الموضوع: تويوتا كورولا وتجربة كوميدية

ماذدا 323 موديل 2005 والله حرام عليك بجد ازاى 2005 مش واسعه دى شويه
وبعدين انا ركبت الكورولا الجديده 2008 full option كل اللى اقدر اقوله عليها انها رهيبه بمعنى الكلمه ما شاء الله تسارع وثبات وجوده ودا الافريقى اما اليابانى الصراحه فقير جدا لابعد درجه فى الخامات بالنسبه للافريقى انما بالنسبه للسيارات الاخرى مش وحش قوى ومعرفش ايه اللى ماشى على 110 وبتفقد السيطره دا انا بكورولا 2003 باخد غرز ع 170 ازاى بقا على 110 وفاقد السيطره يمكن قصد كنت بتجرب فيات 127 مثلا واتلخبطت وكتبت كورورلا مع الاعتذار لملاك 127

يرجى مراعاة احترام الأعضاء ... تستطيع نقد التقييم بصورة موضوعية بعيداً عن أسلوب السخرية و التهكم من كاتبه -- مشرف اليابانى

127 ربنا يكرم أصلك
انا حاسس اني غلط في رسول ولا حاجة وبعدين انا مبكدبش با نجم الماذدا 323 2005مالية السعودية كلها

المشاركة الأصلية كتبت بواسطة medo_msmsa

انا عايش بالسعودية في الرياض ونظراً للظروف استأجرت سيارة كورولا 2008 1.8ليتر أوتوماتيك عاملة 4 الف وشوية العربية فضلت معايا يوم بس كان يوم سيء جدا
العربية بتنقل متأخر جدااااااااااااا لفات الموتور بتوصل 6.5 وأوقات 7 والله وانا مش مسرع ولا حاجة انا جالي احساس ان العربية عبارة عن كيك دون ماشي على الأرض " كنت على سرعة 140 وقرصت شوية العربية عملت "DOWN SHIFT" ونزلت للرابع وطبعا حسيت ان الموتور هينط من العربية لان لفاته كانت 6.5 تقريباً"
وزنها خفيف جدا جدا وكانت هتوديني في داهية لأني كنت على الدائري وخرجت من المخرج على سرعة 110-120 وجه واحد بكابريس " بيألف سواقة كالعادة هنا" وانا بلف عدي مني وجه قدامي عشان أوسعله فقدت السيطرة علي العربية تماما ولولا ان الطريق واسع كانت هتبقى مشكلة
خامات تصنيع المقصورة ليست كما يدعي الكثير أنها جيدة بالعكس ريحة الفبر فايحة منها.
الباور خفيف جدا جدا لدرجة مخيفة تحس انه بوش مش دركسيون بجد بصباعك الصغير تخلية يلف بسرعه جدا، وطبعا دي مشكلة اي نعم احنا عايزين دركسيون حفيف عشان الراحة بس مش للدرجة دي بجد مشفتش عربية جدا وده من الاسباب اللي خلتني افقد السيطرة عليها في الموقف اللي حصل.
طبعا نظراً لان الفيتيس بيتأخر جدا في النقل خلاني محستش ان العربية ناعمة بل بالعكس حسيت ان العربية مجنونة وملهاش كبير.
وبجد عايز اعرف وزن العربية دي كام لآن بجد الصاج خفيف جدا وحتى الأبواب وبخصوص الباب الخلفى صجهم خفيف جدا.
التابلوة وفكرته الكويسة انه يكون 2 تابلوه واحد بيفتح لفوق والتاني عادي بيفتح لتحت فكرة كويسة بس برضة بتدي فرصة ان التقفيل والشكل العام يبوظ بسرعة وده اللي كان حاصل في التابلوة اللي فوق في العربية اللي استأجرتها " كان فيه فرق واضح".
بس طبعاً نظراً لاننا بالخليج التكييف قوي مثله مثل غيرة وكمان طقم الصوت كويس جدا رغم ان شكل الكاسيت عادي جدا.
دي تجربتي مع الكورولا الجديدة ويبقى شكلها الخارجي كل واحد وزوقه بس انا شايف انهم حاولوا يجيبوا شكل الكامري قلشت منهم وطلعت الحاجة الغربية دي.

انا مستغرب ان الكورولا 2008 موجودة فى البلد من يناير لكن مفيش حد كتب رأيه و تجربته خاصة بالنسبة للفتيس الجديد MMT ? .. كل الكلام اللى قريته فى المنتدى كان على السعر اوالشكل لكن مفيش حد بيتكلم و يدينا تقييم واضح من خلال التجربة العملية فى شوارع مصر و ايه الفرق بينها و بين 2007 مثلا فى الجوانب الفنية مش الشكل و هل تستحق السعر الحالى ؟؟ رأى اخونا الوحيد اللى كتب عايش فى السعودية و جايز مواصفاتها مختلفة شوية هناك .. مش عارف ليه الصمت ده ؟ هل هو علامة الرضا ام سكوت اللى حاسس انه ادبس و بيكتم ع الخبر ماجور ..؟؟؟

طبعا أنا مش حاعترض على تجربة اأخ هنا. أكيد دى وجهة نظره. بس أنا معايا الفول أوبشن الجنوب أفريقى و بصراحه عكس اللي بيقوله تماما فى كل حاجه.

العربيه تقيله و ثابته. انا باروح 6 أكتوبر كل يوم و كتير باسوق على 140 و مش حاسس بالسرعه.

الدريكسيون فيه EPS يعنى خفيف أوي فى السرعه الواطيه و بيتقل مع السرعه العاليه

الخامات نضيفه قوى

بالنسبه للمالتى مود هو فيه 3 مود:

1- E اللى هو أوتوماتيك عادي، سحب ضعيف اوى و بتنقل بسرعه على 2000 ولا 2500 بس ده عشان توفير البنزين
2- Es (Sport Mode و ده للى عايز يشد عالأوتوماتيم ممكن ينقل على 5000 أو حتى 6000 حسب الكيك داون بتاعك و بصراحه بتشد
3- M اللى هو المانوال و هو مانيوال حقيقى بكل ما فيه. و طبعا انت بتنقل فوق و تحت بمزاجك بس العربيه بتنقل تحت لوحدها لو السرعقلت أوى عن الجير اللى انت فيه. او وقفت

بصراحه ال E يضايق شويه بس فعلا ينفع فى وسط البلد استهلاك البنزين قليل أوى مابتحرقش

على فكرة المالتى مود ده مش ستيب ترونيك عادى. هو أصلا جير بوكس مانيوال و الأوتوماتيك بتاعه بيتعمل بدبرياج داخلى Servo Motors زى الأوبل إيزي ترونيك . إنما أغلب العربيات بيكون جير بوكس أوتوماتيك بس بيحاكى المانيوال فى الستيب ترونيك. طبعا الجير المانيوال أشد

tmrbaset انا معرفش موضوع ال E, M,ES بس كان في زرار مكتوب عليه SHIFT جنب الفتيس غيرت وضعيته وبرضة اداء العربية زي ما هو وانا كنت سايق على D عادي جدا وكنت بحسس على دواسة البنزين كمان

شكرا يا جماعة على دودكم
بالنسبة لتجربة الجياردو انا مبعرفش أرفع صور على الموقع خاصة ان الصور اللي عندي حجمها كبير شوية لو في حد ممكن يكتب ايميله الخاص وابعتله الصور ويرفعها هو يكون أفضل
وشكرا