الموضوع: ركز كدة فى صورة السادات دى و قول شفت أية :)))

ايه يا جماعه
انتو ماصدقتو تلاقو حاجه علشان تأكدو بيها عبقريه الراجل - مش معنى اننا طهقانين من مبارك يبقى السادات كان ملاك ... بالعكس السادات هو اللى ابتدى بالانفتاح و الخصخصه اللى كمل مبارك على خطاها و خارب البلد دلوقتى
..... على فكره بقى الزخرفه مش واضحه اوى زى ما انتو بتقولو
يعنى الموضوع مش متعمد للدرجه اللى انتو بتتكلمو بيها كده
و اصلا كانت الاشكال المضلعه كانت موضه فى اوائل السبعينات
طيب على فكره بقى جدى كان عامل شقه بورق حائط عليه نفس الرسمه المضلعه دى ... هل معنى كده ان جدى الله يرحمه كان نازى
و السادات كان راجل بيحب الاعلام بالدرجه الاولى و كان حيقولها صراحه لو كان متعمدها علشان يكسب ود الشعب اللى كارهه
وهو بطبيعته كان بيحب التلكلف فى اللبس اوى و حتى شوفو الازياء العسكريه فى وقته كان شكلها ازاى و العصايه اللى كان بيطلع بيها و راسها زى زهرة اللوتس كأنه من ملوك الفراعنه
دى كانت مووووووضه فى ايامها و لو مش مصدقنى شوفو اى فيلم لمحمود ياسن او نور الشريف فى بدايات الالوان... حتحس انهم كائنات فضائيه اصلا

ولو حناخد كل زخرفه و نشوف ايه اللى نعرفه من الرموز مشاببه لها
فبكده حتلاقى معظم الجوامع القديمه تحمل نجمة داود فى زخرفة الارابيسك بتاعها ......... و بكده تكون اثبت ان اليهود هما اللى كانو بنو الجوامع دى و دى ملكيه اسرائيليه ليهم ...... و هما يخلو مرتضى منصور يرفعلهم قضيه و يقدم الملفات بتاعه ( بتاعت كل مره ) و يكسب القضيه و الف مبروك

رااااجل بمعنى راجل
بيقولهم in your face

الصورة غير مستبعد تماما ان تكون مقصودة من السادات أصل دماغه و تركيبته الشخصية تميل الي ذلك

لكن السادات اخطأ بشكل فادح و متكرر في ما يعرف ب عملية " السلام "

علي المستوي المصري و العربي و الافريقي و الدولي بما اضر بالمصالح المصرية بشكل ما الي الان

للاسف

و هذا لا يتعارض ابدا مع شجاعته و تحمله لقرار الحرب في 1973

هذه نقرة و تلك نقرة اخري

المشاركة الأصلية كتبت بواسطة i_am_legend

السادات كان راجل_وكان جرئ_وماكانش بيخاف من حد_وكان بيحب الشعب_وبيحب البلد_السادات مات ماحلتوش حاجة_ماخدش فلوس وأراضى البلد فى كرشة ولا هو ولا عيالة_مابعش البلد ل الحرامية والنصابين_كان راجل بجد _كان معرف المسيحيين انهم قاعدين ضيوف عندنا_وكان معرفهم آخرهم أيه وفين_ماكنش فى حد فقير_وكانت العربيات فى عهدة رخيصة جدا جدا_والشعب كان متظبط_مش دلوقتى _منهوبة ومسروقة عينى عينك كدة_منة لله اللى كان السبب_معلش يا مصر معلش ما تزعليش إن بعد العسر يسر إن بعد العسر يسر

ربما العبارات السابقة تنطبق بشكل كبير علي عبد الناصر" مات مديونا " و ليس السادات
فثروة العائلة غير معلومة المصدر و غير مقدرة الي الان
و تم القبض بعد وفاة السادات علي اخوته في قضايا فساد
و في اواخر عهده - و تهدئة للنفوس - تم الايقاع بقط من القطط السمان اسمه " ... عثمان " لا اذكر الاسم كامل كان عاملا باليومية في ميناء الاسكندرية و في ظرف 8 سنوات صار مليارديرا !
" من كتاب السادات بين الحقيقة و الاسطورة لموسي صبري "
و لا يوجد ضيوف في مصر لأننا جميعا من عرق واحد و بأديان مختلفة