مشكلة الزيت فى كل العربيات القديمة

**THE_HERO2005** · 21-01-2011 07:55 AM

السلام عليكم... انا لسه مغير الزيت امبارح واكتشفت ان الموتور ماشى ب 1 لتر زيت بس فهل معقول ان الموتور ياكل 3 لتر كاملين ؟ والكلام دا فى كل العربيات القديمة؟ وايه المعدل نقص الزيت الطبيعى للموتور .. علما بان حاله الموتور 70% ومفيش دخان من الشكمان ؟ انا كنت بستخدم كلتكس 1000 كيلو الراجل نصحنى انى استعمل وزيت التعاون الاحمر درجة اللزوجة 50 .... مع عدم تغيير الفلتر !!! ينفع الكلام دا ؟ العربية بولونيز 1987.... 1500 cc

**THE_HERO2005** · 21-01-2011 08:00 AM

لسلام عليكم...

انا لسه مغير الزيت امبارح واكتشفت ان الموتور ماشى ب 1 لتر زيت بس

فهل معقول ان الموتور ياكل 3 لتر كاملين ؟ والكلام دا فى كل العربيات القديمة؟
وايه المعدل نقص الزيت الطبيعى للموتور .. علما بان حاله الموتور 70% ومفيش دخان من الشكمان ؟
انا كنت بستخدم كلتكس 1000 كيلو الراجل نصحنى انى استعمل وزيت التعاون الاحمر درجة اللزوجة 50 .... مع عدم تغيير الفلتر !!! ينفع الكلام دا ؟

العربية بولونيز 1987.... 1500 cc

**MASERATI** · 21-01-2011 02:15 PM

السلام عليكم و رحمة الله و بركاته

اللى أنا أعرفه أن لما بتكون المكنة خفيفة , العربية بتاكل زيت و ده نتيجة تسرب و احتراق جزء من زيت الموتور فى غرفة الاحتراق الداخلى و ده نتيجة وجود بوش أو خلوص بين المكبس و جدار السلندر من الداخل و أنا نفس الحكاية عندى, فى عربيتنا البيجو ال505 القديييييييييمة مو 1980 , بحطلها زيت total اللى هو اللزوجة بتاعته 50 برضه اللى الجركن بتاعه لونه برتقالى ( بيتغير كل 1000 كم ) و كنت فى الأول بحطلها زيت caltex اللى كان بيتغير كل 1000 كم و لقيت أنه بينقص بتاع كيلو فى الغيار ( كل 1000 كم ) و ساعة ما آجى أغير الزيت, ألاقى أن مستوى الزيت تحت الminimumبطريقة تخوف لكن من ساعة ما غيرت نوع الزيت و حطيت total ده و الحمد لله بعد كده, ساعة الغيار بلاقى الزيت عند الminimum أو أعلى منه سنة صغير و أهى ماشية لحد ماشوف هعمل ايه .

**khaled_sabry** · 21-01-2011 09:08 PM

على فكره انتا فيه حاجه بالتأكيد عندك بتسرب زيت
لأن مستحييييييييييييييييييييل تاكل 3 كيلو زيت من غير ماتكون مغرقه الدنيا دخان من الشكمان
على العموم جرب و افرش تحت الموتور ورق جرايد فى يوم و شوف لو فيه حاجه بتنقط لأن ممكن يبقى عندك جوان الكارتيره مقطوع او اويل سيل بايظ
و اغسل الموتور و لاحظ تسريبات الزيت
لكن احتمال انها بتاكل زيت مستبعده الصراحه

**Silenty** · 21-01-2011 09:20 PM

المشاركة الأصلية كتبت بواسطة khaled_sabry

على فكره انتا فيه حاجه بالتأكيد عندك بتسرب زيت
لأن مستحييييييييييييييييييييل تاكل 3 كيلو زيت من غير ماتكون مغرقه الدنيا دخان من الشكمان
على العموم جرب و افرش تحت الموتور ورق جرايد فى يوم و شوف لو فيه حاجه بتنقط لأن ممكن يبقى عندك جوان الكارتيره مقطوع او اويل سيل بايظ
و اغسل الموتور و لاحظ تسريبات الزيت
لكن احتمال انها بتاكل زيت مستبعده الصراحه

+111111111111111111

ستحييييييييييييييييييييل تاكل 3 كيلو زيت من غير ماتكون مغرقه الدنيا دخان من الشكمان

**الصيداح** · 21-01-2011 09:31 PM

أنا عربيته داتشيا بحطلها زيت موبيل3000 أخر مرة لقيت الزيت ناقص بطريقة غبية تحت minimum ورغم ذلك مفيش أي دخان خالص
من الشكمان فايه الحل في الموضوع ده

**THE_HERO2005** · 21-01-2011 10:17 PM

هحاول اشوف حوار تسريب الزيت بس مش طبيعى ان الموتور ياكل من زيت كالتكس 3 لتر ؟ ولا المفروض اقل ؟

**saadelden** · 22-01-2011 01:20 AM

زيت كالتكس خفيف جدا و بيطلع دخان ف الفايظ بطريقه بايخه اوي
انا عندي نقص حوالي 700 ملي ف 1000 كيلو

زيت التعاون اتقل و لو عايز انضف حط شل الاحمر 3000
و غيره ع 2000 او 2500 كيلو بالكتير