مصر النهارده - تحذير الموضوع قد يسبب اغمائات او هلاوس سمعيه و بصريه

**human** · 26-01-2011 01:12 PM

تحذير هام:
الحد الاقصى المتعارف عليه دوليا لسماع تامر امين هو خمسه دقائق
اكتر من كده ممكن يأثر على قواك العقليه و تبتدى تشوف هلاوس سمعيه و بصريه تخليك تشوف الحمار تقول اخويا
لو هتكتر انصح ب بروزاك او اى مضاد للاكتئاب و الراحه لمده يومين مع عدم مشاهده التليفزيون الحكومى او برامج التوك شو فى قنوات مصريه او الجرائد القوميه

اللى بيقرا الاهرام و الاخبار او الحمهوريه يرجى عدم المشاهده عشان ماينفعش الاتنين يبقى جرايد و كمان تامر امين ممكن يعملوا قافله و يأثروا على العقل البشرى و يحولوك لانسان انوى اولى

YouTube - ‫ظ…طµط± ط§ظ„ظ†ظ‡ط§ط±ط¯ط© ظ…ظ‚ط¯ظ…ط© ط§ظ„ط.ظ„ظ‚ط© 25-1-2011 2/3‬&lrm;

**احمد المصرى** · 26-01-2011 01:29 PM

دول اعوان الحكومه يا باشا ودا فرد من الحرس الحكومى لا اكثر

**alaasaid** · 26-01-2011 01:39 PM

أمبارح مستحملش اشوف خيرى رمضان و تامر أمين أكتر من 3 دقايق , قمة فى الكذب و النفاق و نازلين شتيمة فى الجزيرة كأن الجزيرة هى سبب المظاهرات مش الظلم و الفساد و المحسوبية و الرشوة و غيرة من البلاوى , ربنا يرحمنا برحمته

**aboalm** · 26-01-2011 01:43 PM

من الاخر علشان تبقوا كلكم فاهمين بس برنامج مصر النهارده ده من إعداد المخابرات المصريه بدون مبالغه نهائى و الكلام من مصدر موثوق فيه فعلا

**human** · 26-01-2011 01:44 PM

المشاركة الأصلية كتبت بواسطة alaasaid

أمبارح مستحملش اشوف خيرى رمضان و تامر أمين أكتر من 3 دقايق , قمة فى الكذب و النفاق و نازلين شتيمة فى الجزيرة كأن الجزيرة هى سبب المظاهرات مش الظلم و الفساد و المحسوبية و الرشوة و غيرة من البلاوى , ربنا يرحمنا برحمته

بيقولوا الاخوان السبب فى التعديات!!
و شوف وشهم اصلا و هما متأففين

و ازاى بيتكلموا اكنهم عارفين حقائق الكون و هما اصلا جهله ولا يسووا

سبحان الله اكيد فيه حكمه ان ناس زى ديه تبقى موجوده فى الدنيا

**aif** · 26-01-2011 01:45 PM

يا جماعة ده طبيعي
زي ما فيه ملايين من مصلحتها التغيير
فيه آلاف مستفيدين ومن مصلحتهم بقاء الحال كما هو عليه
ودول بقى لما بيقعوا بيبقو في اول طابور كباش الفداء
شوفتو بن على اول ما ضحى ضحى بمين ...... بأعوانه المنافقين الفاسدين .... لكن بعد فوات الاوان .....
وكل حبايبه دلوقت في السجون

{قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ }آل عمران26