استفسار بخصوص منظف رشاشات البنزين

**ashraf122** · 23-01-2011 06:24 PM

السلام عليكم ، الاستاذ المبجل غبور شارط علينا فى الماتركي اننا نغير فلتر البنزين كل 20000 كم و انا فعلا غيرتة مرة فى صيانة 20000 و طنشت المرة دى و ناوى اغيرة فى صيانة 60000 كم

المهم كنت عايز اعرف اسم افضل منظف للكربراتير و الرشاشات اللى بيطحت فى تانك البنزين و احنا بنمون

**مواطن مصرى** · 23-01-2011 07:14 PM

منظف دورة الوقود اسمه stp و هو صناعه امريكيه و يباع فى محطات بنزين موبيل و ثمنه حوالى 25-30 جنيه و بيتحط على تفويلة بنزين كامله بشرط ان التنك يكون قرب يخلص (يعنى تستنى لما التانك يبقى فيه شويه بنزين صغيره و تحط الزجاجه دى و بعدين تفول)

نصيحه اخويه : البنزين فى مصر كله شوائب و هباب و لو شفت منظر فلتر البنزين و هو بيتفك هتلاقيه مسود من شوائب البنزين اللى فيه فلا تستخسر تغيير فلتر البنزين كل 20 الف كيلو او اقل كمان حتى لو هتجيبه انت من اى محل قطع غيار و تركبه عند اى صبى ميكانيكى او حتى انت تتعلم تركبه بنفسك مش صعبه الحكايه هى