للاسكندرانيه: ايه انسب سعر لجراند فيل سموحه؟

السلام عليكم ورحمة الله وبركاته

دلوقتي ياشباب انا رحت سالت في جراند فيل سموحه اللي في شارع النصر ولقيت الأسعار كالتالي
المرحله الرابعه: شقه 153 متر سعر المتر 3026 يعني كلها عامله 462 الف
تدفع 5000 حجز و35% تعاقد والباقي علي 4 سنين او 5 من غير فوايد والأستلام قبل سنه من سداد اخر قسط يعني لو علي 4 تستلم كمان 3 سنين ولو 4 يبقي 4 سنين

دلوقتي انا عايز اعرف هل السعر ده غالي ولا لآ ولما اروح اتفاوض معاهم اجيب معاهم لحد كام وهل اصلا هيرضو ينزلو في السعر ولا لآ؟

كمان حاجه - انا مش معايا غير 100 مقدم ولما قلت لمدير المبيعات قالي ان ممكن تدفع باقي المقدم كمان 6 شهور ويقلل مدة التقسيط 6 شهور بس كده انا ممكن مقدرش ادفع المبلغ ده كمان 6 شهور لان هيبقي في مبلغ نص سنوي حوالي 15 الف فلما وضحت ده للراجل قالي تعالي بس وهنوصل لحل يناسبك ونبعته للأداره بس انت تعال

انا بصراحه مقلق - انا طبعا هنطحن وخصوصا عند القسط النص سنوي - القسط الشهري مش مشكله بس خايف ييجي معاد القسط النص سنوي وملاقيش فلوس معايا

لو مكاني هتعملو ايه ؟ هتجيبو حاجه زي دي واهي في سموحه وكمبوند نضيف ومستقبله حلو والراجل قالي ان مكان المقاولين العرب اللي جنبها هيبقي حاجه شبه جرين بلاز يعني الأسعار ساعتها هتولع بس انا مش عاجبيني ان شمال جراند فيل في عشوائيات بس فيه سور بس ده ميمنعش ان في عشوائيات برده

ولا هتشوفلك شقه في حدود 200 الف مثلا وتعمل تمويل عقاري وتبقي قسط مريح وتسكن فيها علي طول وتوفر قيمة الأيجار اللي بتدفعه وقدام لو حبيت تشتري شقه احسن تبقي تجيب؟؟
بس انا خايف احسن قدام الأسعار تغلي اكتر ومعرفش اجيب حاجه خالص
وفي نفس الوقتي خايف من اللي بيحصل في البلد اليومين دوول احسن الدنيا تقع والأسعار تنزل الأرض وخصوصا ان الأسكندريه الأسعار فيها من سنه ولا اتنين كانت تقريبا نص الأسعار دلوقتي بسبب موضوع التراخيص
يعني خايف ييجي محافظ تاني يعمل زي المحجوب ويفتح التراخيص وساعتها الشقه اللي اشتريتها ب 450 الف الاقيها متجيش 200 الف وانا لسه مكملتش تمنها اصلا

بالله عليكم ماتبخلو عليا برايكم ونصيحتكم عشان انا مش ببطل تفكير انا وزوجتي في الموضوع ده

هى موقعها فين بالظبط فسموحة؟

طبعا السعر ممتاز جدا 3000 للمتر(بسعر المتر فميامى او سيدى بشر عبد الناصر)!!!!!

على فكرة سموحة اسعار الشقق(العمارات الجديدة ) من 5000 ل 8000 كسعر للمتر

بص حضرتك مفيش عقار بيرخص لان حتى لو حصلت ازمه كل اللي بيحصل تسهيلات في الدفع دي نقطه
النقطه التانيه انا مع الاختيار الثاني علشان لا قدر الله لو اتزنقت متحصلكش مشكله و خدها نصيحه مني في النقطه دي بالذات
لان لا قدر الله لو اتزنقت يا هتستلف يا هتبتدي تبيع بخساره و ليه كل ده
خليك مع الاختيار التاني وربنا يوفقك

أولا ربنا يعينك و يقدرك تجيب أحسن حاجة ان شاء الله.

بالنسبة لسؤالك, أنا مش من أسكندرية و معرفش الأسعار هناك خالص بس حقولك وجهة نظري في موضوع شراء الشقة ده بصفة عمة ايا كان المكان.

أولا, انت بتتكلم على حاجة متقسطة على 4 أو 5 سنين, يعني سعر المتر في الحالة دي مينفعش يتبص له غالي و لا لأ من غير ما تحط في أعتبارك الفايدة الأفتراضية (أنا عارفة ان المفروض مفيش فايدة انما انا بتكلم ان الفلوس مش حتتدفع مرة واحدة و بالتالي ده ليه تمن سواء بالنسبة لك او بالنسبة للشركة الي بتبيعلك).

ُثانيا, الهدف من الشرا يفرق كتير, يعني اللي بيشتري شقة أو عقار كنوع من الاستثمار بدل ما يشيل فلوس بتفرق معاه جدا موضوع السوق طالع و لا نازل في الأسعار خصوصا لو بيفكر في استثمار سريع, يعني سنه و لا أتنين بالكتير و يبيع, انما اللي بيشتري شقة عشان يسكن فيها زي حالة حضرتك المفروض يفكر لقدام أكتر من كدة. يعني حضرتك ان شاء الله لو ربنا وفقك واشتريت الشقة مش حتفكر تبيعها بعد سنه و لا اتنين و بالتالي اي تغييرات في الأسعار مش حتأثر عليك قوي خصوصا ان أنا معتقدش ان فيه حاجة في مصر بترخص للدرجة دي.

ثالثا بقى و دي نقطة مهمة جدا, أي حاجة الواحد بيشتريها تقسيط - فيما عدا الحاجات الاستهلاكية - بيكون كسبان فيها مش خسران من وجهة النظر الاقتصادية. أزاي؟؟ معدل التضخم في مصر كبير جدا, يعني بغض النظر عن الأرقام المعلنة ( أعتقد انها ما بين 7 و 10 %) التضخم الفعلي أعلى من كدة بكتير. القصة ان التضخم بيتقاس بمعدل زيادة أسعار بعض السلع الاستراتيجية للشعب زي مثلا عندنا العيش و الأرز و الزيت.....الخ, و ده بيكون قياس دقيق الى حد ما بالنسبة لمحدودي الدخل اللي احتياجاتهم يدوب الأساسيات دي. لو جينا نبصلها من وجهة نظر الطبقة المتوسطة أو فوق المتوسطة, حنلاقي ان معدل التضخم الحقيقي لما نبص للسلع اللي مش بتدخل في التقييم ده و رغم كدة تعتبر أساسية عندهم زي اللحوم مثلا , أو الألبان, أو الملابس.....الخ, حنلاقي ان نسبة التضخم بتزيد و توصل ل 25 - 30 % على الأقل. طيب ده معناه ايه؟؟؟؟ معناه ان ال100 جنيه اللي بتصرفها السنة دي السنة الجاية حتبقى قوتها الشرائية تساوي 70 - 75 جنيه و اللي بعديها أقل و هكذا. يعني حتى لو الفايدة السنوية على الحاجة اللي بتشتريها 8 او 10% برضه انت الكسبان. توهتك؟ ببساطة كدة المبلغ اللي انت حتدفعه كقسط النهاردة, بعد سنه أو اتنين حتبقى قيمته أقل بكتير من الناحية الشرائية و بالتالي ساعتها المبلغ حيعتبر مش كبير زي ما انت حاسس دلوقتي, و كل ما مدة القسط تزيد كل ما النقطة دي تبان أكتر.

رابعا, انا فاهمة من مشاركاتك ان انت مهندس كمبيوتر, يعني مش موظف حكومي مثلا. بالتالي أكيد حضرتك دخلك في خلال الفترة دي في الظروف الطبيعية (الله أعلم بالغيب طبعا) بيزيد سنويا, ربنا يزيدك و يبارك لك يا رب, و بالتالي ده حيخلي برضه القسط السنين الجاية بالنسبة لك يقل من ناحية نسبته لدخلك الاجمالي.

طبعا كل الكلام و الرغي اللي فات ده (صدعتك مش كدة:36_1_31:) ينطبق على فكرة التقسيط بصفة عامة, انما موضوع المنطقة نفسها و مستقبلها و كدة ده يفيدك فيه أهل أسكندرية. بس بصفة عامة أنا أعتقد ان موضوع التمويل العقاري برضه مش حيفرق عن كدة كتير لأن برضه فيه فايدة سنوية, الفرق الوحيد ان ممكن مدة التقسط تزيد, و ان كنت شخصيا مش بحب التقسيط يزيد عن 4 -5 سنين عشان الواحد ميدبسش نفسه فترة طويلة. و طبعا فرق المكان نفسه والكومبناوند و الحاجات دي أكيد ليها قيمة بس حضرتك أكتر واحد تقدر تحددها.

بالنسبة للأقساط لازم حضرتك تحسبها كويس و تتأكد انك باذن الله حتقدر تسدد الأقساط سواء الشهرية أو السنوية أو نصف سنوية. يعني لو حضرتك بيجيلك مكافأه سنوية مثلا حتدفع منها الأقساط السنوية يبقى كويس, لو مش كدة لازم تعمل حسابك ان فيه مبلغ بيتشال شهريا عشان الأقساط دي, أوعى تسيبها للظروف.

و في النهاية طبعا متنساش الأستخارة و ربنا يا رب يوفقك للأحسن و يبارك لك فيه.

3000 جنيه بس؟؟؟؟؟؟؟؟؟؟؟
والله كويسه
المحل بتاعي في شارع ضيق متفرع من الرصافه في محرم بيك
عرض الشارع حوالي 6 او 7 متر
وفيه عماره بتتبني بعد مني والمتر ب3500 من غير تشطيب و4 بالتشطيب
واسمع ان محرم بيك اسعارها بقت من 4 وطالع المتر
مع فرق الخدمات عن سموحه (محرم بيك خدماتها اكتر )
طبعا انا مش بقول انها رخيصه
بس الاسعار هي اللي مولعه
من رايي تستني شويه لو تقدر لما المحافظ يتشال
يمكن اللي بعده يفتح تراخيص البناء والاسعار تتعدل شويه
او التسهيلات تزيد في الدفع

اقتباس:

---

المشاركة الأصلية كتبت بواسطة hh

أولا ربنا يعينك و يقدرك تجيب أحسن حاجة ان شاء الله.

بالنسبة لسؤالك, أنا مش من أسكندرية و معرفش الأسعار هناك خالص بس حقولك وجهة نظري في موضوع شراء الشقة ده بصفة عمة ايا كان المكان.

أولا, انت بتتكلم على حاجة متقسطة على 4 أو 5 سنين, يعني سعر المتر في الحالة دي مينفعش يتبص له غالي و لا لأ من غير ما تحط في أعتبارك الفايدة الأفتراضية (أنا عارفة ان المفروض مفيش فايدة انما انا بتكلم ان الفلوس مش حتتدفع مرة واحدة و بالتالي ده ليه تمن سواء بالنسبة لك او بالنسبة للشركة الي بتبيعلك).

ُثانيا, الهدف من الشرا يفرق كتير, يعني اللي بيشتري شقة أو عقار كنوع من الاستثمار بدل ما يشيل فلوس بتفرق معاه جدا موضوع السوق طالع و لا نازل في الأسعار خصوصا لو بيفكر في استثمار سريع, يعني سنه و لا أتنين بالكتير و يبيع, انما اللي بيشتري شقة عشان يسكن فيها زي حالة حضرتك المفروض يفكر لقدام أكتر من كدة. يعني حضرتك ان شاء الله لو ربنا وفقك واشتريت الشقة مش حتفكر تبيعها بعد سنه و لا اتنين و بالتالي اي تغييرات في الأسعار مش حتأثر عليك قوي خصوصا ان أنا معتقدش ان فيه حاجة في مصر بترخص للدرجة دي.

ثالثا بقى و دي نقطة مهمة جدا, أي حاجة الواحد بيشتريها تقسيط - فيما عدا الحاجات الاستهلاكية - بيكون كسبان فيها مش خسران من وجهة النظر الاقتصادية. أزاي؟؟ معدل التضخم في مصر كبير جدا, يعني بغض النظر عن الأرقام المعلنة ( أعتقد انها ما بين 7 و 10 %) التضخم الفعلي أعلى من كدة بكتير. القصة ان التضخم بيتقاس بمعدل زيادة أسعار بعض السلع الاستراتيجية للشعب زي مثلا عندنا العيش و الأرز و الزيت.....الخ, و ده بيكون قياس دقيق الى حد ما بالنسبة لمحدودي الدخل اللي احتياجاتهم يدوب الأساسيات دي. لو جينا نبصلها من وجهة نظر الطبقة المتوسطة أو فوق المتوسطة, حنلاقي ان معدل التضخم الحقيقي لما نبص للسلع اللي مش بتدخل في التقييم ده و رغم كدة تعتبر أساسية عندهم زي اللحوم مثلا , أو الألبان, أو الملابس.....الخ, حنلاقي ان نسبة التضخم بتزيد و توصل ل 25 - 30 % على الأقل. طيب ده معناه ايه؟؟؟؟ معناه ان ال100 جنيه اللي بتصرفها السنة دي السنة الجاية حتبقى قوتها الشرائية تساوي 70 - 75 جنيه و اللي بعديها أقل و هكذا. يعني حتى لو الفايدة السنوية على الحاجة اللي بتشتريها 8 او 10% برضه انت الكسبان. توهتك؟ ببساطة كدة المبلغ اللي انت حتدفعه كقسط النهاردة, بعد سنه أو اتنين حتبقى قيمته أقل بكتير من الناحية الشرائية و بالتالي ساعتها المبلغ حيعتبر مش كبير زي ما انت حاسس دلوقتي, و كل ما مدة القسط تزيد كل ما النقطة دي تبان أكتر.

رابعا, انا فاهمة من مشاركاتك ان انت مهندس كمبيوتر, يعني مش موظف حكومي مثلا. بالتالي أكيد حضرتك دخلك في خلال الفترة دي في الظروف الطبيعية (الله أعلم بالغيب طبعا) بيزيد سنويا, ربنا يزيدك و يبارك لك يا رب, و بالتالي ده حيخلي برضه القسط السنين الجاية بالنسبة لك يقل من ناحية نسبته لدخلك الاجمالي.

طبعا كل الكلام و الرغي اللي فات ده (صدعتك مش كدة:36_1_31:) ينطبق على فكرة التقسيط بصفة عامة, انما موضوع المنطقة نفسها و مستقبلها و كدة ده يفيدك فيه أهل أسكندرية. بس بصفة عامة أنا أعتقد ان موضوع التمويل العقاري برضه مش حيفرق عن كدة كتير لأن برضه فيه فايدة سنوية, الفرق الوحيد ان ممكن مدة التقسط تزيد, و ان كنت شخصيا مش بحب التقسيط يزيد عن 4 -5 سنين عشان الواحد ميدبسش نفسه فترة طويلة. و طبعا فرق المكان نفسه والكومبناوند و الحاجات دي أكيد ليها قيمة بس حضرتك أكتر واحد تقدر تحددها.

بالنسبة للأقساط لازم حضرتك تحسبها كويس و تتأكد انك باذن الله حتقدر تسدد الأقساط سواء الشهرية أو السنوية أو نصف سنوية. يعني لو حضرتك بيجيلك مكافأه سنوية مثلا حتدفع منها الأقساط السنوية يبقى كويس, لو مش كدة لازم تعمل حسابك ان فيه مبلغ بيتشال شهريا عشان الأقساط دي, أوعى تسيبها للظروف.

و في النهاية طبعا متنساش الأستخارة و ربنا يا رب يوفقك للأحسن و يبارك لك فيه.

---

جزاك الله كل خير علي التوضيح الرائع
انا حاسس فعلا ان القسط ممكن يكون زنقه في اول سنه وبعد كده هيبقي اقل لاني المفروض المرتب بيذيد كل سنه مبلغ كويس

اقتباس:

---

المشاركة الأصلية كتبت بواسطة shnory

3000 جنيه بس؟؟؟؟؟؟؟؟؟؟؟
والله كويسه
المحل بتاعي في شارع ضيق متفرع من الرصافه في محرم بيك
عرض الشارع حوالي 6 او 7 متر
وفيه عماره بتتبني بعد مني والمتر ب3500 من غير تشطيب و4 بالتشطيب
واسمع ان محرم بيك اسعارها بقت من 4 وطالع المتر
مع فرق الخدمات عن سموحه (محرم بيك خدماتها اكتر )
طبعا انا مش بقول انها رخيصه
بس الاسعار هي اللي مولعه
من رايي تستني شويه لو تقدر لما المحافظ يتشال
يمكن اللي بعده يفتح تراخيص البناء والاسعار تتعدل شويه
او التسهيلات تزيد في الدفع

---

طيب يااستاذ شنوري هو المحافظ ده لو اتشال هيبقي امتي؟
وان كان برده انا حاسس ان مفيش حاجه هترخص حتي لو رجعو التراخيص تاني لان اكيد اللي هيبني هيبقي عايز يبيع بالغالي زي غيره

الأسعار فعلا نار
ده في سيدي بشر قبلي شارع مصطفي كامل المتر 4500 - ووراك مناطق ضايعه كمان مش كام بيت يعني

انا كل الفكره عايز حد يبقي عنده فكره عن الأسعار في المنطقه دي عشان اعرف اتفاوض مع الراجل

اقتباس:

---

المشاركة الأصلية كتبت بواسطة moody1

هى موقعها فين بالظبط فسموحة؟

طبعا السعر ممتاز جدا 3000 للمتر(بسعر المتر فميامى او سيدى بشر عبد الناصر)!!!!!

على فكرة سموحة اسعار الشقق(العمارات الجديدة ) من 5000 ل 8000 كسعر للمتر

---

هي في شارع النصر اللي في وش جرين بلازا ورا المكان بتاع المقاولين العرب
اول دخله شمال في شارع النصر

اسعار الشقق اللي حضرتك بتقول عليها ده اللي في قلب سموحه او علي الشارع الرئيس في ناحيية جرين بلازا

اقتباس:

---

المشاركة الأصلية كتبت بواسطة shaddadfalcon1

طيب يااستاذ شنوري هو المحافظ ده لو اتشال هيبقي امتي؟
وان كان برده انا حاسس ان مفيش حاجه هترخص حتي لو رجعو التراخيص تاني لان اكيد اللي هيبني هيبقي عايز يبيع بالغالي زي غيره

الأسعار فعلا نار
ده في سيدي بشر قبلي شارع مصطفي كامل المتر 4500 - ووراك مناطق ضايعه كمان مش كام بيت يعني

انا كل الفكره عايز حد يبقي عنده فكره عن الأسعار في المنطقه دي عشان اعرف اتفاوض مع الراجل

---

والله ايدي علي كتفك نفسي اغمض عيني وافتحها الاقيه غار من البلد
اللي انا ملاحظه ان كميه اراضي كبيره جدا اصحابها هدوها وسايبينها مش عاوزين يبنوها
في انتظار انه يغور

اقتباس:

---

المشاركة الأصلية كتبت بواسطة shnory

والله ايدي علي كتفك نفسي اغمض عيني وافتحها الاقيه غار من البلد
اللي انا ملاحظه ان كميه اراضي كبيره جدا اصحابها هدوها وسايبينها مش عاوزين يبنوها
في انتظار انه يغور

---

انا قصدي اخر المده بتاعته امتي؟
محدش يعرف؟
بس اعتقد انه طالما مبوظ الدنيا يبقي مش هيمشي وهيفضل قاعد فيها

ايه ياشباب
فين نصايحكم
ياريت الكل يقول رايه

اقتباس:

---

المشاركة الأصلية كتبت بواسطة shaddadfalcon1

انا قصدي اخر المده بتاعته امتي؟
محدش يعرف؟
بس اعتقد انه طالما مبوظ الدنيا يبقي مش هيمشي وهيفضل قاعد فيها

---

مده ايه يا باشا



طيب انت والله :36_2_33:

اقتباس:

---

المشاركة الأصلية كتبت بواسطة misoalex

مده ايه يا باشا



طيب انت والله :36_2_33:

---

هما مش بيبقو علي مده برده ولا علي لزق؟
وياتري اللزق ده مش بيتشال ولا حتس يسيح

انا معرفش المكان علشان انا مش من اسكندريه بس 3000 جنيه دا العادى جدا
لو الشقة حلوه والمساحة مش مزودين عليها كتير والمكان كويس دووووس يا باشا
على فكره ممكن تلغى القسط النص سنوى و تزود القسط الشهرى لان كل حاجدة ممكنه مع الشركات الخاصة لانهم عايزين يضمنوا زبون فى السوق النايم دا

السعر حلو جدا جدا فى المنطقه دى ...... موضوع ان المخازن بتاعت المقاولين العرب هاتتعمل مول انا بسمعه من حوالى اربع سنين و الله اعلم هايتم فعلا وللا لأ ....... سعر المتر فى عمارات البروج اللى فى اول ربع من شارع النصر على اليمين اغلى من كده (تقريبا المتر بيعمل 3500) و فى العمارات اللى فى اول الشارع و اعتقد اسمها توب هاوس بيعمل من 3900 و طالع ..... بالرغم ان المنطقه كلها كان سعر المتر فيها من حوالى 9 سنين حوالى 900 جنيه ...... يا باشا اتكل على الله و لو حبيت تبيعها بعد كده هاتجيبلك اكتر من تمنها اللى دفعته و ربنا الموفق .
بس السؤال دلوقتى هل السعر بتاعك ده شامل التشطيب (((( انا ما اعتقدش)))) و طبعا ساعتها لازم تعمل حسابك فى مصاريف التشطيب و دى هاتبقى فى حدود من 600 الى 1000 جنيه للمتر حسب مستوى التشطيب اللى انت عايزه و حسب انت فى الدور الكام علشان فيه مشال و تشوين للبضاعه و فيه تنزيل للردش .

اقتباس:

---

المشاركة الأصلية كتبت بواسطة sh_masry

السعر حلو جدا جدا فى المنطقه دى ...... موضوع ان المخازن بتاعت المقاولين العرب هاتتعمل مول انا بسمعه من حوالى اربع سنين و الله اعلم هايتم فعلا وللا لأ ....... سعر المتر فى عمارات البروج اللى فى اول ربع من شارع النصر على اليمين اغلى من كده (تقريبا المتر بيعمل 3500) و فى العمارات اللى فى اول الشارع و اعتقد اسمها توب هاوس بيعمل من 3900 و طالع ..... بالرغم ان المنطقه كلها كان سعر المتر فيها من حوالى 9 سنين حوالى 900 جنيه ...... يا باشا اتكل على الله و لو حبيت تبيعها بعد كده هاتجيبلك اكتر من تمنها اللى دفعته و ربنا الموفق .
بس السؤال دلوقتى هل السعر بتاعك ده شامل التشطيب (((( انا ما اعتقدش)))) و طبعا ساعتها لازم تعمل حسابك فى مصاريف التشطيب و دى هاتبقى فى حدود من 600 الى 1000 جنيه للمتر حسب مستوى التشطيب اللى انت عايزه و حسب انت فى الدور الكام علشان فيه مشال و تشوين للبضاعه و فيه تنزيل للردش .

---

متشكر جدا لرد حضرتك
انا عارف فعلا ان الأسعار هناك اعلي من كده بس انا بقول ان دي جوه خالص وجنبها عشوائيات كتيير وبصراحه دخلت فيها شويه حاجه تسد النفس عشان كده المفروض التمن شايف المفروض يقل شويه عن الشارع نفسه اللي مفيهوش عشوائيات

السعر شامل تصف تشطيب - محاره + كهرباء من غير الفاتيح ولحاجات دي + باب شقه وشبابيك + حلقان الابواب الداخليه

بالتسبه لذيادة المبلغ الشهري والغاء النص سنوي هو كويس وهيجبرني اني ادفع الفلوس كلها واصرف نفسي بالباقي اللي معايا بس المشكله اني لواتزنقت في شهر مش هلاقي لكن النصف سنوي هيبقي معايا فلوس ذياده كل شهر بس ممكن اصرف منها كتيير واجي عن النص سنوي ميبقاش معايا

عموما انا لوحبيت انزل معاه في السعر تفتكر كده ممكن انزل كام من سعر الشقه ؟
ماهو مش مقعول هيقلولي 462 الف هقوله اتفضل ولا انت شايف ايه؟

اقتباس:

---

المشاركة الأصلية كتبت بواسطة hussein

انا معرفش المكان علشان انا مش من اسكندريه بس 3000 جنيه دا العادى جدا
لو الشقة حلوه والمساحة مش مزودين عليها كتير والمكان كويس دووووس يا باشا
على فكره ممكن تلغى القسط النص سنوى و تزود القسط الشهرى لان كل حاجدة ممكنه مع الشركات الخاصة لانهم عايزين يضمنوا زبون فى السوق النايم دا

---

يعني ايه مش مذودين عليها كتيير وازاي اعرف انهم مش عاملين كده؟

هي الشقه فيها 3 بلكونه واحده في الصالون واوضة النوم والمطبخ بس مش عارف ليه في المطبخ يعني

يعنى قيس الشقة او لوكانت لسه متعملتش يدوك رسم فيه ابعاد الغرف و المطابخ وكل حاجة - تجمع المساحات هيطلعو مثلا 130 متر
وهما عايزين يبعو باين 157 تقسمهوم على بعض و تشوف نسبة التحميل المفروض تكون فى حدود 20 %

متشكر جدا
انا معايا الرسم وان شاء الله هحسبها بالظبط
يعني كده انا المفروض ادفع 20% بس من المساحه الضايعه

اقتباس:

---

المشاركة الأصلية كتبت بواسطة shaddadfalcon1

السعر شامل تصف تشطيب - محاره + كهرباء من غير الفاتيح ولحاجات دي + باب شقه وشبابيك + حلقان الابواب الداخليه

---

اعمل حسابك لو هاتاخد الشقه ان شاء الله حاول تقف على ايدين الصنايعيه دى و بالذات بتوع المحاره علشان ماضطرش تهد كل اللى عملوه و تعمله من اول و جديد و طبعا هايبقى بخساره جامده جدا عليك لأنك هاتكون دافع تمن المحاره اللى بايظه و بعدين هاتكسرها بفلوس و هاتنزلها من الدور بتاعك بفلوس و هاتجيب صنايعيه محترمه تشتغل بفلوس .......
حاول تشوف لو هايدوك الشقه من غير الحلوق و الباب و الخشب عموما هاينزلوا منك كام لأن كده كده بيبقى تشطيبهم تعبان و هاتزود على السعر اللى هم هاينزلوه و تعمل حاجه محترمه احسم من اللى هم هايعملوه

بالنسبه للكهرباء برده تكون واقف على ايد بتوع الكهربا من اولها و تقولهم انك عايز مفاتيح الأنوار و البرايز فين و لو هاتعمل اباليك قولهم برده علشان يعملوا حسابهم فى فتحات الكهرباء و حاول تزود فى فتحات الكهربا بتاعت البرايز فى كل اوده علشان هاتحتجهم جدا و بالذات بتوع المطبخ للأجهزه الكهربائيه ......

حاول تخلى الصحى اخر حاجه تركب فى الشقه كلها علشان ماحدش من الصنايعيه يستخدمه و تكون انت اول واحد تستخدمه

و ربنا معاك و لو عايز اى نصيحه تحت امرك و انا من الأسكندريه برده و مش مهندس و ماليش دعوه بالمعمار بس عن خبره تشطيب شقق كتير من قبل كده الحمد لله

المفروض الشقة بالحوائط الخارجية والداخلية تكون فى حدود 127.5م هو دا الرنج اللى ماشى بيه السوق دلوقتى

اقتباس:

---

المشاركة الأصلية كتبت بواسطة sh_masry

اعمل حسابك لو هاتاخد الشقه ان شاء الله حاول تقف على ايدين الصنايعيه دى و بالذات بتوع المحاره علشان ماضطرش تهد كل اللى عملوه و تعمله من اول و جديد و طبعا هايبقى بخساره جامده جدا عليك لأنك هاتكون دافع تمن المحاره اللى بايظه و بعدين هاتكسرها بفلوس و هاتنزلها من الدور بتاعك بفلوس و هاتجيب صنايعيه محترمه تشتغل بفلوس .......
حاول تشوف لو هايدوك الشقه من غير الحلوق و الباب و الخشب عموما هاينزلوا منك كام لأن كده كده بيبقى تشطيبهم تعبان و هاتزود على السعر اللى هم هاينزلوه و تعمل حاجه محترمه احسم من اللى هم هايعملوه

بالنسبه للكهرباء برده تكون واقف على ايد بتوع الكهربا من اولها و تقولهم انك عايز مفاتيح الأنوار و البرايز فين و لو هاتعمل اباليك قولهم برده علشان يعملوا حسابهم فى فتحات الكهرباء و حاول تزود فى فتحات الكهربا بتاعت البرايز فى كل اوده علشان هاتحتجهم جدا و بالذات بتوع المطبخ للأجهزه الكهربائيه ......

حاول تخلى الصحى اخر حاجه تركب فى الشقه كلها علشان ماحدش من الصنايعيه يستخدمه و تكون انت اول واحد تستخدمه

و ربنا معاك و لو عايز اى نصيحه تحت امرك و انا من الأسكندريه برده و مش مهندس و ماليش دعوه بالمعمار بس عن خبره تشطيب شقق كتير من قبل كده الحمد لله

---

حضرتك نبهتني لكذا نقطه مهمه
مبدئيا الأستلام لسه مش اقل من 3 سنين
بس فكره برده اني احاول اتفق معاهم اني اخدها علي الطوبه بس ياتري انزل كام من سعرها؟

هي دلوقتي بيقولي 462 الف
لو علي الطوبه تبقي عامله كام ولو ذي ماهي ايه الحدود اللي اقدر انزلها منه؟ بمعني هل اقدر انزل منها 40 الف مثلا ؟؟ ولا اخرهم هيبقي 10 الاف ولا دي حاجه تختلف من شركه للتانيه؟

اقتباس:

---

المشاركة الأصلية كتبت بواسطة hussein

المفروض الشقة بالحوائط الخارجية والداخلية تكون فى حدود 127.5م هو دا الرنج اللى ماشى بيه السوق دلوقتى

---

يعني كده في 25.5 متر ذياده ده لو هيا فعلا 127.5

طب معلش عشان افهم كويس - ال 25.5 اللي هما هيبقو عاملين 77163 جنيه
ال 20% اللي حضرتك قولت عليهم - دوول انا اللي ادفعهم ولا هما؟
يعني انا المفروض ادفع 15432.6 وهما الباقي ولا العكس؟
يعني انا اروحلهم واقولهم المفروض تخصمو المبلغ ده من الشقه؟

معلش انا عايز افهم كويس عشان ده شقي 5 سنين ومش عايز احس اني اتخميت

هو فى اشاعة بتقول انو هيمشى فى شهر 7 او 11 مع انتخابات الرئاسة
يارب
دا انا حياتى وقفت بسبب الراجل دة

نسبة ال 20 % دول المفروض انهم خدمات انت بتتمتع بيهم على المشاع مع باقى الملاك زى السلم والمدخل و المناور و الاسانسير يعنى طبعا هتدفعهم :)

اقتباس:

---

المشاركة الأصلية كتبت بواسطة hussein

نسبة ال 20 % دول المفروض انهم خدمات انت بتتمتع بيهم على المشاع مع باقى الملاك زى السلم والمدخل و المناور و الاسانسير يعنى طبعا هتدفعهم :)

---

يعني باختصار عشان مصدعكش معايا
الشقه نفترض انها صفت 127.5 وهو بيقولي 153
يبقي كده المفروض ادفعله تمن 127.5 متر علي سعر المتر اللي هو قايله بالأضافه الي 20% من سعر ال 25.5 متر الذياده - صح كده؟ ولا هما يبيبقو عاملين حسابهم علي كل حاجه؟

تاني حاجه ودي لكل الناس:
لو مكاني هتزنق نفسك 5 سنين تسدد في تمنها غير لسه تشطيب وعفيش لان العفش اللي عندي مش هينفع يتحط في دي خالص
ولا تجيب حاجه عل قدك ويبقي قسطها حنين ومش هبقي مزنوق وهتعيش فيها وتوفر فلوس الأيجار وهتتفسح وتعمل كل اللي في نفسك
الأختيار الأول هيجيبلك شقه احلامك
الاختيار التاني هيجيبلك شقه معقوله وفي احتمال قدام انك تعرف تجيب احسن منها او متعرفش

انا دماغي خلاص هينفجر
زوجتي زيي برده حيرانه - ووالدتي مع الأختيار الأول ووالدي مع التاني

لا انت هتدفع تمن ال 153 متر كلهم بس المهم متدفعش تمن 153 متر وفى الاخر تلاقى نفسك اعد فى شقة 100 متر علشان كده بقولك احسب المساحة الفعلية
بالنسبة للقسط لو عايز تزنق نفسك ازنق نفسك سنة او 2 مش اكتر
لو عايز تقسط 5 سنين لازم يكون قسط مريح علشان اعصابك هتتعب منها
و بعدين شقة 153 م مش هتكون شقة احلامك لو مستواك المادى بقى احسن هتفكر فى فيلا
خليك فى حاجة حنينة ومتزنقش نفسك جامد

اقتباس:

---

المشاركة الأصلية كتبت بواسطة hussein

لا انت هتدفع تمن ال 153 متر كلهم بس المهم متدفعش تمن 153 متر وفى الاخر تلاقى نفسك اعد فى شقة 100 متر علشان كده بقولك احسب المساحة الفعلية
بالنسبة للقسط لو عايز تزنق نفسك ازنق نفسك سنة او 2 مش اكتر
لو عايز تقسط 5 سنين لازم يكون قسط مريح علشان اعصابك هتتعب منها
و بعدين شقة 153 م مش هتكون شقة احلامك لو مستواك المادى بقى احسن هتفكر فى فيلا
خليك فى حاجة حنينة ومتزنقش نفسك جامد

---

استاذ حسين انا مش عارف اشكر حضرتك ازاي وشكلي فعلا هعمل بنصيحتك

انا حسبت دلوقتي المساحه الكليه من الرسم اللي اخدته منهم
المساحات المكتوبه بتاعة الأوض والمنافع ولصاله والبالكونات عامله 96.5
الطرقات اللي في مدخل الباب واللي ببن الأوض حسبتها بالمقارنه بالرسم طلعت وحسبت بذياده طلعت 115.5

يعني كده هيبقي مضحوك عليا في مبلغ محترم

يبقي انا اخليني في حاجه صغيره احسن علي الأقل المساحات الذياده فييها بتبقي اقل

لازم تتاكد الاول من ان المقاسات دى منغير الحوائط ولا بيها لأن المقاسات دى لومن غير الحوائط 115.5 و نص يبقى بالحوائط هتعدى ال 127.5 و بكده ميبقاش ضاحكين عليك اتأكدمن الشركة الاول
لو لاقيتها من غير حوائط يبقى كويس
ولو عايز احسبهالك ابعتلى الرسم وانا احسبهالك ( اخوك مهندس مدنى)

شباب حد يعرف اسعار جراند فيل اليومين دوول ايه ؟ وخصوصا بعد كمية العمارات المهوله اللي اتبنت دي؟

بصراحه انا معرفش اسعار جراند فيل سموحه بس عموما انا مش بحب شارع النصر ممكن حضرتك لو حابب تشوف مكان تانى فى منطقه كويسه اللى هى فى المندره قبلى اللى فيها مرسيليا فلورانس المنطقه دى انا ساكن قريب منها فى مجمع سكنى تبع الاوقاف اسمها مدينه الزهور اسعارها المتر بحوالى 2500 ومرسيليا فلورانس بس لسه متبنتش من3000الى 8000 حسب الموقع والمساحه وقدامها فى المنتزه فلاورز سعر المتر حوالى من2300 الى 3600 وفى مشروع رويال بلازا اللى فيها كارفور و المنتزه جرين فيو بس دول مش عارف اسعارهم بس اكيد فى نفس الرنجات . كل دى مجمعات سكنيه وفيها خدمات كتير وشركات معروفه اللى بنياها وبتسوقها ..
وتحت امرك لو انت حابب تسأل فى اى حاجه انما للاسف مش حقدر افيدك فى سموحه

للأٍسف انا عايز حاجه قريبه عشان انا اصلا دلوقتي ساكن في سيدي بشر قبلي وشغلي في سموحه واهلي في كفر الدوار فعايز اقرب شويه للزراعي ولشغلي مش عايز ابعد وبصراحه المندره والمنتزه بعاد قوي وحاسسههم مطرفين شويه في اخر البلد وحرام ادفع في اي حته قبلي اكتر من 2000 جنيه للمتر

بصراحة انا من رايي في ظل كمية العمارات المهولة اللي اتبنت دي شارع النصر باه مستبعد عند كتير من الراغبين في الشراء انت ممكن تشوف في محرم بك او الابراهيمية اماكن كلها قريبة بالنسبة لحضرتك و هتلاقي اسعار معقولة و تقسيط و ربنا يوفقك ان شاء الله

ماهو لو مسنبعد يبقي اسعاره هتقل وده قشطه قوي بالنسبه ليا بس المشكله ان مفيش اسعار بتقل وحتي اللي بيبيني جديد ومش مرخص كمان بتبقي اسعاره عاليه جدا وزي اللي مرخص ويمكن اعلي كمان

اقتباس:

---

المشاركة الأصلية كتبت بواسطة eslamrace

بصراحه انا معرفش اسعار جراند فيل سموحه بس عموما انا مش بحب شارع النصر ممكن حضرتك لو حابب تشوف مكان تانى فى منطقه كويسه اللى هى فى المندره قبلى اللى فيها مرسيليا فلورانس المنطقه دى انا ساكن قريب منها فى مجمع سكنى تبع الاوقاف اسمها مدينه الزهور اسعارها المتر بحوالى 2500 ومرسيليا فلورانس بس لسه متبنتش من3000الى 8000 حسب الموقع والمساحه وقدامها فى المنتزه فلاورز سعر المتر حوالى من2300 الى 3600 وفى مشروع رويال بلازا اللى فيها كارفور و المنتزه جرين فيو بس دول مش عارف اسعارهم بس اكيد فى نفس الرنجات . كل دى مجمعات سكنيه وفيها خدمات كتير وشركات معروفه اللى بنياها وبتسوقها ..
وتحت امرك لو انت حابب تسأل فى اى حاجه انما للاسف مش حقدر افيدك فى سموحه

---

انا جارك على كدة انا فى الزهور برج رقم 3 بس مش مقيم فية انا اصلا شرقاوى ويشرفنى اتعرف عليك كنت عايز اعرف من حضرتك اية نظام رويال بلازا الى حضرتك قولت عليها ممكن تعرفلى الاسعار لو تكرمت

اقتباس:

---

المشاركة الأصلية كتبت بواسطة hh

أولا ربنا يعينك و يقدرك تجيب أحسن حاجة ان شاء الله.

بالنسبة لسؤالك, أنا مش من أسكندرية و معرفش الأسعار هناك خالص بس حقولك وجهة نظري في موضوع شراء الشقة ده بصفة عمة ايا كان المكان.
................

و في النهاية طبعا متنساش الأستخارة و ربنا يا رب يوفقك للأحسن و يبارك لك فيه.

---

الصراحة ردود حضرتك دايماً مبهرة.
أنا متفق مع كل ما قلتيه تماماً جزاك الله خيراً
وربنا يوفقك يا هيثم في الاختيار

اقتباس:

---

المشاركة الأصلية كتبت بواسطة mastr_n

انا جارك على كدة انا فى الزهور برج رقم 3 بس مش مقيم فية انا اصلا شرقاوى ويشرفنى اتعرف عليك كنت عايز اعرف من حضرتك اية نظام رويال بلازا الى حضرتك قولت عليها ممكن تعرفلى الاسعار لو تكرمت

---

الشرف ليا طبعا انا ساكن فى برج رقم13 وان شاء الله نتقابل قريب وبالنسبه للرويال بلازا ده الخط الساخن بشركه الحلوانى الشركه المالكه 19047 هما دلوقتى بيبنوا المرحله التالته ودى اللى حيبقى فيها الفندق بيتهيالى لسه فى وحدات فاضيه ممكن حضرتك تسال معاهم يكون افضل لان الملاك الحاليين (المرحله الاولى والتانيه ) بيبيعوا كاش وححاول اعرف لحضرتك اسعارهم

طب ايه رايكم في الحته الي عند سيتي لايت