بص يا محمد باشا
حضرتك تقريبا من البروفيل بتاعك باين عليك ان معاك صنى 2007 , فكدا يعتبر انت طلعت من الضمان
وتقدر تجيب اللى انت عايزه وتركبه بره , بس فى حاجة
اولا عشان تجيب الحاجة من بره لازم تدور على الحاجة اللى تكون الخامة بتعتها جيدة ومحترمة حتى لو غالية شوية عشان متقصرش على اى حاجة فى الكهرباء عندك خصوصا الفوجات
ثانيا تختار صنايعى شاطر وشغل ايده يتلف فى حرير
الحل البديل
ممكن بردوا عشان انت خرجت من الضمان تشترى الحاجة من بره بخامة محترمة بردوا وتروح تركبها عندهم فى التوكيل عادى اذا حابب هم يركبه
وحيوفقوا عادى بس على الحاجة اللى انت جايبها حتكون على ضمانك انت , وطبعا المصنعية بتكون غالية عن بره زى ما انت عارف
بخصوص تمن الفوجات فى التوكيل بقا
فى نوعين
الاول تايوانى وده مش الاصلى الاصلى بتاع العربية , وهو مش موجود عندهم دلوقتى , ولما حيجى اخر الشعر بيكون سعره فى حدود 650 جنيه بالوش بتاعه ورشه وتركيبه تقريبا
والثانى فى فوجات اصلية اصلية زى اللى بتنزل مع العربية , وصناعتها بلجيكى , ودى زى اللى تبيجى مع العربية بالظبط
والفوج الواحد منها ب700 جنيه , غير تمن وش الفانوس بتاع الفوج وتمنه 100 جنيه غير الرش والتركيب , فحتكون غالية جدااا
فكدا خاليك فى التايوانى اللى بره اللى شوفته وركبه بره اذا كان عند حد شاطر , ولومش ضامن الللى بره هات التايوانى من التوكيل ,وطبعا كل ده حسب الحاجة اللى انت بتشوفها , وبتتفرج عليها
بخصوص السنسور بارك بره التوكيل سعره بيبتدى من 150 جنيه وانت طالع , انواع وجودات وبره مش حيرشلك العدسة
فخليك فى العرض بتاع وحدة الرفع والسنسور حيكون تحفة وتايوانى , وحيرشولك العدسة زى ما عملوا مع زميلنا عمرو لما ركبه بعدستين وزى برضوا اللى ركبه بيشوى وكان 4 عدسات عنده وكلهم اترشوا طبعا
وبخصوص موضوع ال4 عدسات او 2 , هو المفروض ان لما بتزود العدسة طبعا بيعطيك احساس اكتر بالعائق والزاوية بتكبر وبتوسع , لكن انا وقفت فى كل زواية ورا العدستين وورا اللاربعة ومحستش بفرق يذكر بامانة
ولكن عشان انت عندك شوية خرابيش فى نفس اماكن فتحات ال4 عدسات , يبقا ركب ال4 عدسات احسن ,وتدارى بيها الخرابيش اللى موجودة عندك
وبخصوص الزينون انا اول مرة اسمع عن زينون 55 واط , انت قصدك لمض بيضا مثلا بقوة 55 واط
دى عادى وبتركب مفيش مشكلة
واتمنى انى اكون افادت حضرتك يا محمد باشا
وده وقت الدلع يا باشا , لان الواحد فعلا بيحب بعد كام سنة كدا يروشن ويغير فى العربية ويدلعها عشان ميحسش بملل معاها ولا هى تمل منه ههههههههههههه
تقبل تحياتى
وتحت امرك يا فندم
المفضلات