:bravo: :bravo::bravo::bravo:
أحسن حل إن مبارك يخلص فترة رئاسته ...
لو مشى دلوقتى ... صباح عدم الإستقرار و مصايب هتحصل تانى ...
و الراجل مش هيقدر مايمشيش ... ده بيان رسمى من رئاسة الجمهورية ..
ة هيمشى فى وقت 8 شهور .. مش هيلحق الموضوع يبرد .
ليه الجنه !!!!!!!!!
قسوة المصريين!!!!!!!!!!!!!!!!!!!!!!!!!!!!
الخطاب كله تهديد ووعيد
بإختصار يا انا والأمان يا اما الفوضى
بالسرعه دي الشعب عايز ينسى شهداء المتظاهرين
وترويع الآمنين في بيوتهم
البلطجيه لسه منتشرين في كل مكان
ولسه بيمسكوا منهم كل يوم عندنا في المنيل
ايه الضامن انه ينفذ كلامه في الخطاب
قولولي ضمان واحد
والله يا جماعة لسة حالا قافل مكالمة مع معارف ليا من العراق عايشين في مصر .. قالوا بالحرف كدا " نصيحة نصيحة نصيحة .. اوعوا اللي حصل في العراق يحصل في مصر "
انا نفسي اعرف الناس اللي بتولع الدنيا دي و الجروبات اللي بتسخن الجو .. حرام بقى كفاية كدا .. احنا عيشنا ايام سودا .. اللي اتسرق و اللي محلة اتحرق و اتخرب دا كلة بسببكم .. كل المطالب بتاعتنا هتتعمل ... انتوا شفتوا وزير الداخلية بيتكلم ازاي دلوقتي .. يا جماعة ميدان التحرير مش هيتحرك من مكانة ولا حاجة .. الجروب اللي عامل ورقة و باينة اوي انها فوتوشوب و التاني اللي بيقول جمعة غضب تانية .. حرام عليكم بقى .. احنا كنا بنبات صاحيين في الشارع عشان نحمي نفسنا .. انتوا عايزين اية بالظبط
بالله عليك ما تحرقش دمي زيادة
صهاينة مين و بدنجان مين ؟؟؟؟؟؟؟؟؟؟
واضح اننا اصبنا بال Stockholm syndrome و هو تعاطف ضحية الخطف مع الخاطفين !!!!!!!!!!!!!!!!!!!!!!!!
بن على فلوسه اتجمدت
مطلوب فى الانتربول
مستنداته اتفتحت
ورقه اتسرب
لاجئ سياسي
هيتحاكم
تفتكر مين حاكم دكر يرضى انه يتنحى عن الحكم؟؟
خطاب الريس
مفيهوش سيرة عن قانون الطوارئ اللى فى ايد عيال عندها 20 سنة و حاطط نجمة على كتفه
مفيهوش سيرة عن المادة 88 بتاعة الاشراف القضائى يعنى اللى هيقغد على الصناديق موظفين ب 50 جنيه يسودلك الصندوق
كل كلامه عن ناس مندسين مع الشعب خربت عن ان المظاهرات خربت عن ان الناس خربت
لكن الشرطة لا - مفيش غلطة من الحكومة - مشيوا بكل ديموقراطية يوم 25 - يا سلاااااااااااااام والضرب اللى اتضربته و المية اللى اترشيت بيها وانا بصلى و الغاز اللى اضربت بيه من 8 بليل لحد 5 الصبح ده كان ايه ؟؟ الحكومة بتهزر معايا
قال لم اكن انوى ان اترشح و لما الناس سالته قبل كدة مقالش كدة ليه
و لما هو كدة اتعمله حملة انتخابية جديدة بصور جديدة و عشان تطمن على مستقبل اولادك ليه ؟؟
ولما هو ناوى كدة معدلش الدستور عشان اللى جى بعده ليه
فى ظل الدستور الحالى ده ولا البرادعى ولا ايمن نور ولا عمرو موسى ولا كمال الجنزورى يقدر يرشح نفسه
فى خطابه لم يلمح لمحاكمة العادلى على موت 300 واحد و فقد 500 و جرح 3000 ؟؟ و استخدام الرصاص الحى
حى ؟؟ يا نهار ابيض !! ليه احنا كفرة ؟
فى خطابه قال شائت الاقدار ان اكون رئيس لمصر 30 عاما
لا والنبى لا يا راجل قال انتا مش عايزنا بس الاقدار هى اللى عملت كدة
فى تكليفه للوزراء شال 9 بس !! م ن اكتر من 20 واحد ده اسمه تشكيل وزارة و حكومة جديدة
ازاااااااااااى
انا احارب البطالة و ساب وزيرة القوة العاملة اللى معاها اعدادية و باست ايد ميراته
انس الفقى اكبر (------) فى الدنيا و اكبر كداااااااااااب و القنوات المصرية تشهد اللى مجبتش مشهد واحد من اللى حصل قبل كدة
مثلا من الشرطة تجاه المتظاهرين
احمد ابو الغيط اللى ميعرفش ينطق كلمتين واللى المصريين فى عهده بيتمسح بكرامة اللى جايبينه الارض برة واللى السفرات المصرية برة فى عهده مالهاش اى دور
بطرس غالى يطلع يقول انه رفض الانضمام للحكومة الجديدة على اساس اننا ماسكيييييييييين فيه !!
احمد زكى بدر لسة موجود !! على اساس ايه
بدل ما يحل المجلس اللى طلع قال عليه قبل كدة انه شرعى و ان اللى بيقول عليه مزور ده هو اللى بيكدب و يتمنى الخراب لمصر
497 عضو وطنى و ميبقاش مزور طب بعد الثورة و اثبات الناس انها مش عايزة خلقتهم و كسرت مقارتهم يبقى ايه يا ريس ؟؟
يطلع بدل ما يحلو يقول هنبص فى احكام المحكمة اللى هتاخدلها سنين بقى
حد يقدر يضمن المجلس الجديد اللى هيبقى من غير اشراف قضائى ؟؟
حد يقدر ان المجلس ده ميبايعش الريس لفترة جديدة زى ما حصل فى تالت ولاية ليه؟؟
حد يقدر يضمن ان صوته هيروح للى عايزى فى ظل عدم وجود اشراف قضائى
حد حقق فى كلام العادلى اللى وجه فيه حادث الكنيسة لناس معملتش حاجة ؟؟ و اتطرمخت
اللى بيقول ان البرادعى و جروب خالد سعيد مدفوعين من اسرائيل و امريكا اقولوهم كلمة واحدة بس
اسرائيل و امريكا عمرهم ما هيلاقوا ضفر مبارك تانى
ضفر واحد بيصدر الغاز لاسرائيل و نستورده احنا و الناس تمشى كيلوهات عشان تجيب انبوبة متلاقيش !!
ضفر واحد بيسبهم داخلين خارجين فى طابا و سينا و الوحيد فى افرقيا اللى بيستقبل وزرائها و حكومتها فى مصر !!
ضفر واحد راح المانيا و فرنسا اكتر ما راح الفيوم و اسكندرية
ضفر واحد دفع مليارات فى توشكى و المحصلة صفر و حسك عينك تجيب سيرتها فى حاجة
حد يقدر يضمن حاجة فى ظل نفوذ و وجود ( فتحى سرور - صفوت الشريف - زكريا عزمى) ؟
ده فيلم هندى منه يا جماعة والله فيلم و الايام بيننا
الراجل ده قال كلمة معبرة جدا...سؤال واحد لكل اللي بيقول ان مبارك كويس وخليه يكمل وهيسيب بعد كام شهر ومين تاني غير...للدرجة دي احنا قاصرين...يعني بقالنا 9 ايام في مظاهرات وشد عصبي وشهداء...ده الشعب مشي البلد يا جماعة لوحده من غير حكومة
انتوا بتنسوا بسرعة اوي
السؤال بقي...اذا كان فعلا مبارك مات قبل المظاهرات او بعد المظاهرات كنا هنموت وراه بما ان مفيش واحد نعرفه يبقي رئيس.........!
بطريقة كلام الناس اللي بتؤيد مبارك يبقي لازم نموت وراه