مشكلتى مع مركز خدمة نيسان

**gasco** · 26-01-2011 11:14 AM

مشكلتى مع مركز خدمة نيسان بالاسكندرية (مودرن موتورز) سموحة.

السيارة صنى موديل 2011 عاملة 2000 كم

يوجد على حزام الامان بلستكة سوداء (مصد للسان الذى يتم تثبيته نالجسم الثابت بجوار كرسى القيادة ) تمنع نزول اللسان للاسفل فتسهل عملية سحبه.

هذه البلستكة طارت و اتكسرت و اصبح الاسان دون تثبيت و يسقط للاسفل .

\هبت اليهم فقالوا سيتم تصويره و ارساله بال e-mail الى نيسان ايجيبت لانهم مجرد مركز خدمة لا يستطيع استبدال اى شى الا بعد موافقة التوكيل و الرد ياخذ يومين بالكتير و بقالى دلوقتى 3 اسابيع عمال اتصل و الاجابة لسه الرد مجاش.ديعو فرحتى بالعربية الجديدو ركنتها و مش عارف اعمل ايه هل اغيره على حسابى!!!!!!!!!!!!!

**HOSSAM_GABRE** · 26-01-2011 03:20 PM

الاول لازم تروح مركز الحضرة الاول لان الاتصالات مش حتنفع وممكن اخونا احمد مصطفى يساعدك برضه
وكمان فيه مركز تانى على الطريق الصحراوى فى مرغم ( الاسكندرية للتجارة )
ممكن تتعامل معاهم وتجرب النتيجة لو بتوع سموحة مش مريحينك

**Ahmed.TV** · 27-01-2011 12:46 AM

ان شاء الله خير باذن الله
معلش ممكن يكون بس فعلا مسالة وقت
وحسال لحضرتك على الموضوع ده
وحرد على حضرتك باذن الله

**fady_anis** · 27-01-2011 02:48 PM

حاجه صغيره زى دى وسهله ممكن تتعمل عند اى مركز صيانة تانى زى السبع مثلاً
ضيعت فرحتك بالعربية !!!! بلاش تكبرها اوى كده يا باشا
عجبى ...

**gasco** · 27-01-2011 03:04 PM

ياريت عندنا بالاسكندرية السبع

بالنسبة لتكبير الموضوع للاسف هو فعلا ممل لما تيجى تربط الحزام تفضل تدور عليه على الارض مش امام مستوى النظر

**Bishoy.Girgis** · 27-01-2011 03:18 PM

معلش يا جميل متقلقش حاجه بسيطه و لو بتنزل القاهرة ممكن تلاقيها في التوكيل بس انا ممكن اقولك علي حاجه مؤقت عشان متدورش علي التوكة بتاعة الحزام كتير لما تيجي تسوق
اشتري من اي مكتبة اصغر مشبك ورق و ثبته في الحزام تحت التوكة و مش هتبان علي ما التوكيل يجبلك القطعة ديه
و اي خدمة

**Ahmed.TV** · 27-01-2011 04:13 PM

بص يا باشا

مركز الخدمة اللى فى سموحة ده انا معرفهوش , ومعرفش حد فيه

وكنت فاكر انه تبع مودرن , وقالولى لما سالتهم انهم مش تبعها

وحضرتك ممكن تروح مودرن اللى فى الحضرة

وبعت لحضرتك رقم واحد هناك تروحله وهو حيقوم بالازم

وربنا يوفقك , وان شاء الله بسيطة وتتحل على خير