلك من عالبنزين العربية مبتتكلبشش بفعل المحرك,,,,,,



تحياتي