أفيدونى أشترى أوبل استرا 2000 ولا لانوس ولا لانسر

**MAZDA323M** · 21-01-2011 06:16 PM

السلام عليكم أعضاء المنتدى الكرام
كان معايا مازدا 323 وعاوز أغير لحاجة أعلى فى حدود من 40-45 ألف محتار بين أوبل استرا 2000 ولا لانوس ولا لانسر أرجو الافادة

**Rerii** · 21-01-2011 08:44 PM

بص اوبل المانى يعنى هتحس فعلا انك راكب عربية تحفة بس قطع غيارها غاليه

اللانسر يابانى ناعمه وقطع غيارها فى المتوسط وثبات انا عن نفسى عندى كريستاله 99 وبسافر يوميا بيها القاهرة عشان الكليه وبوصل بيها 140 و 150 وبتفضل راسية وثابته اليابانى بصفه عامة وسط فى كل حاجه فى اسعار قطع غياره وسحبه بس منصحكش بالاوتوماتيك فى اللانسر هيجيبلك شلل خاصة لو بتحب تجرى وكمان اللانسر بتتظبط حلو جدا يعنى ممكن تغير فى الشكل براحتك

اللانوس بقى كورى يعنى اقل من اللى فاتوا بس مقولكش قطع غيارها مترمية فى كل حته وعمليه حمالة قسية يعنى عشان كده تاكسى

شوف اولوياتك ومتطلباتك وقدراتك عاوز حاجه فى المتوسط تبقى لانسر محترمة فى سعر قطع غيارها وفيها قدر كبير من الرفاهيه
اما عاوز تركب عربية بجد وميهمكش قطع الغيار يبقى الالمانى
عاوز حاجه فيها قدر من الرفاهيه وسهلة فى قطع غيارها ومش مكلفة يبقى لانوس

بس على فكرة ممكن تحتاج تزود الفين او 3 لان مثلا انا لسه متمنه عربيتى وهى محتاجة تترش اصلا والميكانيكى قاللى 48 انا كنت بتمنها كده عادى مش عشان بيع ولا حاجه فممكن بقى تجيب موديل اقدم شوية
ربنا يوفقك للخير