الموضوع: الحقوا مصر .. دول عايزين حرب اهلية

المشاركة الأصلية كتبت بواسطة akram

عايزين نلحق مصر .
الناس بتضرب في بعض و الجزيرة جايبة كل حاجة ,
فيه ناس عايزة تشعللها و هتحصل مشاكل أكبر ,
مش عارف الواحد يعمل ايه دلوقتي ,
يا رب ارحمنا برحمتك و ازح الغمة عن بلدنا ,
الخيول و الجمال دخلت الميدان ,
ايه اللي بيحصل ده ,
........................

ناس تقولك بلطجية الوطني وناس تانية ومنهم اعضاء معانا هنا بياكدوا انهم بتوع الخيل في الهرم اللى بيتهم اتخرب بسبب المظاهرات وشافوهم وهما رايحين وكلمت واحد منهم اقسم لي بالله وهنقل لك كلامه بنفس طريقته (والله العظيم ما حد دفع لنا حاجة ولا عايزين من حد حاجة انا عايز العيال لاصيع ولا التييييييييت اللى قاعدين دول وخاربين بيتنا يتنيلوا على عين اللى ...... ويرجعوا بقة بيتنا اتخرب الفلوس قربت تخلص ومفيش مليم دخل جيبي الله يخرب بيوتهم)
الحقيقة فين
الله اعلم
ورئيس الوزارة حالا اعلن انه هايتم التحقيق فيما جري

قناة الخنزيرة والعبرية ليهم حق يولعوا واقسم بالله ان معظم اخبارهم غلط خصوصا من يوم السبت والهدف طبعا واضح وهو تخريب مصر وتخريض الناس على النزول للشوارع كلهم كما حدث الجمعة الماضي
لكن حتي يوم الجمعة كنا بندور على مصلحة البلد و بدات تتحقق لكن دلوقت بدا التخريب والحلقة المفرغة اللي مش هاتنتهي من الرغبات الانتقامية وشهوات الشباب في الظهور وخلاص

المشاركة الأصلية كتبت بواسطة akram

انا ببكي على اللي بيحصل في البلد دلوقتي ,
لمصلحة مين نضرب بعض و نتقاتل ,
طيب الواحد ينزل الميدان تاني و لا نعمل ايه ,
انا مش عارف .........
............

لمصلحة اسرائيل وامريكا وايران وجماعات محلية واحزاب ووووووووووووو
وكل دول مش من مصلحتهم البلد تهدا

المشاركة الأصلية كتبت بواسطة maka

بالعقل كده لو انا مويد لمبارك او لاى حد هنزل اضرب الناس كده ........... طبعا لا
يبقى اكيد الناس دى بلطجية ماجورين وواخدين فلوس .................................... حسنى خطابه لسه مبردش ده الناس بدات تصدقه علشان الدنيا تهدىء و شكله عاوز يخربها
واضح انه مش هيجبها لبر و هتولع تانى و باذن الله الجمعة الجاية هتبقى فعلا جمعة الرحيل

طيب يا طارق انت قلتها بالعقل كدة هو ما صدق ان بقة فيه جزء في الشعب منعاطف معاه يقوم ينزل ناس تضرب المتظاهرين تاني يوم ؟؟؟؟؟؟؟؟
مستحيل والا يبقي هو اللى بيسعي لموته
تفتكر انه غبي للدرجة دي ؟
اهدا شوية يا طارق وحاول تنوع القنوات شوية واسمع الكل

المشاركة الأصلية كتبت بواسطة horas3000

اللي مش قادر افهمه
الجيش

الجيش عمل اكتر من المطلوب منه لغاية دلوقت في التعامل مع المتظاهرين
المفروض ان الجيش نازل يطبق القانون وبرغم ان فيه حظر تجول يعني المفروض محدش يطلع من بيته الا انه ترك من في ميدان التحرير كما هم
امس لما الجيش وجد ان فيه اطلاق نار حرك دباباته وضرب دفعات نار كثيفة في الهواء لتفريق من في الجهة التي قيل ان النار اطلقت منها
الجيش الان على الحافة الكل مازال يحترمه لكن الكارثة لو قام احد المتهويرن باطلاق النار على الجيش
او قام احد عملاء الدول الاجنبية وهم كثيرين الان في مصر باطلاق النار على جنود الجيش وقتل بعضهم
وقتها سيكون امام الجيش اما الرد والحفاظ على هيبته وهو ما سيحدث مجزرة حقيقية بمعني الكلمة
او الصمت ووقتها سيفقد هيبته وهو ما لن توافق عليه قوات الجيش او قادته ابدا وحتي لو وافقوا من الممكن ان يقوم بعض الجنود بالرد على النار دفاعا عن النفس وتحدث المجزرة
عرفتم الكارثة التي سنقع فيها ؟؟؟؟

المشاركة الأصلية كتبت بواسطة otefa

أرجو تحكيم العقل ياجماعة الناس لازم تروح الجيش هو ألي ماسك العصاية من النص وبيحاول دلوقتي تنفيذ حذر التجول
الرسالة الموجهة من الجيش للناس الثورة حققت ماترغبون به لحد كبير مافيش داعي لتواجدكم في الشارع أدولنا فرصتنا بقه علشان نظبط نقل السلطة بتروي وحكمة
ما أعتقدش أن نوعية البلطجية هاتكون دموية زي ماحدث من نظام الداخلية السابق

حالا هيدخلك حد يقولك انك عميل وانه لا يفخر انك مصري
اتحمل

المشاركة الأصلية كتبت بواسطة ahmed1611

اهدا شوية مش ناقصة ولعه
ربنا يستر على البلد دي بكرة

وليه يهدوا دلوقت
هو ده وقتل الولعة في البلد
المهم تحقيق اهداف الجماعة والوصول للحكم

المشاركة الأصلية كتبت بواسطة mfarag

لقد اسمعت لو ناديت حيا و لكن لا حياة لمن تنادى

وهو اللى خرجوا في المظاهرات من يوم 25 لغاية يوم الجمعة اموات ؟
ولا لازم نحرق البلد علشان نبقي احياء