الله اكبر بدو سيناء يطلقون 3 قذائف ''آر بي جى'' على قسم شرطة الشيخ زويد

**mahfouz1983** · 27-01-2011 09:21 PM

في تصاعد غير مسبوق للاحتجاجات البدوية الجارية ضد قوات الشرطة بمدينة الشيخ زويد قد قام البدو المسلحين بإطلاق قذيفة ''آر بي جى'' استهدفوا بها مبنى قسم شرطة مدينة الشيخ زويد بشمال سيناء.

كما قام البدو المسلحون باعتلاء البنايات العالية المجاورة لمقر قسم شطة الشيخ زويد وصوبوا عشرات الأسلحة الآلية باتجاه مقر القسم، مطلقين وابلا من الرصاص دون مقاومة تذكر حتى الان خلال الساعات الاخيرة من رجال الأمن داخل القسم.

وأصيب خلال الاشتباكات مع الشرطة أحدى البدو المسلحين ويدعى أحمد عبدالرحمن السكادرة (21 سنة) بطلق ناري في الكلى اليمنى.

وتشير مصادر بدوية إلى أن مجموعات البدو المسلحة لديها نوايا بالاستيلاء على مقر القسم كنوع من الضغط للاستجابة لمطالبهم بالقوة وهي إسقاط آلاف الأحكام الغيابية الصادرة ضدهم بما فيها أحكام بقضايا المخدرات ومقاومة السلطات والسلاح والتهريب.

كما تزداد الأوضاع خطورة بالتعبئة الشعبية للمشاركة في المظاهرات التي ستنطلق غداً عقب صلاة الجمعة بمدينة العريش، وسط تنبؤات بحدوث انفلات أمني غير مسبوق بالمدينة، وهو الأمر الذي يعكف على تحديد مصيره الآن كبار عائلات مدينة العريش التي بدأت بمناشدة أبنائها بعدم إثارة الفوضى غدا بمدينة العريش حتى لا يفاجئ مواطني المدينة بعناصر عديدة تحمل السلاح داخل المدينة.

**د_محمد مدبولي** · 27-01-2011 09:26 PM

رغم رغبتنا في التغيير
لكن مش عن طريق العنف ده ......... مش عايزين الامور تخرج عن نطاقها

**E30power** · 27-01-2011 09:28 PM

والله الناس دية من الاخاااار هههههههههه عجبتنى اووى انهم يستولو على القسم دية

**3ateef** · 27-01-2011 09:32 PM

الله اكبر

!!!!!!!!!!!!!!!!!!!!!!!!!!!!!!!!!

**Everlasting** · 27-01-2011 09:40 PM

للاسف فرحان فيهم ... ويستاهلوا.

**kalmah** · 27-01-2011 10:05 PM

الله اكبر بدو سيناء يطلقون 3 قذائف ''آر بي جى'' على قسم شرطة الشيخ زويد!!!!!!!!!!!!!!!!!!!!!!!!!!!!!

هوا حضرتك القذائف دي اضربت علي تل ابيب !!!؟

دي مضروبة علي اخواتك و اخواتي و لله اعلم اة الوضوع هناك و انتا عارف الاشاعات الي طلعة كل شوية

ماممكن يكون في مجرم ولا حد خر في القسم و البدو عايزين يطلعوة وهما مالهومش علاقة بالمظاهرات
هوا الحقد خلاص عمي الناس كلها !!!!!!

انا مع المظاهرات السلمية حتي لو الطرف الاخر استعمل القوة
سؤالين صغيرين

1-بعد ما مبارك مايقع اية اللي هايحصل؟ فكر فيها هتلاقي ان الوضوع هيبقيء اسوء بكتير انا كنت افضل ان المظاهرات دة ططلع لما يكون البديل جاهز كنوع من الدعم لية عشان ميحصلش فوضي

2- في الاخر الناس الكبيرة سواء البرادعي ولا ايمن نور ولا الاخوان هما اللي هيتفيدوا من دم الناس الغلابة سواء متظاهرين او عساكر ماتوا و اتصبوا في العك اللي حصل

**م. حاتم السباعي** · 27-01-2011 10:17 PM

و الله انا مستغرب من العنوان
سيدي الفاضل لو ان لك اخ مجند حدفه قدره ان يكون في هذه النقطة
هل كنت تتمني ان تكتب هذا العنوان المثير
هل نعتبر من العنوان ان اي هجوم سيتم في محافظات مصر علي الاقسام و المديريات معناه ان ذلك شئ جميل و مناسب
اخي الفاضل ارجو ان نحترس من خطر الهمجية
حضرتك لا تعلم ان هناك مما اطلقو (( الار بي جي )) هم انفسهم من يدخلون المخدرات و التهريب و خلافه
ارجو ان نحترس من الهمجية و من التقليب

م.حاتم السباعي

**Everlasting** · 27-01-2011 10:34 PM

براحة على الراجل ... أظن اللى وصله ووصل ناس كتير لكده هو العنف المبالغ فيه من قبل الشرطة المصرية ضد المتظاهريين .. انت شوفت بنفسك فيديوهات بتصور التعامل الوحشي واللا انساني مع المتظاهرين ... ودا يخلي اي حد مهما كان يكره الشرطة المصرية ويستحيل يتعاطف معاها ... كفاية اللى عملوه وبيعملوه فينا .. مش هما دول بردو اللى قتلو خالد سعيد واللى عذبوا الشاب السلفي حتى الموت .. نسيتوا ازاي بيتعاملو مع المواطنين المصريين في الاقسام وحتى في المرور ... الداخلية هيا اللى وصلتنا لكده هي اللى تسببت في تشويه صورة الشرطة المصرية ... تفتكروا ليه بنحب ضباط الجيش وبنكره ضباط الشرطة؟؟!!!!!!!!!!!!!

**Tarek Gen 2** · 27-01-2011 10:40 PM

حقيقة الامر فى رأيى
ان البدو ولائه الاول لنفسه ثانيا لمصدر رزقه و الكل عارفه
اللى بيحصل ده خطر و غباء و هبل
و حدود الدولة مش مكان لده لازم الجيش يديهم فوق دماغهم
دول مش شباب دول بدو دول مش بنات دول بدو دول شيوخ و قبائل و عرف يسودهم وليس قانون
دول محتاجين ردع حالا