تحذير من ثرموستات التكييف - بيــجو 405 برستيـــــج

**Tamer_Merit** · 23-03-2008 04:27 AM

انا بس عيز احذر كل الناس من ثرموستات الكومبريسور بتاع التكييف علشان انا وقعت في المقلب ده وكانت مش شغاله وما اخدتش بالي ان الكومبريسور ما بيفصلش والكومبريسور اتحرق ولسه مغيره ب800جنيه -للبرستيج- اول امبارح طبعا غير الفك والتركيب والشحن.
وهيه راكبه في التابلوه من تحت فوق دواسة البنزين كده شكلها زي المسمار الطويل , او على الاقل الواحد ياخد باله من الكومبريسور ويلاحظه بيفصل ولا لأ....
وكفاني الله واياكم شر اعطال التكييف

**Tamer_Merit** · 23-03-2008 03:33 PM

المشاركة الأصلية كتبت بواسطة the-hero

يفصل ازاى يعنى ...ونعرف أزاى

يعني الكومب بيشتغل شويه ويسقع ولما الصالون يوصل لدرجه حراره معينه يفصل تاني علشان يريح ولو ما فصلش هايتحرق والثرموستات هي الي بتقيس درجه حراره الصالون وعلى اساسها بتفصل الكومب وبعدين تشغله تاني لما الحراره تعلى في الصالون .

وانت هتحس بالفرق في درجه حراره الهوا اللي خارج من الهوايات وتاني حاجه ان صوت الموتور هيعلى - rpm هيزيد - علشان العربيه ما تبطلش ، وكمان هتسمع صوت تكه زي اللي بتسمعها أول ما بتشغل التكييف ودي بتحصل كل ما يفصل ويشتغل الكومب ؛ وعلي فكرة دة مالوش دعوة بمروحة الصالون هي كدة كدة شغالة علي طول و بتجيب هوا.

و ممكن لو هتروح تشحن الفريون تخلي الصنايعي يكشف علي الثرموستات و يتأكد انه بيفصل.

**khalid_adel** · 24-03-2008 08:42 AM

جزاك الله كل خير
انا فعلا اخدت بالي من الموضوع ده والحمد لله تمام

**Tamer_Merit** · 24-03-2008 10:06 AM

المشاركة الأصلية كتبت بواسطة the-hero

الف شكر يا باشا

العفو ياباشا ..انا تحت الامر

**Tamer_Merit** · 24-03-2008 10:09 AM

المشاركة الأصلية كتبت بواسطة khalid_adel

جزاك الله كل خير
انا فعلا اخدت بالي من الموضوع ده والحمد لله تمام

اشكرك.. و الحمد لله انه كله تمام .

**MTAK** · 24-03-2008 10:15 AM

شكرا يا باشا على الموضوع

بس مفيش طريقة اسهل شوية علشان نعرف فصال الكمبريسور
اصل حكاية صوت الفصل دى بتبقى ضعيفة اوى و الواحد مشفل كاسيت او راديو
غير دوشة الطريق

كمان حكاية rpm مش نافعة معايا
اصل لا يوجد اى تغيير فيه عند تشغيل التكييف

**Tamer_Merit** · 24-03-2008 11:04 AM

المشاركة الأصلية كتبت بواسطة MTAK

شكرا يا باشا على الموضوع

بس مفيش طريقة اسهل شوية علشان نعرف فصال الكمبريسور
اصل حكاية صوت الفصل دى بتبقى ضعيفة اوى و الواحد مشفل كاسيت او راديو
غير دوشة الطريق

كمان حكاية rpm مش نافعة معايا
اصل لا يوجد اى تغيير فيه عند تشغيل التكييف

العفو ياباشا ،
انت لوعايز تتأكد ممكن تشغل العربيه والتكييف وتقف بره العربيه شويه جنب الموتور وتلاحظ صوت الموتور بيعلى ولالأ ، وكمان وانت ماشي بالعربيه هتحس بالفرق في العزم لما الكومب يشتغل - العربيه بتكون متكتفه شويه - وترجع عاديه لما يفصل
وبعدين حكاية ان rpm مابيتغيرش دي غريبه شويه لأن لازم يكون فيه تغيير، لأن التكييف لما بيشتغل بيحمل على الموتور وبيبطأه شويه ، ولو الrpm ماعليش العربيه هتبطل على السلانسيه كل شويه ، علشان كده لازم الموتور عدد لفاته تزيد لما التكييف يشتغل .
انت لوعربيتك كاربراتير بيكون فيه جزء صغير مربع ( تقريبا على شمالك وانت واقف قدام الموتور ) وراكب فيه خرطومين صغيرين وده اللي بيتحكم في الكاربراتير ويعلي الموتور مع اشتغال الكومب ..ولو العربيه انجكشن بيكون فيه حاجه اسمها ( إستيبر موتور) وده اليي بيتحكم في عدد للفات الموتور ويعليها والعربيه بارده أو لما التكييف يشتغل ..
حاول تشوف المشكله فين وتعالجها علشان ده هيريحك في السواقه والتكييف شغال .

**MTAK** · 24-03-2008 12:00 PM

المشاركة الأصلية كتبت بواسطة tamer_merit

العربيه انجكشن بيكون فيه حاجه اسمها ( إستيبر موتور) وده اليي بيتحكم في عدد للفات الموتور ويعليها والعربيه بارده أو لما التكييف يشتغل ..
حاول تشوف المشكله فين وتعالجها علشان ده هيريحك في السواقه والتكييف شغال .

الف شكر يا باشا على الرد السريع

لي ملاحظه
انا عربيتى انجيكشن "نيسان تيدا"
و عدد اللفات بيكون حوالى 1400 عند بداية التشغيل ثم تنزل الى 800 "كل ده و انا واقف"

و انا ماشى مثلا على 100 بتكون اللفات 2400
اشغل التكييف
برضه 2400 و اعتقد انها ممكن تكون زادت الى 2500 بس انا لا احس بها
انا عندى الشرطه فى العداد بـ 200
يمكن
و لا التكييف بيزود اللفات عن 200 لفة