استفسار عن بونتو كلاسيك

**Formulator** · 20-02-2011 04:11 PM

الله ينور يا Moe86
وعايز أقول لـhazememam14 بالنسبة لأستهلاك البنزين:
الهيونداى i10 والكورى عموما بيعتمد أساسا على خفة وزن العربية (لدرجة ما دون الأمان) فى توفير الوقود...!!!
أما البونتو فـ بتعتمد على تكنولوجيا فتح الصبابات والـcam phasing/profile وتقليل الأحمال عـ الموتور (التكييف والدينامو والطلمبات) عشان توفر بنزين...
ده فرق رهييييييييييييييب فـ التطور التكنولوجى + معدلات الأمان العالية مفيهاش تنازلات عند فيات...!

**hazememam14** · 20-02-2011 07:30 PM

أنا عايز أحيب بونتو و نفسي فعلا ماتعاملش مع التوكيل و سألت أكتر من مرة في المنتدي علي أي وكلاء صيانة معتمدين ينفع يتعمل عندهم الصيانة الدورية من غير ما أخرج برة الضمان و ماحدش بيجاوبني , يا تري شركة النيل الهندسية دي لسة وكيل معتمد ولا لأ ؟؟ و في مين تاني وكلاء معتمدين؟؟؟؟؟؟؟؟؟؟؟؟؟؟؟؟؟؟ ؟؟ و الكيلاني ده مركز خدمة ولا بيبيع قطع غيار بس ؟؟؟؟؟؟؟؟؟؟؟

**prince93** · 20-02-2011 08:11 PM

المشاركة الأصلية كتبت بواسطة hazememam14

أنا عايز أحيب بونتو و نفسي فعلا ماتعاملش مع التوكيل و سألت أكتر من مرة في المنتدي علي أي وكلاء صيانة معتمدين ينفع يتعمل عندهم الصيانة الدورية من غير ما أخرج برة الضمان و ماحدش بيجاوبني , يا تري شركة النيل الهندسية دي لسة وكيل معتمد ولا لأ ؟؟ و في مين تاني وكلاء معتمدين؟؟؟؟؟؟؟؟؟؟؟؟؟؟؟؟؟؟ ؟؟ و الكيلاني ده مركز خدمة ولا بيبيع قطع غيار بس ؟؟؟؟؟؟؟؟؟؟؟

تابع اسئلتك.. استاذ محمد قاسم damasry رد عليك فى موضوع من المواضيع الكتير اللى سألت فيهم :)

حرد عليك هنا رد مفيهوش تفاصيل
شركة النيل الهندسية اللى سمعته انها مركز خدمة معتمد من اوماترا.. طبعا اى مركز خدمة معتمد من اوماترا مش بيخرج العربية برة الضمان..
فى مركز البرقان، و فى كام واحد كمان حتلاقى اساميهم تقريبا فى موضوع مثبت هنا فى القسم..
الكيلانى مش مركز خدمة.. قطع غيار بس

**mnomno** · 20-02-2011 08:36 PM

المشاركة الأصلية كتبت بواسطة magedfahmy2010

الى كل المساكين اللى حاجزين عربية فيات جديدة ........ لا تتعاملوا مع هذا التوكيل

التوكىل فية سم قاتل

هههههههههه حلو اوى فيس القرصان ده

**koke780** · 24-02-2011 03:01 AM

يا جماعة انا ناوية اشتري بونتو كلاسيك انشاء الله بس عندي سؤال هل العربية فيها قفل امان للأطفال ولا لأ ؟
وكنت عاوزة اعرف هي بكام دلوقتي واللقيها فين لأني مش بشوفها في معارض كتير؟يعني هل ممكن تكون في المصرية مثلا؟

**hazememam14** · 24-02-2011 07:43 AM

المشاركة الأصلية كتبت بواسطة koke780

يا جماعة انا ناوية اشتري بونتو كلاسيك ان شاء الله بس عندي سؤال هل العربية فيها قفل امان للأطفال ولا لأ ؟
وكنت عاوزة اعرف هي بكام دلوقتي واللقيها فين لأني مش بشوفها في معارض كتير؟يعني هل ممكن تكون في المصرية مثلا؟

فيها قفل أمان للأطفال ، سعرها الرسمي في الوكيل 68500 بس ممكن لو هتشتري من معرض تتكلمي في السعر مع المعرض ، فين دي بقي أفتكر إنها متوافرة عند المصرية و غيرها بس الناس اللي مجربة بتنصح ان ماحدش يتعامل مع المصرية، دوري عند المعارض اللي أسماءهم بتتكتب في إعلانات فيات في الجورنال أو روحي لأوماترا نفسها بس هيتأخرو في التسليم شوية