المشاركة الأصلية كتبت بواسطة AHMED1718
كلامك معناه انه مفيش أمل
الامل موجود فى مرحلة ما بعد مبارك
وحرام تظلم رئيسك بكلامك ده الراجل ليه مساوىء كتير بس هوا مش عميل لامريكا ولا اسرائيل
انا برئ من رئاسته دى ثانيا امال عميل لمين ؟؟ للشعب المصرى و مصلحته ؟
وبعدين انتا اتكلمت على تصدير الغاز لاسرائيل ومتكلمتش على واحد زى احمد عز اللى بيصدر الحديد اللازم لبناء الجدار العازل
احمد عز انتيم ابنه و رئيس لجنة السياسات بالحزب اللى حسنى رئيسه
شلة بيض فى سلة واحدة و الجدار العازل ده حسنى اللى بيبنيه
احنا عملنا وقفة لتلبية طلباتنا
الراجل بدأ ياخد خطوات ايجابية
بص يا سيدى الفاضل
انا لية مثلا 10 طلبات فيهم اولوية و اهمية مثلا 3 مهمين جدا و اساسيين و 7 فرعيين و اقل اهمية
لو انت حققتلى السبعة انا مش هحس بحاجة !! ولا هحس انك عملتلى حاجة
فين ايقاف قانون الطوارئ فى بلد مبتحاربش !!
فين تعديل مادة 88 !!
فين تغير حكومة فى تغير 9 وزرات من 24 وزارة !!
فين فتح التحقيق فى انسحاب الشرطو و هروب المساجين و تدمير المحلات و قتل و سحل المتظاهرين ؟؟
فين محاكمة العادلى !!
انا شايف ان الوزراء اللى بدأ ف تعينهم هم اكتر ناس تستحق تبقا ف المكان ده
وكانوا فين قبل كدة ؟؟ لما هما جامدين اوى كدة متحطوش من الاول ليه ؟ وانا مشفتش حاجة منهم عشان لا ازم ولا اشكر فيهم و مش هشوف طول ما هو موجود
واحد زى عميد القصر العينى لما يبقا وزير الصحة ده اكتر واحد يستحق المكان ده
واحد زى عمر سليمان الراجل ده مختلفش عليه اتنين الناس رافضة لمجرد انه اختيار مبارك
و ده سبب وجيه و الدليل انه فى غياب مبارك الناس هتلتف حواليه ممكن
احمد شفيق الراجل ملحقش يعمل حاجة علشان يبقا مرفوض
مش منطقى انه هيحل كل الوزراء ويجيب ناس من الشارع
مصر مليانة و الدليل انه جاب لواء متقاعد من بيتهم عمله وزير داخلية
مش منطقى انك تطلب مطالب كتير اوى وتتحقق كلها
بس يتحقق اهمها
انا احترمت جدا انه اختار نائب ليه بغض النظر انه عمر سليمان من غيره الراجل ده بيفكر ف حين سقوطه متبقاش ملطش لمن تساعده امريكا واسرائيل
خليك محايد بغض النظر عن الاشخاص فكر فى بكرة ليك ولينا الوضع دلوقتى مفيهوش مشاكل لينا احنا رجالة وبنحرص بيوتنا من المجرمين وده مش مرهق لينا
بعد اسبوع بعد شهر كمان هتعمل ايه فلوسك خلصت وشغلك وقف هتعمل ايه
طب والله من غير شغل خالص يعمل ايه ؟؟
هل هتنضم للبلطجية و اللى بيقتلو علشان رغيف عيش ولا هتعمل ايه ؟
و مين اللى اوجد البلطجى ده !! و مين اللى سبب قتال على رغيف العيش