الموضوع: بعد خطاب الرئيس مبارك

يا جماعة انا مش مصري الاول بس عايش في مصر وعشت كل يوم من ايام 25/1
وخصوصا كل حاجة اتغيرت من يوم السبت اشاعات عن حرق البنوك والسوبرماركات الكبيرة
الناس كلها نزلت واول مرة تلاقي الناس كلها شايلة كل حاجة تتخيلها
حاجة جديدة على الكل ... كله نازل يحمي بيته وشارعه ما حدش بينام
والسفارة كلمتنا واللي عايز يسافر ممكن يسافر وببلاش كمان بس احنا ما ارضيناش

كفايييييية يا ناس نعمة الأمان اللي كانت في مصر
والراجل بعد الكلام اللي قاله امبارح كله عيط
هوا الوحيد اللي يعرف البلد دي وبعد كده هوا راجل راجل راجل
كان ممكن يهرب زي ما عمل الكتير ويسيب البلد ويسبها تخرب ونعد عالموال ده شهر شهرين سنة
هوا حيعد يزبط البلد ويرجعها في 9 شهوور دول وخلاص على كده

وصدقوني بعد كده الناس حتقول اللي يرحم ايام مبارك
وشوفوا الوضع في تونس ام 8 مليون بيحصل فيها ايه دلوقتي ...

ان شاء الله مصر حتتغير جامد وحتبقى احسن من الاول
واحسن حاجة حصلت في الايام دي هيا معرفة كل الناس اللي الواحد ما كنش بشوفهم خالص وقعد معاهم ايام من احلى الايام

ألا نعلم جميعنا ما كان من الشرطة ومحاولة الفساد والسرقة والنهب بعد أن أصدروا لهم القرار بالإنسحاب وإشاعة الفوضى..فالتسقط الداخلية وما تحميها من أنظمة....من الذى فتح للمسجلين خطر السجون وزودهم باالأسلحة والملابس المدنية...كفانا خداع وكلام الحزب المعسول ...

مؤيد كلامك تماما يا محمد

الله يفتح عليك

ياريت مانمشيش ورا كلام التوانسة اللى لحد دلوقتى مش عارفين بختاروا وزراء رغم مرور اكتر من شهر على الثورة و البلد فى النازل عندهم

المشاركة الأصلية كتبت بواسطة moh.abdelbaset

ليه التشائم ده
و لا حضرتك اطلعت على الغيب و احنا مش عارفين
----------------------------------
الأمن يا ناس..الأمن ..الأمن..الأمن..عايزين نحس بالأمن

بس كده هيا نعمة الامان بس
الواحد ما كنش يعرف ينام الايام اللي فاتت تقعد اكتر من 15 و 20 ساعة ولما تطلع عشان تنام ساعتين ولا تلاتة
مش عارف الناس يجيلها تهيأاات ولا ايه يقعدوا يخبطوا على العمدان ويضربوا النار والناس كلها تنزل تاني

احنا امتى كنا بنعمل كده والناس كلها خايفة كده