تصدق انا مش لاقى اى رد ارد بيه عليك غير ان الايام بيننا
طبعا الأيام بيننا
بس الناس بتنسى
ياجماعة اتجاهات الجروب اتغيرت فجأة من يوم 22-1-2011
بدأ يصبح المحرك ليهم غريب
ونتكلم حبا بالمنطق لو كان الادمين مصرى صحيح وبيحس اللى بنحس بيه ومتأثر اوى
كان هيبقا سهل اوى الوصول اليه
حركة بقا انه ف التحرير وسط الناس ومكلف احد يكمل المسيرة كلام هجص اوى
ممكن ميبقاش صهيونى لو انتو بتادفعو عن الصهاينة المهم انه أجنبي يريد استمرار حالة الهلع ف بلدنا
أولا أعتذر ليك عن لهجتى التهكمية لكن أرجو معذرتى بسبب استفزازى بسطحية الموضوع من أول عنوانه واتهاماته التقليدية كأنها منقولة من كتاب الاتهامات تأليف الحزب الوطنى فعذرا مرة أخرى لإن جميع مشاركاتى فى هذا الموضوع لن ترضيك للأسف وشكرا لك
يعنى الناس بتنسى ولا ومش فاكره؟؟
يعنى لو شفيق كويس و هيريح الناس ليه ساب اللى قبليه يعملوا فينا كده؟؟
احنا هنهذر لوا اتعمينا!! اصلا مبارك اكبر حليف لاسرائيل و امريكا فى المنطقه
ايه يا ولاد مصر نسيتوا العباره 1500 واحد فى البحر وهو لم يعتذر حتى عنهم 300 واحد فى القطر اتحرقوا
9 مليون مصاب فيرس سى و اعلى مسويات اصابه بالسكر و الكبد فى العالم
% 45 من المصريين تحتخط الفقر
فيه اى واحد محترم ممكن يؤيد واحد عمل كده فى شعبه انه يكمل؟؟؟
اقتباس:
صفحة خالد سعيد طلعت اسرائيلية وحركة 25 يناير طلعت امريكية احب اشكر اسرائيل و امريكاعلشان خلوا احمد عزو حبيب العدلي يتسجنوا و احب اشكرالجواسيس الاجانب اللي بيوزعوا علينا الدولارات علشان خلوا وزراء الحكومة الحرمية يتمنع سفرهم و تجميد فلوسهم . اموت انا في الجاسوسية.احب اشكر ال2 مليون متظاهر اللي اتدربوا في ايران مع الاخوان مع اني و الله ...كان نفسي اتدرب في تركيا علشان اعمل شوبينج"
_
منقول :))
بزمتك ياراجل انتا مقتنع باللى انتا بتقوله ده ؟
هحبه ليه ؟
انا مش حابب غير المصلحة ليا ولى اهلى وللناس كلها
انا شاب زى زيك ومحدش بيكره النظام قدى ولا حد طلع عينه ف تجديد ترخيص عربيته 4 شهور من كتر المحاضر اللى معموله فيا بسبب حنقاتى مع مستغلى السلطة ف التعدى على المدنين
انا مدنى للعلم ولست اتبع اى حزب وعمرى وليس ليا مصلحة من بقاء مبارك غير العودة للاستقرار بعد التوصل لحلول مناسبة من وجهة نظرى علشان متزعلش وتقول كخه ووحش وكلام مستفز ليس له غير استفزازى ولا ليه رد مناسب ولا مقنع ولا وجهة نظر مضادة
للأسف نظيف طلع عنده حق...شعب مصر غير ناضج سياسيا
بس انا بقول مش كله....بارك الله في جهود الثلة المباركة في التحرير
التلفزيون المصري أثبت ان آخره يعرض......................كابتن ماجد
اسرائيل ايه وبتاع ايه..دا كلام اعلام انس الفقى الى عايز الناس تجرى وراه وتقول الحقوا البلد فى خطر....
ومبارك ايه الى رجل طيب..... دا ارهابى اقسم بالله ارهابى.... بيرهب شعبه ويخرج عليهم بلطجيه و30 سنه حكم هباب ووعود كاذبه ولسه دم مئات الشهداء عالارض من دهس العربيات ليهم واطلاق رصاص حى كمان وتقولى راجل طيب
مبارك ونظامه والشرطه الخونه والحراميه الى ورا الكلام دا ..الناس دى حلال فيهم الاعدام
وكلمه اخيره...اسرائيل اول خاسر اذا نظام مبارك مشى من البلد هما كدا فى امان وفايقين لحاجات تانيه...يعنى مش فى مصلحتهم خالص الثوره تنجح..وشوف كلام نتنياهو الى قال نخاف من رحيل نظام بيأمن اسرائيل من 30 سنه
-----------
ياجماعه ارجوكم الى عامل بيعانى عشان بيجيب حاجه غاليه 2 جنيه ولا بيحرس تحت بيته يومين ..
غيرك مات ظلم واتقتل قنص وادهس تحت عربيات الامن المركزى عشان النظام الظالم دا يغور..متهدروش دم الناس دى بأيديكم ومتقولوش هنديله فرصه عشان يقف على رجليه ..
.. ومتستنوش منه تحقيق وعود دا باع البلد بسمعتها بشعبها المهدر دمه فى الشوارع عشان يفضلوا فى السلطه مش هيهون عليهم تغيير كلامهم بالذمه؟؟؟
والى بيقول شفيق كويس انا معاكم بس دا راجل مخبين عنه كل حاجه وعامل زى سكرتير الحكومه بالضبط وكلامه كلام شخصى وليس رسمى لن ينفذ والدليل ميعرفش اى حاجه عن اى حاجه كل شويه يطلع يقول معرفش ومين الناس دى كأنه زينا..وتعهد قبل ما البلطجيه تهاجم المتظاهرين وقال على جثتى حد يأذى المتظاهرين وتانى يوم اتقتل 14 واتجرح 1500....
ياجماعه فوقوا بقى الناس دى دمها مرحش هدر ومش هيروح هدر ان شاء الله
صدقنى انا مش زعلان الا من الحال اللى وصلنا ليه
لو شفت خطيب ايران كنت حسيت بالمؤامرة اللى احنا فيها وطبعا زى ماحنا عارفين حماس تعتبر حركة بتمويل ايرانى
عارف الحال بقا شكلو عامل الزاى دلوقتى
كل واحد معاه كام حتة سلاح وكام واحد يروح ياخد بطارو من حد متغاظ منه ومفيش اى امن
انا صديق عمرى ف العريش دلوقتى دكتور صيدلى نتيجة لخلاف بينه وبين صاحب المكان اللى مأجره منه على قيمة ايجار بعت شوية بلطجية كسرولو الصيدلية ورموله حاجته ف الشارع
وبقا كل صاحب عقار دلوقتى مفترى بيفترى على المستأجر بأى عمل
بقا الوضع غريب لابعد الحدود
كنا بنتجمع نطلب مطالب حقوقنا كبنى ادمين دلوقتى مش عارفين نعيش اساسا