بخصوص انزار الصنى . وهل الحل دا مفيد

**احمد المصرى** · 23-01-2011 10:24 AM

السلام عليكم

انا كنت عايز اركب انزار للعربيه الصنى بدل الريموت بتاعها ال مش بيعمل اى حاجه غير الفتح والقفل بس وكنت عايز اركب وحده رفع زجاج كمان فرحت للراجل ال بتعامل معاه من سنين وهو ممتاز الحمد لله المهم قالى مش هينفع نركب للصنى غير وحده رفع والانزار مش هينفع

طيب الحل ايه قالى ممكن كهربائى يفصلك الفيوز بتاع الريموت الاصلى بتاع السياره وبعد ما نفصل الفيوز او نشيله ممكن نركب الانزار عادى

السؤال حاليا انتم ايه رايكم فى كلامه صح ولا غلط

والفيوز بتاع الريموت هل متوصل معاه حاجه تانيه غير الريموت يعنى لو شلت الفيوز دا هلاقى حاجه تانيه فصلت كمان ولا الفيوز دا خاص بالانزار بس

ثالثا :- الفيوز دا موجود فين اساسا

**SonaSteel** · 23-01-2011 10:51 AM

السلام عليكم
ا/أحمد كيف حالك ..... أخبار الصني معاك ايه ؟؟؟
انا بعد اذنك كنت عايز اقولك علي حاجة بالنسبة للإنذار .... مش عارف فكرتي كده صح ولا غلط
بس المهم ان الانذار اللي في الصني مش هايشتغل لا قدر الا الله لما حد بفتح الباب او الشنطة او يدور العربية بغير مفتاحها
وده اللي انا محتاجه من الانذار ..... غير اللي كان في البولو اللي كان كل 3 دقايق حد يعدي جنبها تروح مزمرة وفي الاول طبعا كنت خايف عليها
وبعين لما زهقت وكل شويه ابص عليها من البلكونة ..... روحت سايبها بقي تزمر تزمر ... ومرة فضتلي البطارية
حضرتك بقي ايه اللي محتاجه من غير انها تزمر لما حد يفتح الباب او الشنطة ..... أعتقد كده أحسن ولو حضرتك شايف وجهة نظر تانية ممكن تقولها يمكن ليها مميزات أكتر
وبصراحة مبثقش في اي حد يلعب في العربية وبذات لو مش محترف زي اللي ركبهولي في البولو ... كل شويه ارجعله تاني
ولو نويت ان شاء الله ... شوف حد كويس جدا وحتي لو اغلي حبه بس يبقي كوبس.
وبالنسبة لوحدات الرفع ... ممكن تستغل فرصة عرض مودرن ده وتركب الاتنين مع بعض
انا لو مكنتش مركب السينسور قبل كده كنت روحت عملته. الحمد لله
وفي حاجة تانية ملهاش علاقة بالموضوع... ممكن تجيب كلابش الدريكسيون ده وتركبه طول ما انت راكن العربية
يعني اهو كله أخذ بالاسباب وربنا الحفيظ ان شاء الله
ربنا يباركلك فيها ويرزقك خيرها ويكفيك شرها

**احمد المصرى** · 23-01-2011 11:06 AM

المشاركة الأصلية كتبت بواسطة sonasteel

السلام عليكم
ا/أحمد كيف حالك ..... أخبار الصني معاك ايه ؟؟؟

انا بعد اذنك كنت عايز اقولك علي حاجة بالنسبة للإنذار .... مش عارف فكرتي كده صح ولا غلط
بس المهم ان الانذار اللي في الصني مش هايشتغل لا قدر الا الله لما حد بفتح الباب او الشنطة او يدور العربية بغير مفتاحها
وده اللي انا محتاجه من الانذار ..... غير اللي كان في البولو اللي كان كل 3 دقايق حد يعدي جنبها تروح مزمرة وفي الاول طبعا كنت خايف عليها
وبعين لما زهقت وكل شويه ابص عليها من البلكونة ..... روحت سايبها بقي تزمر تزمر ... ومرة فضتلي البطارية
حضرتك بقي ايه اللي محتاجه من غير انها تزمر لما حد يفتح الباب او الشنطة ..... أعتقد كده أحسن ولو حضرتك شايف وجهة نظر تانية ممكن تقولها يمكن ليها مميزات أكتر
وبصراحة مبثقش في اي حد يلعب في العربية وبذات لو مش محترف زي اللي ركبهولي في البولو ... كل شويه ارجعله تاني
ولو نويت ان شاء الله ... شوف حد كويس جدا وحتي لو اغلي حبه بس يبقي كوبس.
وبالنسبة لوحدات الرفع ... ممكن تستغل فرصة عرض مودرن ده وتركب الاتنين مع بعض
انا لو مكنتش مركب السينسور قبل كده كنت روحت عملته. الحمد لله
وفي حاجة تانية ملهاش علاقة بالموضوع... ممكن تجيب كلابش الدريكسيون ده وتركبه طول ما انت راكن العربية
يعني اهو كله أخذ بالاسباب وربنا الحفيظ ان شاء الله
ربنا يباركلك فيها ويرزقك خيرها ويكفيك شرها

الف شكر اخى الكريم على ردك القيم

بالنسبه لانزار الصنى مشكلته معايا اولا مداه كبير جدا يعنى بكون فى الدور الثالث والعربيه بتفتح وتقفل عادى ومن وجهه نظرى ان دا غلط ثانيا انا ساكن فى 6 اكتوبر ولحد ما الانزار ال بى صوت بيكون احسن ( وطبعا فى الاول وفى الاخر الستر من عند الله بس الواحد بياخد بالاسباب )

ثالثا :- الانزار بيكون معاه 2 ريموت لو واحد باظ او حصلتله اى مشكله الثانى موجود فى الصنى الريموت الاصلى واحد بس

بس اهم حاجه ان ال يركبه يكون فاهم علشان كدا قلت اتاكد من حكايه الفيز دا ال قالى شيله وتعالى وانا اتعاملت مع الراجل دا كتير وهو الحمد لله ممتاز

**SonaSteel** · 23-01-2011 01:41 PM

المشاركة الأصلية كتبت بواسطة احمد المصرى

الف شكر اخى الكريم على ردك القيم
علي ايه بس ..... ربنا ييسرلك الخير ان شاء الله

بالنسبه لانزار الصنى مشكلته معايا اولا مداه كبير جدا يعنى بكون فى الدور الثالث والعربيه بتفتح وتقفل عادى ومن وجهه نظرى ان دا غلط ثانيا انا ساكن فى 6 اكتوبر ولحد ما الانزار ال بى صوت بيكون احسن ( وطبعا فى الاول وفى الاخر الستر من عند الله بس الواحد بياخد بالاسباب )
انا مكنتش فاكر ان ده مداه ... كنت فاكره اقل من كده
وبالعكس الانذار اللي كنت مركبه في البولو كان بيفتح ويقفل العربية وانا في الدور السابع اه والله علشان لما كانت العيال بتخبط وتجري كنت بقفله بيه
وعلي فكرة الصني في صوت انذار لو مسمعتوش .... هو هو نفس صوت الكلاكس متقطع ... وماشاء الله عليها الكلاكس بتاعها محترم .... وعالي.

ثالثا :- الانزار بيكون معاه 2 ريموت لو واحد باظ او حصلتله اى مشكله الثانى موجود فى الصنى الريموت الاصلى واحد بس
ديه فعلا كانت خنقاني الحركة ديه .... علي الاقل 2 ربيموت يعني ...الحمد لله

بس اهم حاجه ان ال يركبه يكون فاهم علشان كدا قلت اتاكد من حكايه الفيز دا ال قالى شيله وتعالى وانا اتعاملت مع الراجل دا كتير وهو الحمد لله ممتاز
ممكن تعمل زي ا/بيشوي لما ركب الفوجات في التوكيل ... اشتراها من بره وركبها في التوكيل
هي الفكرة في ايه ؟؟ .... ان الناس اللي هناك اشتغلوا في الصني خاااصة كتير وعارفين بيعملوا ايه وانت كده كده خارج من الضمان ... بس اسمك عامله هناك ولو في قطع غيار هناك هاتنفعك ونيسان اصلي هايركبوهالك وعارفين انها انضف من اللي جاية مع الانذار.
وربنا يتمهالك علي خير ان شاء الله

**Ahmed.TV** · 23-01-2011 02:30 PM

خالى باك من اللعب فى الفيوزات غلط جدا وان تم لازم يكون عند حد محترف بمعنى محترف

وبصراحة انا مش بفضل انك تعمل الحكاية دى ابدا

ومتخلهوش يفصل حاجة وخاليه يركبه زى ما بيركبوه فى التوكيل

فى التوكيل بيركبوا الانذار اللى ليه 2 ريموت وبتقفل وبتفتح منه , وكمان بيكون شغال الريموت الاصلى بتاع العربية معاه فى نفس الوقت

بلاش فصل فيوزات لان العربية فيها نظام مانع سرقة , وباللعب فى منطقة الفيوزات دى ممكن تفصل الدينا من بعض وتلغى ميزة عندك مهمة

مانع السرقة ده لو حد كسر الزجاج بتاع السيارة وجه يدور العربية العربية مش حتدور

فخالى بالك من اللعب فى منطقة الفيوزات دى , ولو حتركب حاجة ركبها حد حد يكون محترف واتعامل مع عربيات حديثة وفاهم فى المواضيع دى كويس

**احمد المصرى** · 23-01-2011 02:57 PM

المشاركة الأصلية كتبت بواسطة ahmed.tv

خالى باك من اللعب فى الفيوزات غلط جدا وان تم لازم يكون عند حد محترف بمعنى محترف

وبصراحة انا مش بفضل انك تعمل الحكاية دى ابدا

ومتخلهوش يفصل حاجة وخاليه يركبه زى ما بيركبوه فى التوكيل

فى التوكيل بيركبوا الانذار اللى ليه 2 ريموت وبتقفل وبتفتح منه , وكمان بيكون شغال الريموت الاصلى بتاع العربية معاه فى نفس الوقت

بلاش فصل فيوزات لان العربية فيها نظام مانع سرقة , وباللعب فى منطقة الفيوزات دى ممكن تفصل الدينا من بعض وتلغى ميزة عندك مهمة

مانع السرقة ده لو حد كسر الزجاج بتاع السيارة وجه يدور العربية العربية مش حتدور

فخالى بالك من اللعب فى منطقة الفيوزات دى , ولو حتركب حاجة ركبها حد حد يكون محترف واتعامل مع عربيات حديثة وفاهم فى المواضيع دى كويس

والله انت خوفتنى من موضوع الفيوزات دا

طيب ايه الحل يا باشا انا عايز اركب الانزار وفى نفس الوقت مش عايز العب فى العربيه خالص مش عايز ابوظ اى حاجه

ايه الحل يا باشا ولو ركبته فى التوكيل هيخدو كام على تركيبه وهل ينفع اساسا انى اركبه فى التوكيل بس اجيبه من بره وهل هو موجود فى التوكيل وبشتريه وبركه هناك

انا بجوارى التوكيل ال عند القريه الذكيه فى ابو رواش

**احمد المصرى** · 23-01-2011 03:24 PM

المشاركة الأصلية كتبت بواسطة peaceman

استاذ احمد المصري حضرتك انا شايف ان عربيتك بره الضمان فلو عايز تركب انذار محترم من ادريان و علي نفس ريموت العربية
انا كنت لسة متصل بيهم من يومين و قالولي ان عندهم انذار كويس جدا و بيركب علي نفس ريموت العربية و بيعمل 375 جنيه بالتركيب و معاه ضمان سنة من ادريان و التوكيل ده في مدينة نصر شارع النصر اعتقد بعد شارع مكرم عبيد و ده رقم تليفونهم ................
و علي فكرة انا ان شاء الله هركب انذار بس جوا التوكيل عشان انا في الضمان اللي قالك عليه احمد في مشاركته فوق عشان برده لو انت عايز تركب جوا التوكيل
و اي خدمة

----------------
ممنوع كتابة ارقام التليفونات

برجاء مراجعة قواعد وقوانين المنتدى

مشرف القسم
15 ب

معنى كدا ان التوكيل بيركب انزار طيب حضرتك متعرفش بكام

ال اعرفه حاليا ان فى عرض وحده رفع وسينسور ركن ب 400 جنيه تقريبا

**Ahmed.TV** · 23-01-2011 03:29 PM

انا مش بخوفك ولا حاجة
انا بس بنبه وبحظرك عشان لو حتركب بره يبقا تعمله عند فاهم وشاطر ده الحل الخارجى

وبعدين زى ما قولتلك لو عندك مانع سرقة نازل فى العربية الخوف ليكون كهربائى فاشل ويبوظ الدنيا

الانذار اللى فى التوكيل اللى معاه اتنين ريموت زيادة غير ريموت السيارة الاصلى ب550 جنيه تايوانى واللى انت عايزه بقا تشغله بخصوص الريموت سواء ريموت الانذار او تستخدم ريموت السيارة , وهو بيعمللك اللى انت حابب تستخدمه

وفى انذار تانى ب440 جنيه مش معاه ريموت , والانذار بيتكود مع ريموت السيارة الاصلى

و فى ناس كتير ركبوا انذار بره التوكيل واشتروه من محلات اكسسورات وركبوه فى العربية ومفيش مشاكل بس ركبوه عند ناس محترفة

ولو عايز تركبه فى التوكيل مصنعية تركيبه اعتقد حتدخل فى حدود 150 جنيه تقريبا

ولو حتيجبه من بره فى موديلات كتيرة ,ولو عايز تجيب الكويس منها هات التايوانى او الايطالى , ويكون حاجة محترمة

وشوف اللى يريحك

ولو حضرتك قريب من ابوراش روح وعدى عليهم حتلاقى استاذ سامر اللى ماسك الكماليات اساله على اللى انت عايزه وقوله انك النايل موتورز ومن طرف احمد مصطفى وهو حيشرحلك ويفهمك كل حاجة ولو عايز حاجة من هناك اكيد باذن الله حيقوم بالازم معاك

**احمد المصرى** · 23-01-2011 04:21 PM

ربنا يستر

الواحد بيحاول يحافظ على العربيه على قد ما بيقدر بس غريبه ان محدش قال انا مركبه فين ولا اعضاء نيسان محدش ركبه خالص فين الناس ال مركبه انزار فى عربياتها يا شباب

-

الموضوع: بخصوص انزار الصنى . وهل الحل دا مفيد

LinkBack

أدوات الموضوع

عرض

بخصوص انزار الصنى . وهل الحل دا مفيد - انشر الموضوع فى :

-

-

-

-

-

-

-

-

المواضيع المتشابهه

كلام مفيد بخصوص الزويا

تجربتى مع اول مشكلة فى الصنى وتم الحل الحمد لله

استفسار بخصوص الصنى

بخصوص شكل الصنى الجديد

سؤال بخصوص انزار الالنترا

الكلمات الدلالية لهذا الموضوع

المفضلات

المفضلات

ضوابط المشاركة