زي ما رحت زي ما جيت ( صيانة ال_ 10,000 في العبور)

عرض للطباعة

21-01-2011, 10:02 PM
HAKOOM1

زي ما رحت زي ما جيت ( صيانة ال_ 10,000 في العبور)

امبارح رحت عملت صيانة ال 10,000 في توكيل العبور
المهندسة سألتني عند مشاكل أيه
أولاً:
عايز أركب العازل
مش موجود
ثانياً
أنا :عايز أركب مجموعة البريك عشان عضة المارش
المهندسة: مش هاينفع نركبلك مجموعة الخامس النهاردة، الساعة 12 وفي شغل كتير
أنا: يا حجة أنا جي التوكيل مخصوص عشان اركب العازل ومجموعة البريك
المهندسة: طيب هانشوف
أول ما أعدت في العربية وقبل ما تدورها داست علي الدبرياج ولعبت في الفتيس حبة
المهندسة: العربية مش محتاجة مجموعة الخامس
أنا: .....................
مش عارف أنا باشتغل نفسي ولا في عضة في المارش
ياريت يا رجالة تعريف علمي دقيق لعضة المارش وهل ينفع اكتشفها من غير ما ادور العربية
العربية استلمتها يوم 10-5-2010

ثالثاً:
أنا المرايا اليمين لما آجي أقفلها بتزيق وتعمل صوت غير المرايا الشمال وغير قبل كدة
المهندسة: أصلاً المفروض مراية اللوجان ما تتقفلش ، هم عامليين ليها اسبرينج عشان لما تتخبط ما تتكسرش
أنا: .........................

طب مش كنت عملت الصيانة بكرمتي في الميكانيكيون العرب بدل وجع الدماغ ده
ياريت حد يفدني في موضوع العضة والمرايا

دولوقتي لما بادور العربية عندي مشكلتين
الأولي، وأنا بادور المفتاح باحس بحركة غريبة ماكنتش باحس بيها قبل الصيانة
ثانياً: أول لما دورت العربية الصبح لقيت العربية بترعش جامد والفتيس بيتهز جامد (ماكنش بيعمل كدة قبل كدة )
أيه النظام
21-01-2011, 10:41 PM
HAKOOM1

المهندسة سألتني سؤال تاني
هاتحط زيت خمسة ولا زيت عشرة
أنا الصراحة ما اعرفش أنهي الأحسن
أغير زيت خمسة كل 5,000 كم
ولا أغير زيت عشرة كل 10,000 كم
أنا قلتلها زيت عشرة
21-01-2011, 11:18 PM
mido_cs7

و الله انا عامل 30 الف بالعربية و لما قولتلهم على عضة المارش قالولي عادي الفتيس مفهوش حاجه
و المرايا انا بقفلها عادي او مرة اسمع حكاية المراية دي
و بحط زيت 10000 عمر محد سألني على حكاية الزيت 10 و لا خمسة دي

ياريت حد يعرف حاجة يرد و يقولنا من الناس اللي عملت الفتيس و هل في تغيير واضح و لا ايه
21-01-2011, 11:38 PM
cheetos_892005

اقتباس:

المشاركة الأصلية كتبت بواسطة HAKOOM1

امبارح رحت عملت صيانة ال 10,000 في توكيل العبور
المهندسة سألتني عند مشاكل أيه
أولاً:
عايز أركب العازل
مش موجود
ثانياً
أنا :عايز أركب مجموعة البريك عشان عضة المارش
المهندسة: مش هاينفع نركبلك مجموعة الخامس النهاردة، الساعة 12 وفي شغل كتير
بص بعد كده متروحش الساعه 12 او بعدها مترضاش تاخد الحجز خد اليوم اللي بعده اول معاد احسن
عشان بيبقوا كسلوا كعاده اي مصري
أنا: يا حجة أنا جي التوكيل مخصوص عشان اركب العازل ومجموعة البريك
المهندسة: طيب هانشوف
أول ما أعدت في العربية وقبل ما تدورها داست علي الدبرياج ولعبت في الفتيس حبة
المهندسة: العربية مش محتاجة مجموعة الخامس
أنا: .....................
متهيقلي بتبان و العربيه دايره و مش علي طول كمان متهيالي كده كانت عايزه تخلص الله اعلم
مش عارف أنا باشتغل نفسي ولا في عضة في المارش
ياريت يا رجالة تعريف علمي دقيق لعضة المارش وهل ينفع اكتشفها من غير ما ادور العربية
العربية استلمتها يوم 10-5-2010

ثالثاً:
أنا المرايا اليمين لما آجي أقفلها بتزيق وتعمل صوت غير المرايا الشمال وغير قبل كدة
المهندسة: أصلاً المفروض مراية اللوجان ما تتقفلش ، هم عامليين ليها اسبرينج عشان لما تتخبط ما تتكسرش
أنا: .........................
الكلام ده سمعته من ناس كتير هنا و التوكيل متقفلهاش
و متخفش انا مرايتي اتكسرت و هي مقفوله و العربيه متغطيه كمان :36_2_33:

طب مش كنت عملت الصيانة بكرمتي في الميكانيكيون العرب بدل وجع الدماغ ده بلاش الزفت ده
ياريت حد يفدني في موضوع العضة والمرايا

دولوقتي لما بادور العربية عندي مشكلتين
الأولي، وأنا بادور المفتاح باحس بحركة غريبة ماكنتش باحس بيها قبل الصيانة وضح اكتر من فضلك
ثانياً: أول لما دورت العربية الصبح لقيت العربية بترعش جامد والفتيس بيتهز جامد (ماكنش بيعمل كدة قبل كدة )
أيه النظام
بتحصل في ايام البرد القارس الصبح بدري و الموضوع بيروح اول ما السخان يوصل ال حراراه للنص و هي ماشيه
بتهدي خالص
22-01-2011, 07:54 PM
HAKOOM1

أولاً : جزاكم الله خيراً علي الرد
ثانياً: بالنسبة لحكاية المفتاح والسخونية فتقريبا كلامك مظبوط
أنا كنت خارج بعد الفجر بالعربية تاني يوم بعد الصيانة والجو كان برد، وأنا بادور العربية سمعت صوت زي ما تكون العربية بتقطع - الصوت ده اتكرر مرة واحدة والعربية كانت بتترعش جامد
بس الموضوع ما اتكررش تاني

ثالثاً: كنت عايز حج يشرحلي عضة المارش بالتفصيل عشان أتأكد هي موجودة ولا لأة
22-01-2011, 09:00 PM
frhateg

مقلتش اخذوا منك كام فلوس للصيانه . و المفروض انهم يكتبوا لك انك محتاج المجموعه الخامسه و تسيب لهم رقم تليفونك علشان لما تتوفر يتصلوا بيك علشان تركبها . و هل قاموا بغسيل العربيه و الا ...... زي ما عملوا معايا .
22-01-2011, 09:09 PM
ashouhdy

ناقص تقولك والعربية دى كمان مش رينو وشكلها مش ولا بد واتفضل امشى روح من هنا !!
22-01-2011, 10:43 PM
HAKOOM1

اقتباس:

المشاركة الأصلية كتبت بواسطة frhateg

مقلتش اخذوا منك كام فلوس للصيانه . و المفروض انهم يكتبوا لك انك محتاج المجموعه الخامسه و تسيب لهم رقم تليفونك علشان لما تتوفر يتصلوا بيك علشان تركبها . و هل قاموا بغسيل العربيه و الا ...... زي ما عملوا معايا .

أخدوا مني 440 شامل كل حاجة
الأخت الفاضلة قالتلي أن العربية مش محتاجة مجموعة الخامس ( مش عارف ليه مش مصدقها)
للأسف أنا جديد في السواقة فعايز حد يعرني إزاي اتأكد من حكاية عضة المارش
هم غسلوا العربية من برة ومن جوة بس أي كلام
البنزينة بعمرهم
23-01-2011, 01:55 AM
ahmedbakr50

اقتباس:

المشاركة الأصلية كتبت بواسطة hakoom1

أخدوا مني 440 شامل كل حاجة
الأخت الفاضلة قالتلي أن العربية مش محتاجة مجموعة الخامس ( مش عارف ليه مش مصدقها)
للأسف أنا جديد في السواقة فعايز حد يعرني إزاي اتأكد من حكاية عضة المارش
هم غسلوا العربية من برة ومن جوة بس أي كلام
البنزينة بعمرهم

حضرتك تبقى دايس على الدبرياج ومرة واحدة وإنت ماسك الفتيس تجيب بيه مارشدير إذا حسيت وسمعت إن التروس خبطت فى بعضها يبقى محتاج مجموعة البريك
حضرتك تعرف هيه مجموعة البريك موجودة ولا لأ عندهم عشان مكانتش موجودة من فترة
عشان عندى نفس المشكلة وناوى أعملها فى صيانة 10000؟؟؟؟
25-01-2011, 03:27 AM
Egyzizo

اقتباس:

المشاركة الأصلية كتبت بواسطة HAKOOM1

الأخت الفاضلة قالتلي أن العربية مش محتاجة مجموعة الخامس ( مش عارف ليه مش مصدقها)
للأسف أنا جديد في السواقة فعايز حد يعرني إزاي اتأكد من حكاية عضة المارش
هم غسلوا العربية من برة ومن جوة بس أي كلام
البنزينة بعمرهم

اقرا بس الأول الموضوعين دول ..
http://www.nilemotors.net/Nile/141899-a.html

http://www.nilemotors.net/Nile/157915-a.html

ولاحظ نقطة مهمة ، ان العضة بتظهر لما بتدوس على الدبرياج ، وتنقل الفتيس لوضع المارشيدير بدون الانتظار لأى وقت ..

اللى المهندسة عملته علشان تقنعك ، واللى حضرتك ممكن تعمله علشان تخللى العضة ماتظهرش ، هو انك تدوس دبرياش وتستنى 3 ثوانى وبعد كده تجيب المارشيدير هتلاقيه بييجى معاك بسلاسة. (تفسير الفقرة دى هتلاقيه فى الرابط الأول أعلاه)

نفس الحركة عملوها معايا فى توكيل المقطم بس أنا هرشتهم وقلت له ، العضة مش بتيجى معاك علشان انت بتستنى شوية بعد ما بتدوس دبرياش وبعد كده تعمل نقلة المارشيدير ، قال لى ، ما هو ده الصح ، قلت له لأ مش ده الصح لأنى سقت عربيات أشكال وألوان واللى انت بتقول عليه ماكانش فى العربيات دى.

ما علينا المهم إنى فى الآخر ماعملتش حاجة، بس عشان أنا ماكنتش عايز أعمل ، مش لوى دراع منهم ، ومناقشة النقطة دى هتلاقيها فى الرابط الثانى أعلاه .. والعربية دلوقتى داخلة على 20.000 ، وماشى الحال.