(2)
برضه انتشر موضوع الشقق اللقطة التقسيط بسعر كاش ونص التمن
التخفيض يا اخوانا بيبقي في حدود المعقول واقل من سعر السوق بحاجة بسيطة ومحفزة
مش مثلا شقة ب100000ج سعرها في التخفيض يبقي ب60 70 الف ج او سعر غير منطقي وتقسيط.... تلاقي واحد بيبيع الشقة بأقل من سعرها كاش وتقسيط علي 3 و4 سنين
اللى هيبعلك بالطريقة دي هيعمل فيك حاجة من الحاجادت دي
1-هيضربلك المساحة ويحطلك خدمات ومرافق بالعبيط
2-هيأخرلك التسليم ويفضل يشغل الفلوس في مناطق تانية وبالتالي احتمال ميكملش المبني
3-ممكن ينصب عليك ويبيع الشقة لكذا واحد وطبعا علشان انت واخد بسعر لقطة هتجبر نفسك تصبر علي الأستلام وفي الأخر هتتصدم.
في النهاية امشي سليم وخذ بالكلام الواقعي مش الكلام الوردي والحق نفسك قبل ما الحاجة ما تغلي وخذ بأراء الناس اللى فاهمة حواليك ومتتغرش انك تلاقي 100 ولا 1000 واحد رايحين يعاينوا الأرض ولا الشقة و نظام يا تلحق يا متلحق ومتاخدش كلام من اي حد غير لما يكون جهة رسمية او واحد مختص ويكون امين.
[/quote]
ده بالظبط حاصل معايا دلوقتى و مش عارف اعمل ايه بقالى سنة
واحد عرض عليا شقة فى التجمع الخامس و اخد معظم فلوسها كاش (الشقة سعرها لقطة) هو كان بانى البدروم و المفروض ان العمارة ارضى و دورين
و الفروض انه كان يسلمنى شهر 9 اللى فات
المهم ان كل شوية اكلمه من اول ما دفعتله و هو بيتحجج بالرخصة او بالجهاز او اى اجراءات
جالى من شهر و قالى انه خلاص موش هيقدر يكمل الشقة و انه هيرجعلى الفلوس بالشرط الجرائى أو اخد شقة فى موقع تانى و استنى سنه كمان و فيه فرق فى السعر ادفعه لما استلم الشقة الجديدة
اخترت طبعا انى اخد الفلوس
كل شوية ممطالة -
ان بقول الحمد لله قدر الله و ما شاء فعل
بس موش عارف اعمل ايه مع واحد حقير زى ده
و ازاى ممكن اضغط عليه
فى ناس قالتلى اجيبله اتنين بلطجية يرنوه علقة و يهددوه
و فى ناس قالت حاول بكل الطرق الوديه
و فى ناس قالتلى فلوسك راحت عليك خلاص متتعبش نفسك و ابتدى فى الاجراءات القانونية
بجد الموضوع مأزمنى نفسى و مأثر عليا و على تركيزى جدا.
انا قلت افضفض معاكوا لعل و عسى حد يمون عنده حل
و لا تنسونا فى الدعاء