الموضوع: زود السحب.... اعمل ايه تاني

المشاركة الأصلية كتبت بواسطة mmamdouh

انا شايف الديفل هيصة على الفاضى فى المكن الصغير

هات فلتر k&n و ياريت تركبة بعيد عن الحوض عشان ميسحبش هوا سخن

البوجيهات مش حتفرق فى حاجة

الجنط ال16 حيديك ثبات حلو جدا... بس خللى بالك من الوزن و المطبات (انصحك تحط 15)

انصحك تركب strut bar عشان تحسن ثبات العربية فى الملفات

mmamdouh

الكبير رد عليا اخيرا
منورني يا حبيبي الجماهير
ان شاء الله هجيب فلتر كي ان من بره مصر حجم كبير بقي و مخروطي و هبعده عن الموتور
يعني بس سؤال انا بعشق صوت الديفل
لو حطيت واحد زي اللي في الصوره الكربون
مش هيضر صح ؟
يعني اهم حاجه ميضرش انا بحب الصوت

العفشه انا هجرب لان هو الجنط خفيف مش تفيل
و بعد كده ممكن ابقي احطلها سوست رياضيه
اصلي ؟

المشاركة الأصلية كتبت بواسطة m_nabil

فلتر k&n امريكى سعره يبدأ من 350 جنية وفيه simota تايوانى كويس برضه سعره 150-180 جنية وتجيب له ماسورة استنلس

الجنط يفضل مقاس 15 عشان التسارع و العفشه والنقر والمطبات ولو عاوز توطى العربية هات سوست رياضية أو عفشه رياضيه كاملة

الديفل شوف حاجه استيراد تكون نوع معروف وحالتها كويسه سعرها تقريباً في حدود 600 جنية

انا ان شاء الله هجيب واحد كي ان من بره
و اضمن اني اصلي
و الماسوره كمان
طيب هو الديف الصيني ممكن يضر
انا بجمع الاراء
شكرا للرد يا صديقي

المشاركة الأصلية كتبت بواسطة haitham10

انت مش مغير عفشه ال1300 الستوك يا محمد؟؟
لو هيه زي ماهيه العاديه ومركب عليها المكنة وكمان عاوز تركب جنط 16
يبقي ربنا معاك في قرفها واكيد اكيد
الباور هيتقل
جري العربيه هيقل
هبد ورزع اكتر وضوضاء اكتر
وعلي رأي انجكشن صباح البلالين في الكاوتش
وطبعا العفشه هتخرب بدري بدري جزء جزء من غير ماتعرف السبب هتلاقيك بتغير

انا افتكرتك غيرت عفشه
وكمان عدلت في فراملك عشان تستحمل الموتور والسحب الجديد

سيبك من الديفل والاصوات متع نفسك اداء الاول

وعلبه اللانسر بتبقي كبيرة جدا فعلا الستوك

هيثوم يا برنس
الموتور مش محتاج ولا تغير عفشه ولا تغير فرامل نهائي
هو الجري هيقل سكيا
بس الكوتش مش سوفت اوي
انا بفكر ابقي اجيب سوست رياضيه بس
انا لازم ديفل بعشق صوتو
هههههههه
ايوه العلبه اللي ورا حلوفه

المشاركة الأصلية كتبت بواسطة injection

ياباشا الديفل لو صغير أو ضيق, زى ما بيقولوا too restrictive بيأثر على أداء الموتور ويسخنه, أنما الواحد عمره ماسمع عن عربية ماتورها ساح علشان الشكمان مسدود أوضيق.

العبرة مش بالحجم, العبرة بسرعة مرور العادم من خلال العلبة, يعنى مثلا فى علب صغيرة, لكن straight والعادم بيعدى منها كأنه بيعدى من ماسورة بالظبط, بالتالى مبتأثرش بالسلب على أداء العربية.








المهم أنه يمرر العادم بسلاسة من غير ضغط زيادة, وصوته يبقى حلو على العربية, وهو ده غرضه.

وكان قصدى أنك صعب تلاقى ديفل صغير فى السوق المصرى لدرجه أنه يأثر على الموتور بالسلب, وخاصة أنك لما تيجى تقارن قطر المدخل بتاع العلبة بقطر مواسير الشكمان بتاعتك هتلاقيها أصغر, وبالتالى هتعمل ضغط سلبى على الشكمان, فاهمنى ياباشا.

وطبعا العلب ال straight أحسن فى أغلب الأحوال من العلب العريضة فى نقطة مرور العادم منها, لكن العلب العريضة بتفلتر الصوت أحسن, وبتدى صوت رياضى أكثر, وأسمع من اليو تيوب ياباشا

بالتالى العبرة مش بحجم العلبة, العبرة بهل هتمرر العادم من خلالها من غير مقاومة ولا لأ, وطالما العلبة مش أصغر من ماسورة الشكمان الأصلية (مش العلبة الأصلية), ومافيهاش أعاقة غير ضرورية للعادم فى تركيبها الداخلى, يبقى تمام:)

والفلتر معرفش السعر بالظبط والله, بس تقل جيبك هيبقى غالى

الجنط أنا مش بخوفك ولا حاجة, أعمل أبحاثك الأول بس قبل ماتمشى فى الموضوع, وخصوصا أن جنط 16 على لانسر كتير, وهيبقى تقيل على العفشة والموتور, الا لو momo أو oz أو أى شركة محترمة.

وربنا يوفقك, ومستنى رأى الكبير برضه.

انا كده فهمتك يا كبير
يعني قصدك طالما القطر بتاع الماسورع الاصلي اصغر يبقي ده افضل و الهوا هيعدي اسرع
و ده طبعا ان الديفل هيبقي اوسع
و قدامي واحد كربون زي اللي في الصوره و واحد تاني كبير
الجنط ممكن اعمل ايه غير سوست رياضيه ؟؟؟
علشان يتحمل ؟