كاسيت اوبترا 2011

**Dr_ahmedrady** · 27-01-2011 05:54 PM

سؤال بخصوص كاسيت اوبترا 2011 الجديد :
هل هو هو بتاع الافيو الفول اوبشن ?
و هل بيشغل اسطوانات اوديو بس ولا بيشغل كمان اسطوانات الداتا الام بي ثري ?

الرجاء الرد يا اصحاب الاوبترا 2011

سؤال اخر بخصوص الاوبترا
هل الحصول علي كتالوج السيارة امر سهل اذا لم يديهوني معرض السيارات اللي اشتريت منه ?
هل شهادة الضمان بتتأخر كتير بعد ماديهم صوره ترخيص السيارة ?

دي الاسئله اللي ف دماغي حاليا وانتظرو مني تقرير مفصل بالصور عن اوبترا 2011 الجديدة

الرجاء الرد

**M.Yahia** · 27-01-2011 07:36 PM

ربنا يباركلك فى اى عربية حتجبها سواء اوبترا او صنى عمتا الاوبترا 2011 الكاسيت فيها بيشغل mp3 و الضمان و الكتالوج انا اخدتهم من منصور مع استلام العربية و لو مستلمتهمش مع الاستلام بعد كدا ممكن بصورة الرخصة تستلمهم من فرع منصور الرئيسى و بالتوفيق

**Dr_ahmedrady** · 27-01-2011 11:07 PM

فرع منصور الرئيسي ده قصدك اللي ف القاهره , ولا قصدك من اي توكيل لمنصور ف اي مكان.

اصل انا ف قنا , و جبت العربية من موزع معتمد برغم انه جمبي التوكيل نفسه لان المعرض اداني سعر احسن بكتير ,
فانا دلوقتي قلقان لو الموزع جابلي حاجه ناقصة هل هقدر اجبهم بعد كده براحتي من التوكيل نفسه و لا هيقولي مليش دعوة?

**elsa3ody** · 29-01-2011 12:33 PM

الكاتلوج هتخده مع شهاده الضمان بعد ماتخد العربيه باسبوع تقريبا دا اللى حصل معايا انا كنت جايب العربيه من معرض اسمه فرست كار فى المهندسين بس حاول انك متسبهوش هاتو عشان بينفع جدا خصوصا ان العربيه فى حاجات غير الموديل اللى فات والف مبروك يا باشا وربنا يباركلك فيها

**ahmedaglan** · 02-02-2011 11:53 AM

المشاركة الأصلية كتبت بواسطة Dr_ahmedrady

سؤال بخصوص كاسيت اوبترا 2011 الجديد :
هل هو هو بتاع الافيو الفول اوبشن ?
و هل بيشغل اسطوانات اوديو بس ولا بيشغل كمان اسطوانات الداتا الام بي ثري ?

الرجاء الرد يا اصحاب الاوبترا 2011

سؤال اخر بخصوص الاوبترا
هل الحصول علي كتالوج السيارة امر سهل اذا لم يديهوني معرض السيارات اللي اشتريت منه ?
هل شهادة الضمان بتتأخر كتير بعد ماديهم صوره ترخيص السيارة ?

دي الاسئله اللي ف دماغي حاليا وانتظرو مني تقرير مفصل بالصور عن اوبترا 2011 الجديدة

الرجاء الرد

انا عن نفسي استلمت الكاتلوج والضمان بعد 10 ايام وهما اتصلو بية وقلولي تعالي استلم الحاجة ودة كان من عند ياسين وهما ناس محترمين جدا وعرفين شغلهم

**Dr_ahmedrady** · 03-02-2011 04:49 PM

يا اخوانا الاحداث دي هل هتأثر علي اسعار السيارات . انا حاجز و دافع مقدم وبقالي اسبوعين حالي واقف و مستني .

خايف لما المية ترجع لمجاريها الراجل يقولي( غليت يا باشا) و يوريني سنانه اوي من فرحته فيا

حد يقولي اعمل إيه ساعتها ??

**telsharkawi** · 23-02-2011 03:47 AM

انا عندي سؤال يا اخواني الاعزاء

ايه الجديد في اوبترا موديل 2011 عن الي في 2010

**mhmdalsaadany** · 23-02-2011 02:55 PM

لحد دلوقتي المختلف الكلاكس والكاسيت والله اعلم بالباقي طبعا ممكن الاخوه اللى معاهم العربيه يفيدوك اكتر وطبعا الضمان بقى 100000 كم وبالتوفيق وبالنسبه للضمان احنا كلنا جبناه بالرخصه من الفرع الرئيسي في جامعه الدول بس دا عشان احنا من القاهره اما المحافظات انا عن نفسي معرفش بس اكيد بيبعتوه مش معقول تنزل تجيبه من مصر والاستلام وانت واقف مخدش اكتر من دقيقه

**telsharkawi** · 23-02-2011 03:13 PM

شكرا جزيلا للرد و منتظر الاخوه، و لي سؤال اخير منين ممكن اشتري كاش و اخد تخفيض كويس

**ahmedaglan** · 24-02-2011 11:35 AM

المشاركة الأصلية كتبت بواسطة telsharkawi

انا عندي سؤال يا اخواني الاعزاء

ايه الجديد في اوبترا موديل 2011 عن الي في 2010

زى ما أخونا المحترم محمد السعدنى مقال لحضرتك ان الي فرق 2011عن 2010
اولا الكاسيت بقي سي دى وكاسيت
ثانيا الكلاكس بقي كلاكس الكروز
ثالثا الجنوط بقت 15 انش بدل من 14 انش مع تغيير شكل الطاسات
رابعا الضمان بقي 100000 بدل 60000