ايهما افضل العمل الحر ام فى حكومه او شركه

**tarekzein** · 24-01-2011 04:30 PM

المشاركة الأصلية كتبت بواسطة eldell

خريج تجاره
فضه فى الاول وبعدها هيبقى معاه ذهب
فى مثل على مااعتقد صاحب بالين كداب
والدى اصلا بيشتغل فى الاتنين وبتعلم منه
مهو انا مكنش من طموحى كده كان نفسى اشتغل فى بنك او شركه كبيره بس المشكله كانت التقدير بس الحمد لله على كل شى

المرتبات دلوقتى فى الأرض

بجد مش ذر للعيون ولا حاجه

المتدرب فى البنك بياخد 10 جنيه فى اليوم

والموظف الجديد مرتبه لا يتعدى ال 1500 جنيه بأى حال من الأحوال

التميز فى حالة أنهم هما اللى محتاجينك بس

والله العظيم أعرف مدير تيلر فى محافظة القناة

مرتبه لا يتعدى 1800 جنيه وخبره 15 سنه

**Zika9909** · 24-01-2011 04:53 PM

المشاركة الأصلية كتبت بواسطة eldell

بص ياباشا كلامك مظبوط وانا مقتنع بكلامكم كله بس انا خسرت البنت الى بحبها وبتحبنى بسبب الموضوع ده لما روحت اتقدمت لوالدها قالى عايز يبقى مرتبك ثابت قولتله كل حاجه هتعوزها هجيبها قالى لو لقدر الله السوق اضرب هتعيش ازاى ؟

أنا أظن إن هو قال لك كده عشان يمشيك مش أكتر، الأرزاق بيد الله، و ممكن تجمع في سنة من عمل حر إللي هتجمعه في 5 لو أنت موظف.
أنا شايف إن العمل الحر أحسن، على الأقل أنت ملك نفسك و مش مضطر إنك تنزل الشغل في ساعة محددة و تسيبه في ساعة محددة و الأجازات محددة و بالقطارة.
هقول لك على مقارنة سهلة بينهم بما أنك حديث التخرج: قارن بين أيام المدرسة و أيام الكلية، أيام المدرسة لازم تكون الساعة 7:30 واقف في الطابور و لو اتأخرت تاخدلك عصايتين و لو اتأخرت أكتر تتكتب غياب و لو غيابك كتر تاخدلك فصل (لمدة أسبوع مثلاً) و استدعاء ولي أمر و قصص مالهاش نهاية، أما الكلية الموضوع مختلف تمامًا، أنت سيد قرارك في الكلية، عايز تحضر عايز تغيب عايز تيجي تتمشى مع أصحابك في الجامعة ........... إلخ، من الآخر بتعمل إللي أنت عايزه.
تقدر تعتبر إن الوظيفة زي المدرسة و العمل الحر زي الكلية، و أنت حر في اختيارك.

**eldell** · 24-01-2011 05:02 PM

المشاركة الأصلية كتبت بواسطة Zika9909

أنا أظن إن هو قال لك كده عشان يمشيك مش أكتر، الأرزاق بيد الله، و ممكن تجمع في سنة من عمل حر إللي هتجمعه في 5 لو أنت موظف.
أنا شايف إن العمل الحر أحسن، على الأقل أنت ملك نفسك و مش مضطر إنك تنزل الشغل في ساعة محددة و تسيبه في ساعة محددة و الأجازات محددة و بالقطارة.
هقول لك على مقارنة سهلة بينهم بما أنك حديث التخرج: قارن بين أيام المدرسة و أيام الكلية، أيام المدرسة لازم تكون الساعة 7:30 واقف في الطابور و لو اتأخرت تاخدلك عصايتين و لو اتأخرت أكتر تتكتب غياب و لو غيابك كتر تاخدلك فصل (لمدة أسبوع مثلاً) و استدعاء ولي أمر و قصص مالهاش نهاية، أما الكلية الموضوع مختلف تمامًا، أنت سيد قرارك في الكلية، عايز تحضر عايز تغيب عايز تيجي تتمشى مع أصحابك في الجامعة ........... إلخ، من الآخر بتعمل إللي أنت عايزه.
تقدر تعتبر إن الوظيفة زي المدرسة و العمل الحر زي الكلية، و أنت حر في اختيارك.

الف شكر ليك

**M.Yahia** · 24-01-2011 05:12 PM

المشاركة الأصلية كتبت بواسطة eldell

بص ياباشا كلامك مظبوط وانا مقتنع بكلامكم كله بس انا خسرت البنت الى بحبها وبتحبنى بسبب الموضوع ده لما روحت اتقدمت لوالدها قالى عايز يبقى مرتبك ثابت قولتله كل حاجه هتعوزها هجيبها قالى لو لقدر الله السوق اضرب هتعيش ازاى ؟

دا ان شاء الله على اساس ايه الظاهر انه عايش على كوكب تانى مفيش حد دلوقتى ضامن حاجة الضامن هو الله القطاع العام دلوقتى بيخصخصوا و القطاع الخاص بهدلة و ممكن فى ثانية يقولولك مع السلامة يعنى محدش ضامن حاجة يبقى تتكل على الله و تشتغل شغل حر خاصة ان والدك عنده خبرة فيه و حيساندك فى الاول و الارزاق دى بتاعة ربنا و بعد كدا اللى يقولك انت مش موظف قوله الحمد لله انا احسن من اى موظف

**ahmed4000** · 24-01-2011 05:13 PM

المشاركة الأصلية كتبت بواسطة tarekzein

والله العظيم أعرف مدير تيلر فى محافظة القناة

مرتبه لا يتعدى 1800 جنيه وخبره 15 سنه

علشان منحبطش الشباب بس

ده اكيد فى بنك حكومى لكن الرقم ده فى اى بنك محترم مبياخدوش موظف حديث التخرج

وبعدين مشكلة الجواز حتقابلها فى ناس كتير حيبصوا لموضوع انك عندك محل دى بصة مش اد كده حتى لو كنت بتكسب

هى نظرة متخلفة بس هو ده مجتمعنا اللى احنا عايشين فيه

علشان كده لو تقدر تجمع بين الاتنين يبقى كويس اوى

وظيفة حكومية مواعيدها ثابتة وبعد الشغل تتابع شغلك التانى

مش حتتفوق فى الاتنين طبعا ومش حتكسب زى متبقى واقف فى محلك بنفسك لكن اهو بتضحى بحاجة قدام حاجة

**tarekzein** · 24-01-2011 05:23 PM

المشاركة الأصلية كتبت بواسطة ahmed4000

علشان منحبطش الشباب بس

ده اكيد فى بنك حكومى لكن الرقم ده فى اى بنك محترم مبياخدوش موظف حديث التخرج

.................................................. ..................
...............................................
......................

كنت عارف أن محدش هايصدقنى

يا أخى ده أنا حلفت بالله العظيم

وده زميل لى

والبنك قطاع خاص

ومش مصرى كمان

وكفايه كده عشان مروحش فى داهيه

ـــــــــــــــــــــــــ ــــ

بس ده ميمنعش أن فى مرتبات 50 وستين ألف

بس ده لرؤساء القطاعات وأكبر

**ahmed4000** · 24-01-2011 05:35 PM

المشاركة الأصلية كتبت بواسطة tarekzein

كنت عارف أن محدش هايصدقنى

يا أخى ده أنا حلفت بالله العظيم

وده زميل لى

والبنك قطاع خاص

ومش مصرى كمان

وكفايه كده عشان مروحش فى داهيه

ـــــــــــــــــــــــــ ــــ

بس ده ميمنعش أن فى مرتبات 50 وستين ألف

بس ده لرؤساء القطاعات وأكبر

ياباشا مصدقكش ازاى بس
انا بقول بس ان مش ده الوضع الطبيعى ده استثناء لكن لو لقى وظيفة ممكن توفرله دخل معقول
ومعاك طبعا فى ناس بتوصل ل50 الف و60 الف واواقات كتير بيبقوا بكفائتهم مش بوسايط

**medo_2060** · 24-01-2011 06:18 PM

انا بفضل العمل الحر بس عايز حد يسندك فى الاول ماديا وبخبره فى المجال الى انت عايزه وانت بتقول والدك معاك.. توكل عالله.. ولو بعد كدا جاتلك وظيفه تقدر تجيب اى حد يقف فى المحل

**أبو إياد** · 24-01-2011 07:47 PM

انا شايف بدل ما اقولك رائيى انا انقلك تجربتى وانت تقدر تقرر ايهما افضل

انا اشتغلت فى الشغل الحر والحمد لله كان دخلى ممتاز على اد ما بتتعب بتلاقى بس كان بيجى فتره فى السوق اللى بتعمله فى سنتين يضيع منك فى شهر
واتقدمت للجواز وانا فى الشغل الحر وبعد جوازى ب 4 ايام جاتلى الوظيفه بتعاقد طبعا

فاتعاملت مع الوظيفه على انها رزق من عند الله وانا دلوقتى اصبحت مسئول عن بيت وزوجه فقرر انى اقبل الوظيفه لجانب مشروعى شهر اتنين تلاته وكنت قافل المشروع بتاعى لان مافيش واحد نفس تفكيرك يقدر يحل محلك فى غيابك وبعد فتره عملت اعاده لترتيب اوراقى من جديد وفتحت مشروع جديد
باردو نفس الغلطه وماقدرتش اكمل كل ده طبعا وانا عندى وظيفتى وملتزم ومرتبى بيجيلى كل اول شهر

وحاليا وصلت لحاجه وهى ان علشان ماتخسرش يبقا تقلل مصاريفك مش مهم تكسب انا عندى طاقه ولازم اخرجها بس فى نفس الوقت عاوز الطاقه دى استفيد منها وبيتى واولادى يستفيدوا منها يبقا ممكن بجانب الوظيفه مشروع مش محتاج وقت مش محتاج مجهود جبار لو غيبت عنه يوم اتنين اسبوع مش هاخسر

ودى طبعا انت اللى لازم تقرر ايه هى حسب ميولك

وعلى فكره مش معنى كلامى انى هافضل طول عمرى موظف
لا بالعكس اكيد زى ماكانت الوظيفه فى وقتها فرصه فاكيد فى حاجه تانيه هاتيجى فى وقت ما وهاتبقى فرصه وساعتها هاستغنى عن الوظيفه زى ما استغنيت عن مشروعى علشان الوظيفه

-

الموضوع: ايهما افضل العمل الحر ام فى حكومه او شركه

LinkBack

أدوات الموضوع

عرض

-

-

-

-

-

-

المواضيع المتشابهه

افضل شركه تأمين تكافلي

ما هي افضل شركه تأمين علي الاسكودا ؟؟؟

ايه افضل شركه للتأمين

ايه افضل شركه تأمين موجوده

افضل شركه تامين للهيونداي

الكلمات الدلالية لهذا الموضوع

المفضلات

المفضلات

ضوابط المشاركة