الموضوع: ايهما افضل العمل الحر ام فى حكومه او شركه

العمل الحر كويس بس ياريت يبقى جنبه شغل تانى يعنى وظيفه جنبه والاتنين هيشيلو بعض معاك وربنا يوفقك

المشاركة الأصلية كتبت بواسطة Zika9909

أنا أظن إن هو قال لك كده عشان يمشيك مش أكتر، الأرزاق بيد الله، و ممكن تجمع في سنة من عمل حر إللي هتجمعه في 5 لو أنت موظف.
أنا شايف إن العمل الحر أحسن، على الأقل أنت ملك نفسك و مش مضطر إنك تنزل الشغل في ساعة محددة و تسيبه في ساعة محددة و الأجازات محددة و بالقطارة.
هقول لك على مقارنة سهلة بينهم بما أنك حديث التخرج: قارن بين أيام المدرسة و أيام الكلية، أيام المدرسة لازم تكون الساعة 7:30 واقف في الطابور و لو اتأخرت تاخدلك عصايتين و لو اتأخرت أكتر تتكتب غياب و لو غيابك كتر تاخدلك فصل (لمدة أسبوع مثلاً) و استدعاء ولي أمر و قصص مالهاش نهاية، أما الكلية الموضوع مختلف تمامًا، أنت سيد قرارك في الكلية، عايز تحضر عايز تغيب عايز تيجي تتمشى مع أصحابك في الجامعة ........... إلخ، من الآخر بتعمل إللي أنت عايزه.
تقدر تعتبر إن الوظيفة زي المدرسة و العمل الحر زي الكلية، و أنت حر في اختيارك.

المشاركة الأصلية كتبت بواسطة zago

على فكره انت لو صاحب الشغل مش حتفتح بمزاجك وتقفل بمزاجك
لا
انسى .....

انت حتفتح من الفجر ومش حتقفل اصلا

يا باشا أنا أقصد إنك لما تفتح المحل مش هتلاقي دفتر الحضور قدامك و لازم تمضي قبل معاد محدد، و لو اتأخرت دقيقة واحدة تتحسب عليك و لو كملت ساعة يتخصم من مرتبك يوم و لو اتخصم يوم حوافزك تنقص، كلها شروط تخليك تلعن الوظيفة،و بعدين شغلك و مجهودك في المشروع الخاص كله ليك و على قد ما هتجتهد على قد ما مشروعك هيتطور و هتكسب أكتر، أما لو اشتغلت موظف في شركة هيطلع عينك و في النهاية المرتب ثابت و الحوافز مش أوي.
أنا معاك إن المشروع الخاص مرهق أكتر لكن مكسبه أحسن بكتيييير من الوظيفة و هو ده المطلوب.