الموضوع: استفتاء حريمى ( لو خيروكى بين موت جوزك او انه يتجوز عليكى)+ نتيجه الاستفتاء

المشاركة الأصلية كتبت بواسطة shaddadfalcon1

الستات كلها ممكن تقول كده بس اعتقد لما جوزها بيموت بتقول ياريته كان حي حتي لو هيتجوز 3 مش واحده

لالالالالالالا انسى الكلام ده على فكرة الرجالة بتزعل على مراتتهم لاما واحدة تموت أكتر من زعل الستة على اجوازهم لما يموتوا بس أحيانا الراجل يكون مضطر يتجوز تاني ومش هيتجوز إلى لما يكون مضطر ولو كان بيحب مراته قوي يبقى أكيد هيظلم التانية معاه إنما الست مع أول حد يعبرها تبتدي تفكر هتعمل فرح فين

بس الستات كلها طبع واحد
يعني انا زوجتي متدينه جدا بس مره بتناقش بس معاها في الزواج الثاني لقيتها بتقولي حقك تتجوز بس تطلقني
ياباشا التدين حاجة والكلام ده حاجة تانية خالص :)
ومره تانيه بتنتاقش بس يعني ايه الحالات اللي المفروض الراجل يتجوز فيها وكده وعليها
فضلنا اسبوع زعلانين وهي نازله عياط وتقولي لو كنت غاليه عندك مكنتش اتكلمت معايا في الموضوع ده وساعتها كان هاين عليا اروح اتجوز واحده تانيه بجد

المناظر اللي الواحد بيشوفها في الشارع وفي البيت تخلي الواحد عايز يتجوز كل يوم عشره مش واحده

إيه يا جماعة موضوع السستر ده لأ كده مينفعش خالص وماتنشروش الأفكار دي

يارجالة ده ممكن يكون pointless topic مفيش مانع يعني إننا نهرج شوية مش لازم يكون ليه هدف يعني وممكن يكون ده نفسه الهدف ده من وجهة نظر البعض

وممكن ناس تانية ممكن تاخده جد وعلى فكرة ممكن يتعمل منه أكتر من موضوع للمناقشة ومواضيع جادة جدا كمان

بقى بزمتكم الستات المخلوق الرقيق ده عملين تعيبو عليهم
دى من كتر حبها فيك تتمنى لك الموت عشان تفضل ليها هى بس و ذكراك معاها بعد موتك كمان
عايزين ايه اكتر من كدة