الموضوع: استفساااااااااااااااااااا ااااااار هاااام !!

الاسكاترا عبارة عن جريدة مسننة من الطرفين وحشو بلاستيك او فبر ووظيفة الاسكاتر هى تحويل الحركة الدائرية من طارة الدركسيون الى حركة عرضية او ترددية للعجل وطبعا هى اللى متحكمة فى توجيه السيارة واكيد طالما فى اجزاء معدنية متحركة يبقى فى تشحيم وبنحافظ على الشحم من التراب بكاوتش مرن عامل زى البيانو لا مش البيانو البتاع الى بيتعلق على الصدر دة مش فاكر اسمة والله وبنقول عليها كاوتش مزيكا واما بتتفك بنغير البستم الداخلى بتعها بيكون عبارة عن قطعة اسطوانية مصنوعة من البلاستك القوى وممكن كمان يتعمل له شميز لحكم خلوص البستم والموضوع مش بيتكلف كتير ولا حاجة مصنعية فك وتركيب للعفشجى من 20 الى 30 جنية مصنعية الخراط لزوم عمل شميز وبستم 30 جنية بس لازم تظبط زوايا بعدها بالنسبة لبيض المقصات مش العجل اما بيعمل صوت لازم يتغير او صراحة حاجة ترجعلك انت انا عن نفسي اكتر حاجة بهتم بيها العفشة عشان العربية تكون ناعمة فى المطبات بس طالما هاتفك الاسكاترا وتعمل شغل عفشة اعملها بالمرة عشان مصنعية الفك والتركيب ما تتدبلرش عليك