الموضوع: استطلاع .. هل توافق على المظاهرات ؟ اذن لماذا لم تشارك؟

4-غير مؤيد و غير معارض
أولاً : خايف أشارك و بعد ما يحصل تغيير أندم إن شاركت فيه..و أكتشف إن احنا غيرنا أحمد بالحاج أحمد

ثانياً: لأن مش شايف قائد مناسب لمصر بعد الرئيس مبارك و حتى الرئيس مبارك نفسه مش مناسب
مفيش ولا واحد فيهم برنامجه أول حاجة فيه..تطبيق شريعة الله كما أنزلت
ده معظمهم لابس دبلة دهب في ايده..يعني مش مقتنع إن الدهب للرجال حرام..هيقتنع إن أقطع يد السارق و أرجم الزاني
مفيش حد هدفه الإسلام بصفة عامة..و اسألوا الطلبة الافريقين في جامعة الأزهر عن حال الاسلام في بلادهم

أنا عن نفسي مش هنزل إلا إذا لقيت الشخص اللي ينطبق عليه قول الله تعالى: الَّذِينَ إِنْ مَكَّنَّاهُمْ فِي الأَرْضِ أَقَامُوا الصَّلاةَ وَآتَوْا الزَّكَاةَ وَأَمَرُوا بِالْمَعْرُوفِ وَنَهَوْا عَنْ الْمُنْكَرِ وَلِلَّهِ عَاقِبَةُ الأُمُورِ (41)الحج

أخيراً:انا مش ضد اللي بيحصل و بتابع..لكن كنت أتمنى إن المظاهرات تظل سلمية كما كانت يوم25 و لا يصاب أحد سواء من المتظاهرين أو الأمن.

جزاكم الله خيراً

المشاركة الأصلية كتبت بواسطة ahmed4000

لو الاحزاب والاخوان نزلوا المظاهرات يبقى مبروك للنظام...لان دول كلهم بيجروا وراء مصلحتهم والنظام شاطر اوى فى التفاوض معاهم وحيسكتهم فى الاخر زى كل مرة

و ايه المشكله انهم يجروا ورا مصلحتهم؟؟؟

و ايه هيه مصلحتهم :)

مُقتنع وشاركت الحمد لله أول أمبارح من 1 الظهر لحد 5 الفجر وشاركت أمبارح ، والنهرده هروح أشوف واحد زميلي هيتعرض على النيابة وهشارك بكرة بإذن الله

وانا كنت فى التحرير وشبرا والخلفاوي ، وبجد والله كانت مظاهرة شعبية مش أستغلال من حد ، في زمايلي إخوان كانوا معانا ووالله محدش فيهم هتف شعارات خاصة ، الكل واحد والله ، حتى الرموز الوطنية كانت زي الناس العادية ، ووالله كان أبطال المظاهرة هم الشباب

مؤيد بس مشاركتش لانى عندى امتحانات :(

المشاركة الأصلية كتبت بواسطة human12

و ايه المشكله انهم يجروا ورا مصلحتهم؟؟؟

و ايه هيه مصلحتهم :)

علشان مصلحتهم ملهاش علاقة باللى حضرتك نازل الشارع علشانه
انت لو ادتلهم كام كرسى زيادة او اى امتيازات اخرى حيبيعوك ويفضل الوضع زى مهو مفيش مشكلة

المشاركة الأصلية كتبت بواسطة ahmed4000

علشان مصلحتهم ملهاش علاقة باللى حضرتك نازل الشارع علشانه
انت لو ادتلهم كام كرسى زيادة او اى امتيازات اخرى حيبيعوك ويفضل الوضع زى مهو مفيش مشكلة

ده كان هايحصل في تونس فعلا و لكن الشعب رفض
الشعب اللي يقول كلمته مرة يقدر يقولها كل مرة

امال العالم الحر اللى فيه برلمان حر ليه مش بيقولوا فيه كده؟
ليه فيه برلمان ليه تيارات كتير جدا مختلفه و كلهم بيتخانقوا و يتنافسوا ؟؟؟

الكلام ده لما ييجى مصر بنقول لا مش عايزين ناس و احزاب و الناس ديه ليهم اطماع فى الحكم

ما يبقى ليهم اطماع فى الحكم

انا عايز فى مصر قانون و اسلوب تداول للسلطه و عايز اليه لمراقبه الانتخابات بحريه و نزاهه

بعد كده مايهمنيش مين يحكم مصر ولا مين بيتخانق عليها

و بعدين الشعب عمره ما هيوافق كله على واحد


اختلف معك و مع عزيزى تيلر فى الكلام

عشان المفروض لو عايزين ديمقراطيه و تداول للسلطه اننا نقدر نتعامل مع جميع التيارات حتى لو مخالفه و يبقى عندنا وعي اننا نفهم ان كل واحد عايز يفيد البلد بطريقته من غير مزايده على الاخر
و لو حد مش كويس اهو اتعرف و يسقط فى الانتخابات التشريعيه

انا مش بدور على اشخاص اكتر ما بدور على اسلوب للحياه صحى يقدر يفرز ناس تقود البلد