حرام يا جماعة اللي بيحصل في مصر اتقوا الله الراجل وافق علي كل حاجة
اصبرو حد شهر 11 بس و بلاش غباوة
و اي حد هيقللي انها حركة هقلة انت تبقي عبيط
اتقوا الله مصر مستهدفة من كل حتة و دلوقتي فرصة ليهم
اتقوا الله و افتكروا يا مصريين
عرض للطباعة
حرام يا جماعة اللي بيحصل في مصر اتقوا الله الراجل وافق علي كل حاجة
اصبرو حد شهر 11 بس و بلاش غباوة
و اي حد هيقللي انها حركة هقلة انت تبقي عبيط
اتقوا الله مصر مستهدفة من كل حتة و دلوقتي فرصة ليهم
اتقوا الله و افتكروا يا مصريين
اقولك على حاجة
حسبي الله ونعم الوكيل
المصريين مش عارفين هما عايزين ايه
شوية يقولو يسقط مبارك وشوية يقولو معاك يا مبارك ومحدش عارف ان مبارك سبب القرف اللي احنا فيه ده والدليل دلوقتي في ميدان التحرير
امناء شرطة وبلطجية مؤيدين لمبارك
معا ضد تخريب جميع الممتلكات العامة والخاصه حبا فى مصر
كل اللي عايز اقولة : لو مبارك وحش الناس عملت اللي عليها و هو سمع الكلام حتي لو كلام
و الضمان للناس انهم يقدروا يتظاهروا تاني
كل اللي عايزة نهدي لحد شهر 11 و لو شفنا الخطوات مش صح اللي عايز ينزل ينزل
لأن دلوقتي اقسم بالله العظيم اقسم بالله العظيم في ايادي خارجية اخترقت مصر سواء كان اسرائيل او ايران او او
يارب نهدي شوية و نشوف
يا جماعة
هل هناك ضوء فى نهاية النفق
انا من الناس اللى مش مصدقة مبارك و شايف انوا لازم يمشى - عشان فى 30 سنة اثبت عدم مصداقية - وحتى فى الازمة دى لحد امبارح قام بخطوات لالتفاف على المطالب و مكانش فى جدية و لا اهتمام لحد امبارح
ومنتهى الفشل فى ادارة الازمة
وفى ناس تانية شايفة ان ممكن نديلة فرصة تانية
وفى ناس - رغم اعتراضى على تفكيرهم - بيحبوا مبارك و يمكن عايزينة تانى طبعا هما حريين
بس البلد داخلة على حرب اهلية هتاخد الاخضر و اليابس
طيب اية الحل
ممكن نوصل لحل مقبول و معقول
انا شايف تفويض عمر سليمان و عمل لجنة حكماء برئاسة زويل
وبداية حل الازمة
حد عندة حل
يا ريت كلنا بتكلم بهدوء ونحترم الراى الاخر
اي حل بس يبطلوا ضرب في بعض
ده غباء وتخلف
انا مش فاهم
مش ممكن يكون الناس دي هيا اللي كانت بتنضف الشوراع اول امبارح
لا يمكن الناس المتحضرين بتوع امبارح هما هما اللي بيحدفوا طوب دلوقتي
على الرغم من التنبيه عليك مسبقا في موضوعك بعض من انجازات الرئيس مبارك
فقد قمت بمخالفة القاعدة 9 ب
مما يستوجب حصولك على إنذار أول مصحوبا بوقف
مشرف القسم
8 ب
8:00 م
2 فبراير 2011
هذا الرجل لا يؤمن باى شى غير القوه ولودمرت مصر بمن فيها لن يهتز له طرف
لا نديلة فرصة 30 او 40 سنة كمان
لابد من محاكمة ال.............................................
الي كل اصدقائي الاعزاء ارجو من كل انسان محب لمصر وشعبها ان يتوجه لله بالدعاء ان يزيح المولي عزوجل هذه الغمة ويعود الاستقرار والهدوء لمصرنا الحبيبة
كما أرجو كل من لديه قريب أو صديق بميدان التحرير ان يرجوه ترك الميدان والعودة للمنازل خوفا من الفتن وضرب الأستقرار
الجمعة اللي فاتت جمعة الغضب
الجمعة اللي جاية جمعة الرحيل - الخلاص
الجمعة اللي بعدها جمعة أم محمد
آه ماحنا فاضيين بقي والناس حالها واقف
الراجل قال كل اللي احنا عايزينه وهو اصل كمان الموضوع مش زرار هندوس عليه كل حاجه هاتتصلح في ساعتها
هذا الرجل وحزبة الوثنى لا يؤمنون باى شى غير القوه ولودمرت مصر بمن فيها لن يهتز لهم طرف
هذا الرجل وحزبة الوثنى لا يؤمنون باى شى غير القوه ولودمرت مصر بمن فيها لن يهتز لهم طرف
اسف يا مصر... اسف على انى واقف ف المظاهرات ونشفت دماغى وفضلت ف التحرير.. واديت فرصه لمليون واحد ومليون سبب يخربوكى
اسف على انى من المؤيدين لمبارك وروحت لميدان التحرير للناس اللى واقفين يتظاهرو ضدو وخليت الشيطان واعوانه يدخلو بينا
اسف انى على النت عمال اكتب اخبار صح واخبار غلط عشان اهيج الناس حتى لو مش قاصد غير انى اوضح ان الدنيا فيها غلط
اسف انى ما بسمعش اللى بيقولى ابعد عن الفتنه وبنشف دماغى
اسف انى نسيت ان بكل بساطه بدل ما مبارك يجيب بطلجيه.. الموساد وايران وغيرهم يجيبو ناس تولع المصريين ف بعضهم.. هما المستفيدين الاكبر.. مبارك كده كده ماشى
اسف انى شاب جاهل سذج خليت الاحزاب تتخانق يمين وشمال وتطلع على كتفى ف ميدان التحرير وكل ما مبارك يقول هعمل يقوله لا ويهيجونى زياده
اسف انى خليت واحد مش عايش فيكى زى البرادعى ييجى يولع الدنيا عشان نفسه يقعد على عرشك
اسف على دم اخواتى اللى بيروح كل يوم بسبب عنادى ورفضى لكلام الرسول وكلام ربنا
انا اسف يا مصر.. سامحينى
وَاتَّقُواْ فِتْنَةً لاَّ تُصِيبَنَّ الَّذِينَ ظَلَمُواْ مِنكُمْ خَآصَّةً وَاعْلَمُواْ أَنَّ اللّهَ شَدِيدُ الْعِقَابِ " الأنفال
بينما نحن حول رسول الله صلى الله عليه وسلم إذ ذكر الفتنة فقال إذا رأيتم الناس قد مرجت عهودهم وخفت أماناتهم وكانوا هكذا وشبك بين أصابعه قال فقمت إليه فقلت كيف أفعل عند ذلك جعلني الله فداك قال الزم بيتك واملك عليك لسانك وخذ بما تعرف ودع ما تنكر وعليك بأمر خاصة نفسك ودع عنك أمر العامة
قال رسول الله صلى الله عليه وسلم.. الفتنه نائمه من ايقظها لعنه الله ... اللعن معناه الطرد من رحمه الله؟؟ لما تفضل تولع ف الفتنه زى ما الناس بتعمل عن جهل او بقصد.... هتختقى رحمه ربنا.. هينصرنا ازاى.. ارحمو مصر.. ارحمو اخواتكم.. اتقو ربنا واسمعو الكلام... هتتحاسبو عن الفتنه دى.. الساعى فيها حسابه اشد من بادئها
يعنى ايه فتنه؟؟ يعنى اتنين المفروض اخوات.. يوقعو ف بعض.. ايا كانت الاسباب.. الدين قالك ايه بقا.. ابعد عنها.. انا لما اشوف اخويا جاى يضربنى وامشى وابعد عنه.. هيحصل ايه؟؟ الدنيا هتهدى... لكن لما اقول انا على حق.. وهو يقول لا انا على حق.. واكيد فيه واحد على حق فيهم.. ايه اللى هيحصل؟؟ خراب.. صح؟ عرفتو ليه ربنا ورسوله امروكم بالبعد عن الفتنه..؟؟؟ ولا لسه الدماغ ناشفه؟؟
قال رسول الله صلى الله عليه وسلم .. اذا التقى المسلمان بسيفيهما فالقاتل والمقتول فالنار.. قيل هذا القاتل فبال المقتول يا رسول الله؟ قال كان احرص على قتل اخيه... عايز تبقا قاتل؟؟ عايز تشيل دمهم وتتحاسب عليه... دم اخواتك اللى بيموتو ف بيوتهم عشان فيه خراب وفيه حراميه وانتو بتتظاهرو وبتولعو ف الفتنه
يارب.. انصر مصر.. مش عايز النصر لمعارضين ولا مؤيدين ولا وطنى ولا احزاب ولا اخوان..انا عايز النصر لمصر.. للغلابه اللى مش لاقيين عيش وغيرهم بيجعجع ف التحرير بحق او بباطل.. للناس اللى بتعيط ف كل حى من الرعب كل ليله... انا ما يهمنيش مين السبب.. السبب مش هيفرق اللى حصل حصل..بدل ما نتلم ونبقا ايد واحده.. لا سايبين الشيطان انس وجن يلعبو فينا
اسف يا مصر
انا لسه كاتب النوت دى على الفيس.. حاولو تنشروها عايزين نهدى الفتنه
البلد بتولع مهيش بلد مبارك بس دي بلدنا احنا هو اقرب حاجه هيطلع يعيش بره الشعب هيروح فين اعقلوااااااااااااااااااا شوية وارحموا مصر ربنا يهدينا جميعا ويحفظ مصر... بلاش الفتنه.. ارجوكم بلاش الفتنه
كل اللى بفكر فيه مصلحة البلد مش العند و خلاص
اللى نزلنا بيه بدأ يتحقق :
1- لن يرشح نفسه لفترة مقبلة .
2- تم تعيين نائب رئيس و لم يتم التوريث .
3- سيتم البت فى الطعون المقدمة لمجس الشعب من قبل قضاء مصر الذى نحترمه و بالتالى اللى دخل بالتزوير حيخرج و يرجع شرعية المجلس .
4- تغيير مدة الرئاسة و تغيير شروط الرئاسة .
5- تعيين رئيس وزاراء يشهد له بالكفاءه و النزاهة .
6- سيتم معاقبة و محاسبة من تسبب فى دم شهدائنا و حالة الإنفلات الامنى .
ايه المطلوب تانى خراب البلد ما قدامنا تونس لحد لدقوتى مش عارفيين يتفقوا على الوزراء او حتى عدلوا الدستر رغم مرور شهر و باقى شهر واحد على انتخابات الرئاسة !!
هل تتوقع انهم سينتخبوا رئيسهم القادم خلال شهر ام سيتغرسوا فى هذا الوضع لفترة طويلة
ياريت نفكر بعقلانية و بلاش العند و لو ماعجبناش و مانفذ كلامه ميدان التحرير مش حيطير و العالم كله حيشوفنا زى ما حصل و محدش حيقدر يلمسنا و لا يكبدتنا بعد كده حتى لو مبارك نفسه
اتقوا الله فى هذا البلد و حافظوا على استقراره
امبارح رحت لحد بوابات اسكندرية ورجعت عشرات مرات اتفتش رايح وعشر مرات جاي ومعرفتش ادخل ميدان الجيزة
السؤال
ازاي الجيش المصري سمح للناس اللي راكبة خيول وجمال وحمير يدخلوا لحد المهندسين والدقي وبعد كده ميدان التحرير
كدا اكيد كانوا لابسين طاقية الاخفا
ياجماعة الكلام ده انا شفته بعيني في الدقي والدبابات واقفة ازااااااااااااااي؟
حد يقولي حد يفهمني
المرور الصبح في اول فيصل الساعة 9 حوالي 15 ظابط بدون مبالغة غير الامناء
رجعت الساعة 4 عصرا لقيت عيلين وراجل كبير بينظموا المرور
هو فيه الداخلية بتظهر فجأة وتختفي ولا ايه بالظبط
خلاص جاني الضغط مش عارف
ده احنا لو حد مستعمرنا مش حيعمل فينا كدا (أسف جدا علي اللفظ)
الله يرحم الجيش كان طيب وابن حلال
انا مع استقرار الدولة وليس استقرار النظام مع ان يستمر حسني مبارك الى انتهاء فترته الشرعية والا يترشح مره اخرى وتلك فترة من الممكن ان نعرف فيها كيف نختار رئيس حقيقي للبلاد حيث ان كل من على الساحه الان لا يصلح ماهم الا متسلقين على اعناق الشباب .
ولاكن نداء الى كل الاخوة في الحزب الوطني والمندسين الذين يقومون بمظاهرات الان تأيدا لحسني مبارك ماذا عن دم الشهدا الذين قتلوا بدمً بارد من رجال عصابات الشرطة أليس هؤلاء دمائهم في اعناق حسني مبارك فكيف لا يصدر امر مباشر بالقبض ومعاقبة حبيب العادلي وكل من ساهم في وزارته في سفك دماء هؤلاء الشباب انهم كانوا يعاملون الشعب كالعدو مثل اليهود وفلسطين
وأين الفريق احمد شفيق ووعوده امس على قناة الحياه فيما حصل ويحصل من ارهاب وتخويف للشباب الذين موجودين في ميدان التحرير
واين الجيش المصري ألم يقل الناطق باسم الجيش أننا مع شعب مصر ونقف ضدد المخربين وسوف نتعامل معهم بشده وبحزم مطلق فلماذا تركوا التخريب والاضهاد والارهاب الذي يحدث في ميدان التحرير اليوم
وكذلك المتسببين في إفساد النظام مثل احمد عز وغيرهم من رجال الاعمال الذين امتزج المال مع السلطة لديهم فكانو يفعلوا كل شيء مباح وغير مباح اين اموالهم الان التي هيا اموال للشعب من الاساس الم يحن الان ان يتم مصادرت اموال هؤلاء الخونه
ونداء الى كل الرجال الشرفاء في هذه الحكومة وكل اطياف الشعب لا تنسوا دماء اخوانكم الذين حرروكم من الاستعباد والأطهاد على مدار الاعوام السابقه وشكراً
مواطن بيحب مصر ويعشق ترابها
ويعلم الله اني لم اكن اقدر على كتابة هذه المقاله لولا فضل شباب 25 يناير الشرفاء الذين اعطوا لكل واحد من الشعب المصري الحريه
دعوة من شباب انقاذ مصر
نناشدكم فى هذا الوقت العصيب و الحرج أن تساعدوا مصرنا ونحن فى هذا المفترق الخطير.
لقد قاومنا الخوف ونجحنا بالتصدى للمجرمين.
لقد أظهرنا للعالم بأسره وهو يراقبنا عن كثب كيف حمينا أعراضنا وممتلكاتنا وأنفسنا.
فقد حان الوقت لأرسال رسالة جديدة للعالم كله ......
" هذه هى مصر"
سوف نتطالب بالتغيير والإصلاح والإنتقال السليم والسلمى للسلطة.
لقد قمنا بالثورة ولكننا نواجه خطر سرقه الحلم. يجب أن نرفض هذه المحاولة السافره المغرضة لسرقة حلمنا.. حلم الشباب المصرى..
يجب أن نواصل الجهود للمحافظة عليه. ليس من مصلحه حلمنا ولا من المصلحه العامة أن "نطرد الرئيس"
دعونا نعطيه فرصه...
دعونا نرفض ما يكيده لنا الأعداء...
دعونا نرسل للعالم كله هذا الرسالة: "مصر دولة شرعية ونحن مؤمنون كامل الإيمان بأن التغيير قد بدأ وعلينا المواصلة " ...
الشعب أراد اصلاح النظام
بلد العجائب
تنويم وتمثيل
الي جميع الاخوة المعارضين لفض الاعتصام و المصرين علي رحيل مبارك ياريت تحاولوا تقراوا ورا السطور شوية و تشوفوا تصريحات المسئولين الامريكيين و البريطانيين و قارنوها بتصريحاتهم قبل الدخول للعراق
يا جماعه الله يكرمكم متفتحوش الباب ليهم للتدخل لان الباب دة لو اتفتح مش هيتقفل المطالب تم تقديم وعود بكثير منها دورنا الفترة الجايه هو التأكيد علي تنفيذها في اوقاتها المحددة
رحيل الراجل و تعيين لجنه حكماء او حكومه انتقاليه او اي شيء معناه دمار البلد
العرب عامه و المصريين خاصه اتفقوا علي الا يتفقوا محدش هيعجبنا و كل واحد هيتم اختياره هنلاقي كل يوم جمعه بقي جمعه غضب لرفضة من شوية ناس و ميدان التحرير هيبقي كل اسبوع فيه 100 الف بيتظاهروا ضد كل مرشح يعني هتبقي حرب اهليه في كل المناطق و المدن
النظام عامه و مبارك خاصه ليهم غلطات كتير اوي بشعه في حق ناس كتير و ناس كتير اتكوت بنارهم و انا منهم بس علشان خاطر البلد لازم يتم انتقال سلمي و ياخد وقته
غلطات النظام دة مش النظام بس اللي متحملها احنا متحملين جزء كبير منها لاننا صبرنا 30 سنه
احمد عز يكسب مليارات من الاحتكار في شهور و احنا بنمصمص شفايفنا و نسكت
حبيب العادلي و زبانيته يعملوا اللي هما عاوزينه و احنا ساكتين
نسكت 6 شهور و نتابع تنفيذ الوعود و ندي فرصة لناس تانيه نشوفها و نعرف برامجها
انا مش عايز واحد يطلع يقولي هحارب البطاله و هرفع الحد الادني من الاجور و هشغل كل الناس و هصلح التعليم و الصحه و هحول البلد لجنه و انا مش عارف هيعمل كل دة ازاي او ايه خططه او حتي تاريخه السياسي
مصر مفيهاش حد عنده الخبرة الكافيه لادارة البلد لان للاسف النظام الحالي طمس كل قوي المعارضة يعني انا مش مقتنع لا بالبرادعي و لا بايمن نور و لا بحمدين صباحي و ممكن يكونوا شخصيات كويسة و نزيهه بس مش متاكد و مش هستني 10 او 15 سنه علي حاكم تاني
الفرصة دي مش هتيجي تاني علشان ناخد هدنه و ننقي و نختار نظام قوي يساعد البلد فعلا داخليا و خارجيا
ارجوكم متدوش فرصة لحد من برة يلبس توب الانقاذ و يحط رجله في البلد لان لو حط رجله مش هيخرجها
اسرائيل علي يمينا و السودان تحتنا يعني متحاوطين
الظروف صعبه اوي و مظلمه و مبقاش مبارك بس هو المشكله المرحل دي حساسه جداااا و لازم الاختيار يبقي صائب علشان منلاقيش و العياذ بالله عسكري اجنبي هو اللي بيدير الحكومه نظريا و عمليا
استر يارب
اتمنى ان نستمع جميعا لصوت العقل و لو لقينا فى محاولات للمراوغه الشارع موجود و مفيش قوة فى البلد تقدر تمنعنا من التظاهر و ساعتها ال80 مليون مصرى هينزلوا الشارع
احب اشكر شباب 25 لانهم بجد اثبتوا لنا اننا نقدر على كل شى مهما كان مستحيل
Tooo lateeeeeeeeeeeeeeeeeeeeeeeeee
الي الشباب المتظاهرين في ميدان التحرير ياجماعه حرام عليكو الريس كده عمل اللي عليه وزياده اوي ولو مشي دلوقتي مصر هتضيع انسب حل انه يستني لحد اما يخلص بعد كام شهر ونكون احنا عرفنا نختار رئيس تاني مصر ف ايد خارجيه بتخرب فيها والله العظيم وفي ناس مش عارفين كده
ياريت اللي يعرف حد في المظاهرات يخليه يروح خلاص مصر استوت كفايه خساير هنحس بيها بكره وبعده حرام عليكم انا قاعد في المحل دلوقتي وتقريبا دخل علي 3 حراميه ولو كنت لوحدي كانو سرقوني خلاص مفيش امان :help1: متخلوش امريكا تتدخل حتي تحمينا وفي نفس الوقت تحتلنا حرررررررررررام عليكو
انا واحد من الناس رأى من رأيك الى خلانا نصبر 30 سنه مش حنصبر ونستحمل كام شهر
بس ايه الى يضمن لينا الامان والكلام ده يتنفز والدنيا ترجع وردى
ايه المنطق وراء احتلال مصر مثل العراق كما تزعم
الغرب فاتح جبهات كتيرة تحطم اقتصاده و تضعه في موقف صعب امام شعوبه
ايضا اي ذريعة حيدخل بها مصر هل هي ذريعة ان "الشعب عمل ثورة علي ديكتاتور" هي من ستلف الشعوب الغربية و تقنعهم بالمشاركة في تلك الحرب
ايضا الوضع محتقن في كل الدول العربية اي محاولة للتصعيد ستتسبب في فوران المنطقة ككل
الم تري روبرت جيتس المتحدث باسم اوباما و هو ينتقي الالفاظ بعناية شديدة حتي لا يثير الشعب ضد المصالح الامريكية و الصهوينية
الم تراهم يقولوا في الاعلام الغربي ان مبارك اصبح عائق و معوق للسياسات الامريكة
انهم يرغبون لمصر الاستقرار و البقاء مغيبة عن الهم العربي و الفلسطنيني خاصة لكن مصر المتوترة المشتعلة الملتهبة المتحمسة هي خطر علي امن اسرائيل
اما تقسيم مصر فهو امر لاحق واجب التخطيط له بالعناية علي عكس هذه الثورة التي جاءت كالدش البارد علي رؤوسهم
اذا يجي ان نغتنم الفرصة و نحقق مطالبة العدالة و الاصلاح الحقيقية و ليس بالوعود الخداعة
لا يمكن ان تطلب من 80 مليون التخلي عن طموحهم في التخلي علي نظام قمعهم و عذبهم وقتل ابنائهم
تطلب من 80 مليون مزيد من الصبر من اجل شخص واحد ظالم لا وعد له!
الحل هو رحيل الفرد و ليس رحيل الشعب
و لما تيجي تقول مفيش في مصر حد عنده الخبرة الكافية لادارة اليلاد فانت اخطئت خطئين
الاول ان مصر مش عقيمة و هي منارة للعالم من الاف السنين
الثاني هو انك بتفكر بنفس فكر النظام الحالي رجل واحد يحكم كل شئ يترأس كل شئ يامر و ينهي في كل شئ
في حين ان المفروض اننا دولة مؤسسات تتعاون جميعا لادارة شئون البلاد ليس فردا واحدا بل نخبة حاكمة عادلة مفوضة من الشعب الذي اختارتها لادارة اموره بحكمه و مساوة.
سبحانك اللهم وبحمدك ، أشهد أن لا إله إلا أنت أستغفرك وأتوب إليك
مبنى بيولع وقرب يخلص والمتظاهرين واقفين على كل جنب بيتفرجوا على المبنى و بردوا بيرموا على بعض مولتوف.
مين المصريين فى دول ولا مين اللى عاوز سلطة فى دول ولا مين اللى مش عاوز مصر خالص تبقى موجودة ومين اللى عاوز يحرق البلد ويقف يتفرج.
لا حول ولا قوة الا بالله.هندفع كام سنة والاجيال اللى طالعة عاوزة تاكل وتعيش هتجيب منين.لما لسة عاوزين يبنوا البلد اللى بتولع.
مش عارف اعمل ايه.مش قادر افكر.؟
مشكلة مصر الحقيقية ان فيها جهلة كتير و متعصبين و بيضروا نفسهم قبل غيرهم من غير علم بجهلهم دا
و المشكلة الاهم انهم عايزين كل حاجة تجيلهم لحد عندهم ببلاش و منغير اى تعب او مجهود و عايزين كل حاجة منغير اى تضحية و لا كمان يصدقوا اى حاجة تتقالهم و سهل يضحك عليهم !!!!!!!
انا فى رايى مصر مستحيل تتقدم طول ما فيها كل العدد دا من الجهلة و عدد كبير جدا من الاميين اللى باى كلمة او فلوس تضحك عليهم
حسبي الله ونعم الوكيل ....
اللهم أهلك الظالمين بالظالمين وأخرجنا منهم سالمين
انه زمن الفتنة
الهم اخرجنا منها بسلام يا رب
ايه المشكلة ما هى امريكا مليانة جهلة
المهم القيادة ويبقى فيه عدد لا بأس به من العقلاء والحكماء
ممكن برده بس فى امريكا فى نظام الكل ماشى عليه و برده الجهل دا بيعمل مشاكل ليهم , بس انا شايف ان فى امريكا اللى عايز حاجة بيضحى و يتعب علشانها مش بيقول عايزها تجيلى لحد عندى و يبقى مش عايز يضحى شوية علشان يجيله اللى هو عايزهاقتباس:
ايه المشكلة ما هى امريكا مليانة جهلة
المهم القيادة ويبقى فيه عدد لا بأس به من العقلاء والحكماء
فعلا العنوان ممكن يكون غريب شوية
بس دى الحقيقة
انا مش هقول الكلام الفارغ بتاع ( اللى اعرفة احسن من اللى معرفوش - دة شبع و خلاص لكن الجديد لسة هياكل ............................. كل الكلام دة هرتلة )
انا مش متفق مع سياية الريس ........... لية ؟
عدم معرفته ( دة لو كان صح ) بما يحدث فى البلد و تقديم اللى حواليه تقارير مخالفة لا ينفى مسئوليته عن الخطا
يعنى بالبلدى هو لو عارف ان البلد خربانة فطبعا دى مشكلة و هو لازم يتحاسب عليها و لو مش عارف ان البلد خربانة فدى مشكلة اكبر لانة الريس و مش عارف الناس اللى تحتية بتعمل اية
بس الحكاية عايزة اتزان & مش تربسة دماغ و لازم يرحل لازم ينزل
الحكاية مش كدة
لو مشى اية اللى هيحصل
1- لا تغيير للدستور
2 - لا تغيير فى مجالس الشعب
3 - لا تغيير فى مجلس الشورى
4 - الاسراع فى اختيار حكومة انتقالية ( ستتحول الى حكومة انهازية تلحق تكبش اللى هى عايزاه قبل الانتخابات الحقيقية
)
5 - ضعف جبهة مصر بصورة عالية جدا مما سيسمح للاعداء انهم يفحتونا ( اسرائيل & قطر & امريكا او اى دولة بنت ستين فى سبعين )
6 - انهيار الدولة بدون قومة ( كورسات ادارة الاعمال " قاعدة " اى تغيير جذرى فى اى منظومة فى وقت قصير == انهيار )
فابراحة كدة و نفكر شوية شوية
و كمان عايزين نخلى الريس يكر لينا اسماء ولاد الكلب اللى احنا عارفينهم و نلم الفلوس و القصور اللى ضربوا عليها عوافى
مش كدة يا رجالة
لكن رئيس جمهورية جديد و نائب جديد و رئيس وزارة جديد و 14 وزير جديد و مجلس شعب جديد و مجلس شورى جديد و بالمرة شعب جديد علشان نبقى طقم جديد كلنا
هدوء لو سمحتم
و فى الاخر اقسم بالله العلى العظيم و حياه اولادى انا لست ضمن اى سياسة فى البلد و مليش فى الكلام دة
الشعب يذبح الان
رجاء من اخواني قرائة السطور بتفكر وتأنيِ والتفكير في شعب عددة حوالي 85 مليون (كم عدد الذين يعيشون حياة كريمة)
وهنا ساطرح بعض الاسئلة واترك الاجابات لكم
اولا
الخسائر هي من تولد الثورة لا الثورة تنتج الخسائر
فخسارة الانسانية تشعل ثورة
وخسارة الكرامة تشعل ثورة
وخسارة المواطنة والوطن تشعل ثورة
ثانيا
اين حق الشعب في الحياة ؟
اين التطلع لغد افضل ؟
ثالثا
ثلاثون عاما مضت اي 10950 يوم
ماذا حققت لنا الحكومة في السنين الماضية ؟
ما هي مكانة مصر من حيث الخدمات والتعليم والبحث العلمي ؟
ما هو حق المواطن ؟
ما مستقبل شبابنا واولادنا ؟
اين نحن في عصر العلم ؟
كم كانت ديون مصر الخارجية من 30 عاما والان كم هي ؟
اين حق العامل والمهندس والطبيب والعالم والمحامي والمحاسب وكل المهن الحرة في كلا من (علي سبيل المثال)
1- الصحة
2- التعليم
3- المواصلات
4- الخدمات المقدمة للمواطنين
5- الطرق والكباري
6- الاسكان
7- المرافق (الماء والكهرباء والغاز والتليفون )
8- البنية التحتية
9- المرور
10 - .................................................. .......
رابعا
ماذا قدمت لنا الحكومة من يوم 25 يناير ؟ اي علي مدار 8 ايام ؟
هل احترمت رغبات الشارع المصري ؟
هل احترمت دماء الشهداء ؟
هل احترمت الاسرة المصرية ؟
هل احترمت الشارع السياسي ؟
هل احترمت الحرية والتعبير عن الراى ؟
هل احترمت المطالب المشروعة كما اقر الجميع ؟
هل احترمت العلماء ورجال الدين والمثقفين ؟
هل احترمت ......؟ هل احترمت ............؟ هل احترمت ............؟
اقسم بالله ان قلبي يتوجع واشعر بألم شديد واسال الله ان يعيننا علي الصبر
ولا يستطيع لساني ولا يدي التحدث ولاكن
اليكم الواقع
صورتين فقط هي التي تتحدث
http://img213.imageshack.us/img213/3359/802814817.jpg
http://img593.imageshack.us/img593/4...ptprotests.jpg
انت مهذب جدا....
ان فرعون وهامان وجنودهما كانوا خاطئين....سوره القصص....وسبحان الله منطبقه تماما مع الطاغيه اللى بيحكمنا.....لازم يمشى...ولازم الحكومه تتغير مينفعش فروعون يقعد ويغير اللى تحتيه..... كفايا زل وهوان للشعب المصرى
كلامك كان ممكن يبقى صح من 10 او 15 سنه
انما دلوقتى لا والف لا