الموضوع: صيانة نوبيرا كورى

المشاركة الأصلية كتبت بواسطة ads

انا عربيتى كورى استراد الخارج ياترى فيها حساس كامه ولا لاء وده بيفرق لما اجى اغير سير الكتينه وايه وظيفته

ده شكل حساس الكامه فى النوبيرا الكورى الاستيراد

اول ما جبت العربيه غيرت سير الكاتينه و البلى بتاعها و بعد يومين بالظبط لقيت لميه التشك نورت
رحت كشفت على العربيه بالجهاز قالى فى المركز انه حساس الكامه باظ لان السير كان راكب مش مظبوط ولما حبيت أغيره لقيته مش موجود عند بتوع قطع الغيار و فعلا سالت عليه فى بورسعيد مالقيتهوش و سالت فى مصر فى ميدان الجامع الراجل صاحب المحل بصلى باستغراب و قالى النوبيرا أصلا ما فيهاش حساس كامه يمكن قصدك حساس الكرنك قلتله لا الكامه المهم وقتها اكتشفت انه مش موجود فى النوبيرا التقفيل المصرى و بعدين واحد كان مسافر كوريا جابهولى من هناك بس بعد كده استاذ ممدوح قالى ان ممكن تلاقيه فى حاجات الاوبترا و اعتقد ان كلامه مظبوط

المشاركة الأصلية كتبت بواسطة ads

استاذ سلامه انتا قلقتنى جداً جداً علشان انا لسه شارى انبارح سير كاتينه وبليتيين الثابته والمتحركه والمفروض ان هحروح يوم الجمعه اركبهم عن الميكانيكى وكلام حضرتك معناه ان فى خطوره على حساس الكامه لو الحجات دى ماتركبتش صح ياريت يا استاذ سلامه توضحلى الى حصل معاك بالظبط وطريقه التركيب الغلط الى حصلت معاك لان انا معديش حد رايح كوريا ولا الصين

لا ماتقلقش انا بس لما ركبت السير ركبته عند واحد حمار قعد يركب فى السير تقريبا ساعه و ما عرفش يزبطه و انا مش متاكد ان الحساس باظ من التركيب الغلط للسير ولا ده كان عمرة الافتراضى أصلا لكن انا غيرت السير بعد كده و مرتين و كان مافيش ماشاكل و حتى لما كان الحساس بايظ انا قعدت ماش بالعربيه كده تقريبا سنه و لمبة التشيك منورة لغاية ماجبت الحساس

المشاركة الأصلية كتبت بواسطة ads

انا اول مره اغيره وبما ان حضرتك غيرته مرتين مافيش اى حاجه لاحظتها فى طريقه الفك او التركيب
او خطوات معينه فى الفك او اى حاجه حضرتك تنصحنى بيها واخد بالى منها والميكانيكى شغال وايه نوع السير الى حضرتك بتركبه انا جايب gates انجليزى معلش يا استاذ سلامه انا بصراح قلقت اوى من كلام حضرتك

لا ماتخفش و توكل على الله روح بس لميكانيكى كويس يكون ايده فى العربيات الجديده و النوع اللى انت جايبه ده كويس و ماتنساش تغير البلى طبعا