الموضوع: ركز كدة فى صورة السادات دى و قول شفت أية :)))

المشاركة الأصلية كتبت بواسطة bmya

لا صحيح كان راجل تمام عبد الناصر بأماره نكسه وكسه 67 اللي صلحها بعده السادات

انا مابقولش السادات ملاك لكن عبد الناصر محاط بهاله من الوهم وانه كان موحد العرب وكان راجل مالوش زي
كل واحد له مميزاته وعيوبه

لكن هتقولي عربيه رمسيس ومصانع غزل المحله ده كفايه انه ماكانش مهني البلد على اي حاجه يطلع من حرب يدخل في حرب وكلهم اتهزم فيهم عدوان ثلاثي وحرب يمن عمال يمطوح في الجيش يمين شمال لحد ما اسرائئي حطيت علينا في 67 ياراجل لا قرف
وكان فرحان اوي بتأميم قناه السويس اللي هي اصلا كده كده كانت هترجع لينا بموجب اتهاء عقد الانتفاع بس لان هو بوووء كبيير قالك اعمل اي حاجه وخلاص وراح مأممها كسب ايه غير انه اتحط عليه تاني في العدوان الثلاثي
انا اعرف اني لما اتكل اكون قد كلامي لكن اقعد اقولك هطحن اسرائي وهعمل وهسوي وفي الاخر اخد على قفايه يبقى ان بووووووووووووووء وملوش وصف تاني بصراحه ده اسرائيل في 67 من كتر ماهو كان عمال يجعجع ماكناتش مصدقه اللي بيحصل للجيش بتاعنا في 67 وكانت فكره ان دي خدعه من الزعيم جمس بوند عبد الناصر

ممكن تقولي غير العربيه رمسيس ايه هي انجازات جمال عبد الناصر غير انه كان طاحن البلد في الحروب وعايش دور ابراهيم الابيض الشرق الاوسط
بصراحه هو السد العالي الحاجه الوحيده هي حاسس انها كويسه في عهده
وده طبعا رأى الشخصي

لو بتقول المصري كان له لازمه ايام عبد الناصر فالسادات برده كان كده
لكن الوحيد الفريد الجديد اللي موجود دلوقتي اللي مخلي راسنا في الوحل

كوبس والله ان فى حد عارف بلاوى عبد الناصر- المصيبه ان الاعلام دلوقتى ركبه شويه تحف من هينه المسلمانى ومنى الشاذلى اللى محفظينهم كتب التربيه القوميه بتاعة زمان - المصيبه الاتنين مرتباتهم راس ماليه وهم عبدة الاشتراكيه - ههههههههههه- زمن

على اد مالسادات له اخطاء لكن عبد الناصر له بلاوى
كفايه الحصار الى النا س كانت عايشه فيه
كفايه نقص المواد الغذائيه كل شويه ده حتى الصابون كان بينقص
كفايه عدم الحريه وكثرة المعتقلات
ده الجرايد كانت لازم تعدى عليهم الاول
بالمناسبه الصواريخ دى كانت وهم كبير من واقع ناش شافت الكلام ده مجرد بروبجندا
كل حاكم ولابد له من سقطات

المشاركة الأصلية كتبت بواسطة human12

حضرتك مش متابع خالص - ماتزعلش منى
كان فيه لجنه تقصى و اللجنه عملت مجلدات عن الهزل العسكرى اللى حصل و ده فى وقت عبد الناصر




حضرتك بيتستقى معلوماتك منين بالظبط؟؟ عدد الشهداء فى النكسه 10 الاف و بينهم شهداء الاستنزاف على ما اعتقد

يا ريت قبل ما نتكلم نقرا و نفهم و اللى بيقول دور على النت يا ريت يدور هو كمان و يشوف الكلام من كل ناحيه
يعنى كل حقيقه ليها و جهين
انتصار اكتوبر اللى بنغنى بيه - انحاء العالم مافيش اى حاجه اسمها انتصار اكتوبر فيه حاجه اسمها العبور و اكتر المعتدلين او المتطرفين كمان من ناحيه انهم مع العرب بيقولوا ان الحرب تعادل و الباقى بيقولوا اسرائيل انتصرت و ممكن تجيلك صدمه لما تلاقى ان الناس كلها بتقول كده و انت الوحيد اللى عمال تقول مصر انتصرت

تانى حاجه لازم قبل ما كل شويه نقول النكسه النكسه و انهزم و بهدل مصر لاوم نعرف الهجوم ده تم ازاى و ايه اسبابه اصلا
لما تعرف ان 67 اصلا كان مخطط لها لوقت طويل فقط لزعزعه نظام عبد الناصر عشان بيضر بمصالح الدول الغربيه فى المنطقه تقدر تفهم حجم الراجل اللى بتوجزه فى كلمات لا تعطيه حقه
اسرائيل خالفت و احتلت على عكس الخطه الدوليه - موضوع ليه ده حصل يطول شرحه و فى الاخر الراجل تحمل الهزيمه و قال انه مسئول عنها مسئولي كامله

الجيش اللى نفذ الخطه ماتولدش بين يوم و ليله يعنى مش 3 سنين السادات جه بنى جيش و مافيش جيش بيتبنى فى 6 سنين
اخطاء كانت موجوده و تم تصحيحها

يا ريت بدل هجوم من نوع عمل ايه و الكلام ده و دور على النت الكلام يبقى عقلانى اكتر من غير هجوم على الاخر باسلوب يميل للاستفزاز

و بالنسبه للى عمله انا مش مطالب انى اوريك ان الشمس بتشرق من الشرق عشان اللى مش شايفها يبقى مش هيشوف مهما شرحتله

بس احب افكر الناس تانى و تالت اللى مش بتقرا سياسه ان قناة السويس عمرها ما كانت هترجع و ده من اوراق مفرج عنها من انجلترا و فرنسا - و انا مش فاهم مين يقدر يخلى حته فى بلده محتله من شركات اجنبيه و يقول تسيبهم لغايه ما يخرجوا

مش فاهم ايه الحروب اللى عبد الناصر ورطنا فيها؟؟ حرب اليمن؟؟؟ طيب ما تقرا الاول عن حرب اليمن و نعرف ان الموضوع كان بعد استراتيجى و دعم استراتيجى
هنقول عن النكسه - يبقى نرجع ليه النكسه اصلا؟؟؟ تسطيح رهيب لمقدرات شعوب اننا نقول ان حرب قامت عشان واحد بيتكلم

ترووا - و لو رأيى مخالف لاراء الاعضاء الافاضل- انا احترم رأيهم و احترم ان يقولوا ما يشائون و لكن يعز عليا ان يكون اناس افاضل اعزهم ان يتناولوا مثل هذه المواضيع بتلك السطحيه

معلوماتى من الصحف الكتب واللى اتنشر واللى اتعاش- 10 الاف ده اللى اعلنه الموكوس- 30 الف ده مع التحفظ

انا بقى نفسى اعرف انت بتستقى معلوماتك اللى بتقول استراجية حرب اليمن- يا راجل حرام عليك استراتيجية - ايه بقى كان هدفها -
ولما حرب 67 كان مقدر لها تقوم حضرته ما استعدش ليه
ليه طلب القوات الدوليه تخرج ويبقى وجها لوجه مع عدو - مفروض حسب كلامك انه كان عارف انه بيستعد للانقضاض عليه

عموما ممكن تقرا كتير عن حرب 67 من اللى حاربوها - ابقى اقرا مذكرات كمال حسن على - واعرف حجم الدكتاطور اللى ما كانش فاهم حتى نوعيه وقدرة الاسلحه اللى كان بيحارب بيها - انا ياستغرب عن اللى يقارن حرب اكتوبر بوكسه 67

بقى وكسه خسرت فيها جيشك كله ولا حرب دمرت فيها لعدوك 500 دبابه فى 3 ايام
فى 67 اسرائيل ضربت سفينه امريكيه علشان امريكا ما تمنعهاش من استكمال العلقه لمصر وسوريا - فى 73 اسرائيل عيطت لامريكا علشان تدخل - خرب اليمن الدكتاطور خلص فيها احتياطى الذهب بتاع مصر
وعرفت انجلترا وامريكا يجروه لاستنزاف طويل فى حرب خرج منها مدحور بعد ما استخدم الغازات فى ضرب قرى وسكان مدنيين
انت قابلت حد حارب فى اليمن - انا قابلت واتحكى لى عن المهازل والوكسه اللى عاشها جيشنا هناك
بتقول النيل والكونغو - هو مين اللى قبل بفصل السودان عن مصر

المبدأ اللى سعد زغلول رفض استقلال مصر من غير السودان واول بند فى اتفاقية الجلاء 54 كان انفصال السودان عن مصر
عارف اتفاقية الجلاء بتاعة 54 كان من بنودها ايه - ان قواعد الانجليز فى القنال تظل مفتوحه لاستقبال قواتهم فى اى وقت لو اتهددت القنال - سمعت الكلام ده قبل كده

معلش ياريت بلاش التعصب - وراجع انت مصادرك - انا مصادرى منها معايشه - شفت دبابات راحت القنال ورجع بدل منها عساكر حافيين اول كلامهم كان سب بالب والام للزعيم المبجل - اللى قال لهم احنا رايحين ندخل تل ابيب

ابقى راجع اعداد الاهرام من مايو ل 15 يونيو 67 - فرصه تفرفش شويه

يا تري من خطط و دبر لاغتيال السادات ؟

المشاركة الأصلية كتبت بواسطة dr zezo

يا تري من خطط و دبر لاغتيال السادات ؟

الله يرحمك ياسادات بعد موته اصبحت مصر لا قيمه له بين الدول العالم

الموضوع انحرف بشكل غريب عن موضوعه الأصلي , وكنت داخل أهدي النفوس لحد ما كملته ولقيت نفسي عاوز اللي يهديني

أولا يا ريت اللي حخالفهم ما يكرهونيش شخصيا و يحترموا رأيي زي ما بحترم رأيهم

أنا أرى أن الله عاقب الأمة بالزعيم جمال عبد الناصر للأسباب الآتية :

كانت حدود مصر قبله عبارة عن : مصر + السودان + غزة
والحدود بعده مصر - السودان - غزة - سيناء !!!!!

قرار انفصال السودان عن مصر بعدما كانت تحكم من مصر منذ عهد الفراعنة إلى عصره , جريمة كبرى في حق الأمة العربية والإسلامية و كلما رأيت شيئا سيئا يحدث في السودان لا أملك إلا أن أقول "منك لله يا عبد الناصر"

مغامرته الصبيانية سنة 67 أضاعت الجولان و القدس الشريف و الضفة الغربية وسيناء في كارثة لم يشهد مثلها العرب منذ الحملات الصليبية في العصور الوسطى , والأهم من الأرض الدماء الزكية التي أريقت بسبب سوء إدارة الحرب ووضع عبد الناصر قواد عليهم من الله ما يستحقونه

ناصر هو الذي زرع الخوف في المصريين و ارتضاء الذل والهوان بالتعذيب و المعتقلات و زوار الفجر , الله وحده الذي يعلم متى يتخلص هذا الشعب من هذا الجين الوراثي

ناصر الذي عمل على ارضاء الإخوان ليساندوه وعندما تمكن من الحكم غدر بهم , كما غدر بمحمد نجيب , و اترك لكم وصف هذا الفعل

ناصر الذي طرد المصريين اليهود من بلدهم ولم نرى أو نسمع في الدنيا عن رئيس يطرد طائفة دينية من شعبه من بلادهم , تخيلوا لو طرد مبارك كل النصارى الأورثوزوكس وقال لهم اذهبوا لروسيا أو أمر بطرد الكاثوليك لإيطاليا أو الإنجيليين لأمريكا ؟؟؟
ألم يقل له عاقل وقتها أنك بذلك تساهم في دولة اسرائيل و تزيد الطين بله على رأس الفلسطينيين ؟؟؟

ناصر الذي لا يملك يعطي لمن يستحق و يسميه قانون الإصلاح الزراعي , بأي حق وفي أي دين تأخذ الأرض المملوكة بأوراق شرعية من أصحابها و تعطيها لأخرين ؟؟؟ إذا لم يكن هذا المال حراما فأنا في عرض دار الإفتاء بأن تفهمني أن الفدادين الخمسة حلالا لمن أخذها من ناصر !!! وما بني على حرام فهو حرام و نرى الآن فساد أرضنا و زرعنا و طعامنا , بفضل يوما قال فيه المالك الحقيقي للأرض : حسبنا الله و نعم الوكيل والله لا يرد دعوة المظلوم

تآميم الشركات : كارثة اقتصادية ضربت كل ما أنجزه طلعت باشا حرب في مقتل , كيف ظن ناصر أن موظفين القطاع العام يستطيعون أن يديروا الشركات أكثر من أهلها ؟؟؟ كيف يأخذ شركة الشبراويشي باشا التي تصدر عطور لاوروبا نفسها فتظل خمسين عاما بعدها لا تنتج إلا خمس خمسات ؟؟؟؟؟ وحدث ولا حرج عن الأقطان و الملاحة وغيرها من استثمارت الوطنيين المصريين الذي ماتوا فقراء و قد كانوا اعغزاء , الآن أعمالهم تنهار أما أعينهم , من يرضى بذلك ؟

ناصر الذي افسد التعليم و اقنع الجيل الناشئ ان الخديوي سعيد حفر القناة بسبب طبق المكرونة الإسباجيتي التي كان يطبخه له دليسيبس و أن الاسرة العلوية خونة (كيف يكون محمد على و عباس حلمي و السلطان عبد الحميد خونة ؟؟ يارب ابعتلنا سلطان عبد الحميد تاني يا كريم) وزور التاريخ بأن الثورة هي التي أخرجت الإنجليز و أن ناصر أول رئيس للجمهورية !!!
لمن يعتقد أنه هو الذي علمنا واننا كنا سنكون جهله بدونه فأعلم أن العقاد وحسين وزكي نجيب محمود و الاف غيرهم من النوابغ في كل المجالات خرجوا من التعليم في الفترة الملكية و ليست الجمهورية

الحسنة الوحيدة التي أرها إنجازا هي بناء السد العالي ,ولكنه كعادته أفسد طبخته بظلمه البين للنوبيين فبالرغم من تقبل أهالي النوبة الكرام للتهجير وأن يسكنوا بلاد قفره لا نيل فيها و لا تسطيح يساعد على الزراعة وبين ناس لا يتكلمون لغتهم ولا لديهم عادات كعادتهم , إلا أنه لم يقابل كرمهم بكرم منه أن يوافق على عودة النوبيين للنيل الذي يحبونه وأن يعيشوا على ضفاف بحيرة السد , والآن تقوم الدولة بتوزيع تلك الأراضي على شباب الخريجين من كل محافظات مصر إلا النوبيين على مرأى و مسمع منهم وهم يموتون غيظا


الأمثلة كثيرة و لكني اغتممت مما كتبت ولا استطيع أن أكمل من المرارة التي انتابتني

وأكرر الإختلاف في الرأي لا يفسد للود قضية