فودافون بتستهبل استهبال رسمي

**MohaMed_Refaat** · 22-01-2011 11:06 PM

علشان كدة اشتريت خط اتصالات ورميت فودافون

**د.أحمد السعيد** · 22-01-2011 11:50 PM

نفس المشكلة لقيت خط فودافون اتحول من كل المصريين الى حكاوى المصريين !!!
و رجعت حولته دلوقتى و اخدو الجنيه حار و نار فيهم !!!

**SunSet** · 23-01-2011 01:14 AM

انا النهاردة رحت اتصالات عشان احول الرقم الراجل افتى وقالي لازم من فودافون اجيب "رقم الحساب" اروحلهم اجيبه او اخده من خدمة العملاء

الكلام ده صح؟

وهل لازم يكون معايا العقد ؟

للاسف الكلام ده ما خلانيش انجز في الموضوع

**magid1010** · 23-01-2011 10:57 AM

المشاركة الأصلية كتبت بواسطة نور القمر

اتصل ب 880
انا راجعت موبايل جوزي لقيته نفس الحكاية
هو قال مش محول تاني مدام الموضوع بجنيه وهنحول كلنا لاتصالات
انا هدخل اعمل شكوى في الجروب بتاعهم في الفيس بوك وهكتبلكم اللينك ياريت كل اللي حصل معاه كدة يدخل يشتكي على نفس اللينك ونهددهم باننا هانسيب الشركة
ده مش اسمه استهبال ده اسمه نصب

شكرا يا نور

**magid1010** · 23-01-2011 11:37 AM

المشاركة الأصلية كتبت بواسطة magid1010

شكرا يا نور

لكن كنت عايز اعرف الكود اللى يشغل خدمه معرفه الرصيد بعد المكالمه

**أحمد كمال** · 23-01-2011 12:42 PM

المشاركة الأصلية كتبت بواسطة brown-eyes

طب انا عايز اسال علي حاجة انا كان معايا خط فودافون و سافرت ومشتغلش بقاله سنة ممكن يكون شغال لحد دلوقتي ولا يكونو سحبوه هو كان نظامه سنوي وكان معايا بقاله حوالي 3 سنين

لو السنة خلصت بتاعة السنوي و فات بعدها 3 شهور بالسلامة :(

المشاركة الأصلية كتبت بواسطة sunset

انا النهاردة رحت اتصالات عشان احول الرقم الراجل افتى وقالي لازم من فودافون اجيب "رقم الحساب" اروحلهم اجيبه او اخده من خدمة العملاء

الكلام ده صح؟

وهل لازم يكون معايا العقد ؟

للاسف الكلام ده ما خلانيش انجز في الموضوع

يا باشا مش لازم عقد و لا يحزنون

رقم الحساب ممكن بمكالمة صغنونة منك ل 888 تجيبه و تمليه لموظف اتصالات .....

**human** · 23-01-2011 08:35 PM

المشاركة الأصلية كتبت بواسطة نور القمر

ده مش كود
هم كل فترة بيختاروا مجموعة من العملاء عشوائيا ويشغلوا لهم الخدمة

لما كنت اتصالات - يا سلام على ديه ايام - المهم كنت اتكلم الاقى تييين الرصيد و تكلفه المكالمه من غير اشتراك ولا مجموعه مختاره
لمارحت للدارك سايد مافيش اى استبحس حتى عشان اعرف الرصيد لازم ادفع اى حاجه لازم ادفع - رغم انى كان معايا خط موبينيل اللى بيقولوا عليهم ناس من زمان كان فيه خدمه شباك ميه شباك و كلها منافع من اول الرصيد اشحن ليك و للجيران كلمنى شكرا و الباك كود و حاجات كتير بس فودافون ولا ليهم اى حاجه
الرصيد فى موبينيل و اتصالات فيه البركه بس فودافون مقطوعه البركه

الله يجازيكى خير - انا كنت فاكر ان فيه حاجع غلط فى النمره بتاعتى عشان مراتى فجأه بقت تقدر تشوف تكاليف المكالمه و انا لأ طبعا هاتك يا غيظ و خطك اصله بدائى و كلام كتير
من يومين جاتلى رساله ان الخدمه اشتغلت عندى و عشان الغيها اتصل برقم معين
طيب طالما اقدر الغيها ليه ماقدرش اشترك فيها!!!
حاجه تجيب صداع -

ربنا يعدى الشهور ديه على خير و نبقى مع الاحرار

جايلك يا ابو كمال

**أحمد كمال** · 23-01-2011 08:44 PM

مستنييييييييييك يابو طارق

-

الموضوع: فودافون بتستهبل استهبال رسمي

LinkBack

أدوات الموضوع

عرض

-

-

-

-

-

-

-

-

المواضيع المتشابهه

قطع الغيار بتستهبل يافوزية

جوجل أندرويد بتستهبل يا فوزيه

العربيه بتستهبل

صيانة 60 الف كم و استهبال رسمي من المراكز المعتمدة !! لازم eim تشوفلها حل

الكلمات الدلالية لهذا الموضوع

المفضلات

المفضلات

ضوابط المشاركة