سيارة دايو لانوس 1 او 2 - ارجو الافادة سريعا

**ahmedabady2005** · 19-01-2011 03:08 PM

معروض عليا لانوس1 2000 ماشية 170 الف كيلو ب 41 الف و ممكن تخلص على 40 كاملة ما عدا الزجاج
كويسة و لا لأ ؟
و لانوس2 2005 ماشية 70 الف كيلو ب 45 الف- تكييف فقط
يا ريت اسمع رايكم اخد اى واحده
وياريت لو حد من الاعضاء عنده لانوس للبيع يقولى او يبعتلى رسالة على الخاص

وشكرا جدا لكل اعضاء المنتدى الرائع

**elbialy** · 19-01-2011 07:33 PM

ازيك يابرنس الاول اخبارك اية انا عضو جديد وحبيت اقولك ان كدة كتير على اللانوس وبعدين بتاكل بنزين وبتسحب مية كتير الاكسنت اوالكرستالة احسن منها والسعر زيهم او قريب منهم حسب الحالة ونصيحة منى ابعد عن الالوان الغامقة

**ahmedabady2005** · 20-01-2011 01:30 AM

المشاركة الأصلية كتبت بواسطة elbialy

ازيك يابرنس الاول اخبارك اية انا عضو جديد وحبيت اقولك ان كدة كتير على اللانوس وبعدين بتاكل بنزين وبتسحب مية كتير الاكسنت اوالكرستالة احسن منها والسعر زيهم او قريب منهم حسب الحالة ونصيحة منى ابعد عن الالوان الغامقة

ربنا يخليك
الحمد لله كويس
ازيك انت ؟

طيب ياريت تقولى الاسعار المناسبة لانى جاد فى الشراء النهاردة قبل بكره
بس ياباشا انت لو دخلت على اى موقع او رحت السوق حتلاقى الاسعار كلها فى الحدود دى مش شايفها عالية اوى
-
الكريستالة ما فيش منها نضيف اقل من 49 الف و الاكسنت ما بحبهاش و مش اعتمادية

**elbialy** · 20-01-2011 02:22 AM

انا من شربين بجوار المنصورة اكيد عارفها لوعاوز كرستالة فى وحدة مع واحد صاحبى انا بحب العربيات فوق ما تتخيل ممكن اشوفهالك وسعرها يعنى ممكن يكون قريب موديل 98 كاملة مانيوال وخدة حزام السقف والكبوت والشنطة بحالة الفبريقة نمر شربين

**ahmedabady2005** · 20-01-2011 03:37 AM

المشاركة الأصلية كتبت بواسطة elbialy

انا من شربين بجوار المنصورة اكيد عارفها لوعاوز كرستالة فى وحدة مع واحد صاحبى انا بحب العربيات فوق ما تتخيل ممكن اشوفهالك وسعرها يعنى ممكن يكون قريب موديل 98 كاملة مانيوال وخدة حزام السقف والكبوت والشنطة بحالة الفبريقة نمر شربين

سعرها كام و ماشية اد ايه ؟

وياريت حد يقولى رايه فى ال 2 لانوس دول عشان اشوف حعمل ايه

**madeboy_53** · 20-01-2011 04:51 AM

بقولك ايه مع احترامي يعني ل اي حد الدايو عربيه كحترمه فوق ما تتخايل و لو ركبت هيونداي هتندم انك مركبتش الدايو و بصراحه اللانوس 1 احسن من 2 عن تجربه لل 2
و سعرها حلو جدا و خالي بالك اللانوس عليها طلب عالي و محدش بيبعها لو كده استخير ربنا و توكل على الله و هتتأكد انها عربيه محترمه و في حدود امكانيات اي حد

**elbialy** · 20-01-2011 04:56 AM

العربية لونها رصاصى وهو بيتكلم فى49 الف وممكن نتفاوض معاة لو انت عاوزها بجد اكلمة بكرة الصبح وحضرتك منين والاسم اية

**ahmedabady2005** · 21-01-2011 09:16 AM

المشاركة الأصلية كتبت بواسطة elbialy

العربية لونها رصاصى وهو بيتكلم فى49 الف وممكن نتفاوض معاة لو انت عاوزها بجد اكلمة بكرة الصبح وحضرتك منين والاسم اية

انا من القاهرة
و خلاص انا رسيت على لانوس
شكرا ليك جدا

**ahmedabady2005** · 21-01-2011 09:19 AM

المشاركة الأصلية كتبت بواسطة madeboy_53

بقولك ايه مع احترامي يعني ل اي حد الدايو عربيه كحترمه فوق ما تتخايل و لو ركبت هيونداي هتندم انك مركبتش الدايو و بصراحه اللانوس 1 احسن من 2 عن تجربه لل 2
و سعرها حلو جدا و خالي بالك اللانوس عليها طلب عالي و محدش بيبعها لو كده استخير ربنا و توكل على الله و هتتأكد انها عربيه محترمه و في حدود امكانيات اي حد

كلامك زى الفل
بس برده ما قلتليش اى واحدة فى الى انا كاتبهم احسن
انا عارف ان لانوس 1 احسن بس حتى لو ماشية 170 الف كيلو ؟

**madeboy_53** · 22-01-2011 06:27 AM

على فكره حضرتك ده الطبيعي اللانوس تصنيع سنه 1999 و سنه 2000
و اكيد العربيه بتمشي من ساعتها و ده الاحسن و 170 الف دي كويسه والله مفيهاش مشكله مش مهم الكيلوات المهم العربيه تكون حالتها ايه و تتأكد من الحاله و تخلى حد يشوفها كويس لو الحاله حلوه و الموتور حلو انا بقولك السعر حلو لاني لسا كنت بسأل على دايوو لقريبي و مش لقيين و سعرها رافع جداا
و على حوار الكيلواات واحد عارفوا لسه جايب عربيه لانسر بومه من 3 اسابيع موديل 2007 و عامله 300 الف كيلو والله مش عارف ده راح بيها فن في 3 سنين خد قراراك بردو على كلام ناس تانيه خبره اكتر
و انشاء الله تستفاد و تشتري احن حاجه