الموضوع: معاية نوبيرا و بفكر اجيب سيفيك

المشاركة الأصلية كتبت بواسطة semsem kane

المشكلة ياباشا ان مافيش حاجة فى السيفيك رخيصة كلة غالى

يعنى مثلا سير الكاتينة 330 جنية اصلى بيتغير كل 80000 الف اضمن هو بيقعد 100000 الف

تيل الفرامل الاصلى ب275 جنية وريمسا الاسبانى ب235 جنية

ماستر فرامل اصلى ب650 جنية من غير السيرفو

الكبالن سعر الواحد 275 يابانى تقليد الاصلى بلاش اقول الرقم عشان اصحاب القلوب الضعيفة

الردياتير ب1200 جنية , الكباس ب2500 جنية , الطنابير ب1200 جنية يابانى نظيفة

اى سيور دينامو , باور , تكييف ب60 جنية ماركة sun والاصلى ب120 جنية للواحد

فلتر البنزين اصلى ب250 جنية التايوانى ب 125 جنية

اى قواعد بتبدأ من 200 جنية الى 300 جنية السيارة فيها خمس قواعد للمحرك

سعر المقص الواحد ب220 جنية

المساعد الواحد اصلى ب1100 جنية

عايز تانى ولا اقول كمان

يعنى انا لما اعوز اغير عفشة كاملة اخشلى فى 4400 مساعدين و شوية حاجات كدة معاها يعنى بتاع 6000 جنية يا نهار اسود انا بغير العفشة كلها فى النوبيرا بى 1000 جنية و انا فاكر انى جبت قاعدة موتور اصلى ب 100 جنية

المشاركة الأصلية كتبت بواسطة m_nabil

الحاجات الغالية هيا قطع الغيار الجديدة الاصلية أمثلة على ما أنا فاكر يعنى وان لم تخونى الذاكرة ولو في حاجه غلط في الأسعار ياريت حد يصلحلى

جوز طنابير امامى اصلى 1600 جنية
تيل فرامل امامى أصلى 440 جنية
فلتر بنزين اصلى 210 جنية
فلتر هواء اصلى 150 جنية
فلتر زيت اصلى 45 جنية
قاعده ماتور خلفية اصلية 300 جنية وباقى القواعد سعرهم أقل شوية
خرطوم مياة 75 جنية للواحد غير اصلى
غطاء الريداتير اصلى 50 جنية
تيل خلفى مش اصلى يابانى من 110 الى 150 جنية حسب نوعه
المرايه الجانبية تايوانى 190 جنية للواحدة جديدة و 150-200 جنية اصلى استيراد للواحدة
سير كاتينه اصلى 220 جنية بيقعد لحد 80-100 ألف كم
باقى السيور ( باور-تكييف-دينامو ) الواحد تقريباً بـ 75 جنية غير أصلى
جوز مساعدين يابانى 600 جنية جديد
كبالن 285 جنية للرأس الواحدة يابانى
طلمبه المياه 380 جنية يابانى
طلمبة بنزين 260 جنية يابانى
بوجيهات ngk اصلى 90 جنية
مارش استيراد 300-350 جنية
رفرف استيراد 150 جنية
باب كامل استيراد 200 جنية
كابوت استيراد 400-500 جنية
فانوسين امامى استيراد 350-400 جنية
زجاج فتحة السقف استيراد 1000-1200 جنية
علبه دركسيون شمال استيراد 1000 جنية
ريداتير اصلى استيراد 2 ماسورة المونيوم بالمروحة والغطاء 375-450 جنية
طارة دركسيون استيراد 250 جنية

هو لية الزجاج بتاع فتحة السقف غالى اوى اوى اوى اوى كدة دة كلها حتة زجاج 60فى 40 مثلا و سيكوريت بى 1000 جنية؟

عشان قليلة شوية ومش موجودة عند كل الناس بس أعتقد ممكن تعملها بسعر كويس عند مصنع د.جريش في العاشر وهيه أصلاً نادراً ما بيحصلها حاجه

أيه! شكلك كدة هتغير رأيك :)

المشاركة الأصلية كتبت بواسطة fady554

يعنى انا لما اعوز اغير عفشة كاملة اخشلى فى 4400 مساعدين و شوية حاجات كدة معاها يعنى بتاع 6000 جنية يا نهار اسود انا بغير العفشة كلها فى النوبيرا بى 1000 جنية و انا فاكر انى جبت قاعدة موتور اصلى ب 100 جنية


هو لية الزجاج بتاع فتحة السقف غالى اوى اوى اوى اوى كدة دة كلها حتة زجاج 60فى 40 مثلا و سيكوريت بى 1000 جنية؟

يا باشا الحاجات دي مابتتحسبش كدة وإنت سيد العارفين,,,
الفكرة كلها في سلسلة المشاكل إللي بتجر بعضيها ,,, زي ما بنقول بالبلدي (العربية فتحت بقها) يعني مشكلة تجر مشكلة وعلى ما تصلح تلاقي حاجة تانية حصلت وهكذا,,, السيفيك مافيهاش السيناريو ده ,,, يعني بتشتري دماغك.
أعرف ناس كتير معاهم نوبيرا وجايبنها زيرو ,,, بعد ال 30 ألف كم كلهم ما بين مرة أو مرتين في الشهر (الجمعة والسبت) عند الحرفيين.
مثال عن المساعدين إللي حضرتك مستغليهم ,,, أنا ماعرفش حد جايب سيفيك من موديل 2007 إلى يومنا هذا إحتاج إنه يغير المساعدين في عربيته ,,, يعني 4 سنين حتى الآن ولسة إن شاء الله.
في حين مافيش حد معاه نوبيرا من سنتين إلا وغير جوز مساعدين مرة على الأقل.

عشان كدة بننصح اى حد مقبل على شراء هوندا بالكشف عليها كويس جداً سواء في التوكيل أو حد من متخصصي الهوندا عشان لو هيا متهانه وفتحة بقها هتزعلك منها من كتر المصاريف