مسلسل هندي فى التوكيل مكون من 6 ايام

**eng_Amr** · 21-01-2011 02:47 AM

السلام عليكم
اخباركو ايه يابروتوناوية يارب كلكو بخيير
انا عندى قصة خيالية حصلتلى فى التوكيل حكتلكو جزء صغير منها فى صيانة ال60
انا هسيبكو تحكمو فى الاخر عشن انا اتبهدلت فعلا.
هبتدى من تانى يوم اروحو بعد صيانة ال60 وهختصر على اد ماقدر

يوم الاحد

المشكلة اللى مديقانى كانت صوت وانا ماشى طول مانا دايس بنزين وبيظهر اكتر على التالت وانت طالع بعد ال60 العربية دخلت الصيانة اتصلو بيه الساعة 4 العربية خلصت رحت استلم العربية المهندس كلفتنى و هب هب وامشى بالعربية نفس المشكلة بالظبط لتالت مرة ماتتحلش قالولى اعدى عليهم تانى يوم (فوت علينا بكرة).

يوم الاتنين

كنت مصر ان واحد يطلع معايا اسمعه الصوت فضلو نص ساعة وواحد خرج معايا عشان نجرب اول حاجة- دة صوت بلية- قلتله مستحيل البليه الصوت بيروح وييجى مع البنزين وواضحة اوى مش مع الدبرياج قالى انا متاكد قلت يامسهل شرحلهم الصوت والاقتراحات مشيت وبعدين اتصلو بيا الساعة 3 تقريبا رحت استلم العربية قلولى طرمبة الباور هى المشكلة طب ازااااااااى دى باة احجزها وعلى ماتيجى ربنا يسهل طب ياجماعة انا متاكد ان الموضوع مالوش اى علاقة بطرمبة الباور انا عايز واحد بيفهم يجرب العربية استنيت ربع ساعة او اكتر وفى الاخر جابو واحد نزل معايا يجرب سمعتو الصوت قاللى طبعا لا بلية ولا طرمبة باور قلت الحمد لله الراجل دة اللى هايجيب من الاخر. جرب كل الاحتمالات والعربية صعبة عليا من التجارب العنيفة اللى كان بيعملها بس قلت المهم تتصلح رجعنا قالولى كدة هنفك ونشوف فتعالى بكرة من اول النهار احسن

يوم التلات

سلمت العربية طبعا كل يوم اتاخر على الشغل وناس بسيبها شغلها تيجى توصلنى وحاجة تتعب الاعصاب كل لما اتصل بالمهندس يcancel عليا طب ليييه ماترد وتطمنى انا بتصل بعد 3 على فكرة وعلى الساعة 5 اتصل بيا العربية بقت تماااام وتعالى استلم-- واحد صاحبى وصلنى وانا فى الطريق اتصلو تانى وقالولى العربية لازم تبااااات مفهمتش بس قلت ماشى طبعا اتعذبت عشان اروح ماكنتش عامل حسابى طبعا

يوم الاربع

كل لما اتصل الراجل مايردش ادايقت بس قلت انا هاروح على 4 و نص اتصلو على 4 و ربع لما رحت قالولى انهم غيرو كرونة الفتيس هى اللى كانت عاملة مشكلة تمام قلت اجرب العربية الاول ادور العربيه كويس اوى لسة هرجع السنسور مش شغال بصيت ورا النور بتاع المارشيديير مش شغااااااال اتجننت كانت الساعة بقت5 فتحت الكبوت عشان اشوف فى ايه لقيت الكبوت تقيل اوى و بيفتح بالعافية اتنرفزت اكتر قفلت الكبوت لقيته طالع من الجمب اليميين فوق شوية طبعا كان كله مشى فضل المهندس يكلمنى شويه فى الاخر فوت علينا بكرة

يوم الخميس

قلت المرة دى هدخل لمحمد عبد الهادى راجل ممتاز واسلوبه حلو كالعادة و انا اصلا كنت شايط يعنى كان اى حد هيدايقنى هانفجر قاللى ادخل للبشمهندس سيد الاول وبصراحة انا دايما بينه وبينى مشاكل لكن و سبحااااااااان الله وعارف ان فى ناس كتيير مش هتصدق المهندس سيد كان كويس جدا معايا وهزر معايا وضحك !!!!!!!!!
طبعا التوكيل كله كان عارف حكايتى كل واحد يعدى يتاسفلى و يوعدنى ان كل مشاكلى هاتتحل باذن الله سيبت العربية وعلى الساعة 3 المهندس محمد عبد الهادى كلمنى و كل حاجة خلصت انا فرحت اوى
قلت يارب-- نزلت من الشغل وصلت التوكيل المهندس محمد قاللى قبل اى حاجة شوف العربية والكبوت
كل حاجة سليم ماعدا نقرتين مكان تثبيت الكبوت مش مهم هطنشهم وفى لمبة ورا مش شغالة مش مهم انا اكتفيت و عايز امشى

---------------يتبع---------------

**M.Nasr** · 21-01-2011 03:05 AM

متابع

**eng_Amr** · 21-01-2011 03:09 AM

دخلتلهم وقلت زى الفل انا عايز امشى قالولى بس هتدفع 50 جنيه ؟؟؟؟ ليييه مصنعية تعديل وضع الكبوت طبعا لسه هانفجر تدخل وبردة مش هتصدقووووووووووو للمرة التانية المهندس سيد وقال خلاص حقك انك متدفعش انا كنت مصدوم جدا اصل تاريخى معاه مش حلو بس الظاهر ان اللى بيحصلى حنن قلبه عليا قلت دة كلام كبير كلهم اتاسفولى وسلمو عليا وانت و انت معلش وحاجة كانت حلوة اوى المفروض دى تكون النهاية السعيدة

لاااااااا طلعت بالعربية كل حاجة سليمة و زى الفل الصوت راح السنسور شغال الانوار سليمة والخساير بسيطة جدا نقرتين فى الكبوت مكان المفصلة يمين و شمال
وانا ماشى على الصحراوى بجيب الخامس الفتيس علق مش رادى يجيب الخامس فضلت ازق الفتيس جامد لحد ماجاب الخامس, حاولت امور مارضيش يفك ويرجع تانى شديت جامد لحد مافك

طبعا اتصلت تانى ونفس الكلمة (معلش عدى علينا تانى يوم السبت او الاحد)

انا دمى محروووق العربية طول الفترة اللى فاتت ماقالتش لا وعمرى ماعملت اى صيانة برة التوكيل و عشان يحلو مشكلة واحدة زلونى كل دة. وطبعا مافيش المهندس امر مسافر ماليزيا
طب ايه الحل انا لحد النهاردة ماعملتش اى شكوى بس مش مفروض دة يحصل فى التوكيل قولو رايكو ؟؟

نسيت اقول ان الكمبيوتر بتاع العربية كان مهيس فترة وعملت reset للحاجات كلها وظبطت الساعة من اول وجديد

انا هاروح تانى و امرى لله ومستنى بفارالصبر المهندس ااامر الكوافى عشان بقيت الحاجات اللى طنشتها عشان انجز
كنت عايز احط الموضوع فى الشكاوى بس اطول من انه يتحط هناك وكمان انا فى حاجات ماقولتهاش يس اللى قلته كفاية اوى

**Tayer** · 21-01-2011 03:10 AM

--------------

يارب تكون مشكلتك أتحلن

**eng_Amr** · 21-01-2011 03:17 AM

المشاركة الأصلية كتبت بواسطة tayer

--------------

يارب تكون مشكلتك أتحلن

الحمدلله المشلة الاساسية اتحلت عن طريق تغيير الكرونة بتاعة الفتيس لكن المشكلة فى التوابع لسة ماخلصتش مش عارف اجيب الغيار الخامس وانا ماشى

**Raul_7** · 21-01-2011 05:34 AM

معلش ربنا معاك, ورأيي متروحش تاني الا لما باشمهندس امر ييجي, ونصيحة مني عن تجربة, لو فيه صوت في العربية ممكن تتعايش معاه ماتحاولش تعالجه في التوكيل, لأن برده الفنيين هناك على قدهم, وبحسهم بيعدوا يطبشو لحد مايقوللك عملنا الصوت وفي الآخر بتلاقي الدنيا زي ما هي إن ماكانش طلعلك العربية بصوت تاني.

**mido_soliman** · 21-01-2011 11:50 AM

المشاركة الأصلية كتبت بواسطة raul_7

معلش ربنا معاك, ورأيي متروحش تاني الا لما باشمهندس امر ييجي, ونصيحة مني عن تجربة, لو فيه صوت في العربية ممكن تتعايش معاه ماتحاولش تعالجه في التوكيل, لأن برده الفنيين هناك على قدهم, وبحسهم بيعدوا يطبشو لحد مايقوللك عملنا الصوت وفي الآخر بتلاقي الدنيا زي ما هي إن ماكانش طلعلك العربية بصوت تاني.

كرونة الفتيس دى ميقدرش يتعايش معاها لو بتعمل ونة جامدة بس انا بيتهيالى ان العيب دة او المشكلة دى مقابلتهمش كتير قبل كدة او مقابلتهمش خالص علشان كدة غلبوة الغلب دة كلة
ربنا معاك وحاسس بيك لانها لما بتقفل الواحد بيبقى هاين علية ياخدها بايظة اكتر من الاول بس يمشى

**Raul_7** · 21-01-2011 01:33 PM

المشاركة الأصلية كتبت بواسطة mido_soliman

ربنا معاك وحاسس بيك لانها لما بتقفل الواحد بيبقى هاين علية ياخدها بايظة اكتر من الاول بس يمشى

تمام, خصوصا لما واحد زيي يفضل مستني 8 ساعات في التوكيل وفي الآخر المشكلة ماتتحلش.

**eng_Amr** · 21-01-2011 01:52 PM

هم فعلا مايعرفوش المشكلة دى بس ده مش عذر انهم يفتو فى العربية. وكمان مقفلوش العربية كويس كل المشاكل اللى بعد كدة انهم ماعرفوش يركبو الفتيس صح.
وفعلا صعب تعيش مع صوت الونة دى كأنك راكب ميكروباص قديم.
ده غيييير تضيييع الوقت انا بقالى اسبوع بتاخر الصبح على الشغل و بسيبه فى النص عشان التوكيل

**eng_Amr** · 21-01-2011 02:03 PM

انا مش عارف المهندس امر هيرجع امتى لو حد عارف يقولى
انا محصلش معايا اى مشاكل قبل كدة فكان تعاملى مع التوكيل صيانات وبس فطبعا اللى حصل دة تهريج

الموضوع: مسلسل هندي فى التوكيل مكون من 6 ايام

LinkBack

أدوات الموضوع

عرض

-

-

المواضيع المتشابهه

منزل مكون من سبع ادوار

صنى والاستلام كمان ١٠ ايام من التوكيل

هو انتو فاكرينني هندي ؟؟؟؟؟؟ لا يمكن اكون هندي ابدا

مسلسل البيرسونا في التوكيل

ويستمر مسلسل الإستهزاء بالعملاء من التوكيل

الكلمات الدلالية لهذا الموضوع

المفضلات

المفضلات

ضوابط المشاركة