الموضوع: تعديل اعضاء نايل موتورز لسيراتو كوبيه و سيدان بالصور.موضوع خمس نجوم

المشاركة الأصلية كتبت بواسطة smsmrace

اسف لاتأخرى فى الرد على الموضوع الحلو ده يا محمد ولكن لظروفى الخاصه الى انت عارفها

الف سلامه و ربنا معاك فى الظروف اللى انت فيها ,و نتمنى الشفاء العاجل

انا هاقول رائيى على التعديلات بكل صراحه وارجوا ان صراحتى متزعلش حد

احسن حاجه فى الدنيا الصراحه,لانها بتخلينا نتقدم اكتر و نصلح عيوبنا,و انا مبسوط من مشاركتك الجميله دى

ابدا بعربيه shod90

1/ تركيب اللمض البيضا على النمر مش حلوه بأى لون لمض وبأعتقادى الشخصى ان اللمض دى معموله عشان تنور النمر لعساكر المرور عشان يعرفوا ياخدوا النمر. يعنى هو ركبلهم نمر بيضا عشان توضحهلهم اكتر وانا عن نفسى بروح اقفل اللمض دى بورق مط عشان مينوروش خالص واضلمها عليهم هههههههههههههه

هى شكلها حلو وجديد بس انت معاك وجهة نظر و حق
اما اللمض الى قدام طبعا حلوه بس متنفعش لوحدها تبقى ابيض واللمض الاساسيه لونها ابيض مصفر. لازم اللمض بتاعت العالى و الواطى تكون ابيض تلجى زيها او زينون على حسب الرغبه ولكن لازم الفانوس كله يكون درجه واحده. حتى لمض الاشاره فى منها ابيض ليدات وشكلها شيك اوى. وخد بالك لو غيرت ليدات الاشارات الى فى الفانوس لازم تغير الى فى المريات زيها ودى سهله جدا برده مش صعبه خالص.

+11111111

2/ تركيب ليدات تحت الباب اليمن و اليسار حمراء رائعه ,و ايضا ليدات تحت التابلوه. شكلها شيك ولايقة على الكوبيه

+11111111 جمده جدى بصراحه

3/ تفييم لفانوس الخلفى ما عدا لمبة الريفرس. انا شايف ان الفانوس لونه حلو وهو احمر زى ماهو او يفيمه احمر. بس ده مش معناه ان الاسود وحش. لا هو حلو برده بس ده رائيى المتواضع.

يا باشا لازم يبقى فيه كونتراست عشان الحاجه تبان اكتر

4/ استكر most wanted بتاع نيد فو سبيد على الابواب جامد جدا (ب 8 جنيه ),و استير scary على تانك البنزين.
+11111111 بصراحه شادى زوقه عالى و راجل لماح و شيك
كلمه most wanted دى قديمه اوى وانا شايف ان فى كلام اشد من دى بكتير لان دى خدت وقتها وناس كتير اوى عملوها فى وقتها. اما الاستيكر على غطاء التنك دى مش لذيذه خالص عشان عامله زى مايكون حبايه طالعه فى وش حد وبتخلى شكله مش حلو.

+ معلش دى الاستيكر اللى كان متوفر ساعتها ,و كانت حاجه جديده و ترويش

5/ و ستيل الجولف gti (الخط الاحمر على الشبكه). شكلها شيك جدا طبعا بس من رائيى لو اتعملت كاربون مع الاطار الى حولين الفونيس الفوجات هاتبقى جامده اوى اوى

+11111111111
ده اللى انا وشادى اتكلمنا فيه و ان شاء الله بعد الامتحانات هنعمله فى عربيته

6/ gard للباب اسود مط فى سلفر جلد طرى عشان لما يفتح الباب ميتجرحش من اللى جنبه و لا يجرحه,بالاضافه الى جار اخر بالطول على سن الباب لونه اسود لميع. هى بصراحه فيدتها فى منع الخدوش بس متنفعش فى عربيه رياضية.

+11111111 بس بصراحه فى الحقيقه مش باينه خالص انها وحشه و بالعكس شكلها شيك

7/ عمل تعديل فى المساحات للزجاج الامامى و قام بالغاء وحده و ترك الاخرى و قام بتطويلها و تركيب مساحه المانى 24 انش ب 15 جنيه. هى فكره قديمه شويه بس برده حلوه ولايقة على العربيه بس ناقصها انها تترش بلون العربيه.

8/ لمض ليدات للصالون. لذيذه.

+111111111111

ندخل على عربيه محمد السيدان السلفر

1/ قمت بعمل مرايات كاربون و شبكه كاربون (عملتهم بنفسى و اشتريت الكاربون)real carbon 3d( و اشتريت الهوت جن "زى الاستشوار كده ")زى اللى عند بتوع الفاميه. شكلهم شيك اوى بس بصراحه لما تكون المرايه بلون العربيه شكلها بيبقى احلى.

+111111111111
كلامك مظبوط انا اصلا عامله على المرايه كنوع من التجربه و التغيير و اشوف هل هيتشال من على المرايه و الا هيقشر مع الاستخدام و الغسيلو الا لا...................

2/ شبكة اماميه ستيل gti مثلها بالظبط و ليست استيكر(خرطوم احمر زيها ) (مع حرف r احمر ب 15 جنيه) , و خط احمر حول علامه كيا رفيع. شكلها فظيع جدا وكان نفسى اعملها من زمان بس قالولى ان الكاربون مينفعش يتلزق على النيكل وهيطلع علطول. بس انت هاتعرفنى بقى هايطلع بعد فتره ولا لا.

+1111111111111111111111111111111111111111111111111 11111111111111111
مفيش صنايعى فى مصر الا و قالى الكلام الفاضى ده ,ده كلام كله هبل بتاع الناس دى.
شويه يقولو الكاربون مبيخدش كرفات و شويه يقولوا لزقه ضعيف خد من المط او اى حاجه تانيه
و شويه يعملوه و يبوظه و يلبسونى حقه
و شويه يحرقوا المربعات اللى فيه او يمطوها او تبهت و كلهم مفيش حد منهم بيحاول يشتغل بنضافه بصراحه
الشبكه يا باشا انا عملتها بطريقه متطلعش و لا تقشر و لا تفك الا فى حالتين حادثه لا قدر الله او حد يجرحها بسكينه او اى حاجه حاده يعنى
غير كده مفيش
و على فكره الشبكه اصعب بكتير من اى حاجه تانيه لانها مليانه كرفات و ملفات و رخمه و مش هتتعمل صح الا لو اتفكت و اتعملت فى البيت زى ما انا عملتها و حد يساعدك كمان .

3/ كفر فرامل بريمبو احمر 80 جنيه و ده ارخص حاجه و فى ب 400 جنيه او 350 و كلهم بلاستيك و سيلكون حرارى ب 25 جنيه انبوبه كبيره و لزق ب 3 جنيه من عند سمير و على عشان الفنش لحد اما ينشف و بعد كده بيتشال. طبعا مش محتاجين كلام جامدين جدا جدا

+111111111 اشكرك

4/ غطا للبلف عليه علامة كيا معدن و معاه ميداليا و بتربط بمفتاح مع الميداليه كمان عشان محدش يفضيلك الكوتش و كمان شكله شيك .15 جنيه. شكلهم حلو

+1111111

5/ shark fin antenna و ده كفر للاريال بتاع الكاسيت و تم تعديله حتى يتم تركيبه فوق قاعدة الاريال الاصلى و لا يؤثر على قوة الاشاره و اصلا الراديو شغال صوته حلو جدا من غير الاريال اصلا.(و الكفر . شكلها حلو اوى

+111111 شكرا يا باشا

6/ gard للباب اسود مط فى سلفر جلد طرى .20 جنيه. هى بصراحه فيدتها فى منع الخدوش بس متنفعش فى عربيه رياضية.

وجه نظر بس عربيتى سيدان مش كوبيه

7/ لمض ليدات للصالون 50 للسيدان تقريبا عشان هى 3 حتت 2 قدام و واحده كبيره فى الخلف و نسيت اصورهم للاسف انا و شادى. حلوين واحلى من القدام

8/ لمض ابيض ثلجى مكان المض السهارى فى الفانوس الامامى. حلوه وزى ماقولت فوق

+11111111

9/ لمض osram 55 wat فى النور الواطى و اضائتهم بيضاء حلوه. هو ده الى قولت عليه لازم اضائه الفانوس تبقى درجه واحده

+1111111111111

10/ تم لزق فاميه شفاف على اعتاب العربيه من الداخل و الخارج و على الابواب من اسفل و عند التابلوه من تحت. حركه حلوه ولو وش الفانوس بتاعك لسه زى ماهو ولسه متسنفرش الحق واعمله هو كمان عشان بيبوظ لما بيتسنفر وللاسف عرفت المعلومه دى متأخر اوى والازاز والاكصدام والكبوت كمان لو بتسافر كتير.

+1111111111 معلومه جديده و حلوه اوى و معاك فيها ملون فى الميه حق

وده رائيى المتواضع عن التعديلات وياريت كلامى مش يدايقك يا محمد ولا انت يا shod90

الله ينور عليك و عاوز رايك فى الجنوط الكاربون كمان ,و باقى التعديلات اللى هعملها ان شاء الله
و كلامك فعلا فادنى و اكد وجهة نظرى
و شرفت الموضوع يا كبير
و السلام ختام

المشاركة الأصلية كتبت بواسطة m7amd_7amdy

بسم الله ما شاء الله شغل عالى اووى

عاشت دماغكوا والله

ومعلش ياباشا على تأخيرى فى الرد

وفى انتظار المزيد يارجالة :))

الله يخليك و منور دايما يا باشا
و ان شاء متجدد