الموضوع: استطلاع .. هل توافق على المظاهرات ؟ اذن لماذا لم تشارك؟

المشاركة الأصلية كتبت بواسطة نور القمر

بتجاذب اطراف الحديث مع بعض الافراد من عائلتي وجدت البعض غير مؤيد لفكرة المظاهرات من الاساس
وهذه بعض اسبابهم
1 انها تثير الفوضى بالبلاد
الفوضة نار تاكل الحكومة و تتحول لرماد بعد كدة - عاصفة و هتهدى لما تاكل اللى قامت عشانه - شر لا بد منه
2 انها غير مجدية ولن تغير شيء للافضل

مغيرتش فى تونس ؟؟ مغيرتش فى مصر نفسها قبل كدة ؟؟

3 لابد من التخطيط الجيد اولا وتحديد الاهداف منها

و مين هيسيبك تخطط ؟ و تونس خططت ؟؟؟

4 انها اذا فرضنا تسببت في اقالة الحكومة والرئيس فمن سياتي بعده

اى حد مش فارقة هيخربها عن كدة ايه ؟؟ و اللى يقدر يشيل اللى قعد 30 سنة مش هيقدر يشيل اللى مكملش سنة ؟؟

5 هل تضمن من سيأتي بعده

لا
بس اضمن الشعب اللى هيجى بعد شعب النايميين السابق
والكثير من الاسباب الاخرى
ارى ان هؤلاء على الاقل لديهم قناعاتهم الشخصية بعدم جدوى المظاهرات لذلك لم يشتركوا بها
اما المؤيدون لماذا لم يشاركوا
الاستطلاع
1 مؤيد واشتركت بالفعل
2 مؤيد ولم استطع المشاركة لاسباب خارجة عن ارادتي مثال(المنع من قبل الامن)
3 مؤيد واشارك وجدانيا من خلال الانترنت ......
4 غير مؤيد

مؤيد و شاركت امبارح من الساعة 3 لحد الساعة 5 الفجر و نزلت انهاردة بس فشلت
و هنزل بكرة و هنزل بعده ان شاء الله

واذا سالتينى الثورة هتنجح ولا هتفشل هقولك هتفشل دلوقتى بس هتبقى سبب لنجاح تانى كبييييييير ان شاء الله

المشاركة الأصلية كتبت بواسطة ahmed_halim197

انا بالمناسبة مش ضد المظاهرات عامة و لكن ضد اللى بيحصل فى مصر يعنى المظاهرات لازم تكون سلمية
انا عندى بس نقطة اعتراض و هى حالات التخريب و تكسير الممتلكات اللى بتحصل
كمان الناس لازم تفتكر ان ظباط و عساكر الشرطة دول ممكن يكون حد منهم اخويا او اخوك
و بعدين الظروف فى تونس غير مصر
نعم للمظاهرات السلمية--------لا للمظاهرات التخريبية

كلنا كدة هو فى حد مش كدة ؟؟ !!!!
و مين قال انها تخريبية دى سلمية و اسال اللى نزلوا

وزنى كبر عن زمان و ماليش فى الجرى و بقع لوحدى
يعنى هدف سهل جدا
ده اولا
و مش ده اللى منعنى اللى منعنى والدى عمل دور لا ابنى ولا اعرفك و هموت لو نزلت و مراتى شرحه وماما حلفت ماخش البيت
اشعر بالعار لوجودى بالمنزل بس اكيد هنزل

غير ان والدى بكره هيعمل عمليه الصبح
لو اطمنت عليه ان شاء الله احتمال اشوف لو هيعملوا حاجه للبرادعى هروح استقبله رغم اختلافى الشديد على اداءه و لكنى ارى انه الاجدر لقياده الفتره القادمه

مؤيد و لم اشارك لظروف امتحاناتي و منع والدي لي
بس هشارك ان شاء الله الايام القادمة

مؤيد ولم استطع المشاركة لأني خارج مصر.