الموضوع: إستطلاع لجميع من في المنتدى.. بقاء ام رحيل مبارك ؟

المشاركة الأصلية كتبت بواسطة khaled_sabry

لو كنت تقصد عليا انا
انا مش بعند
لكن بجد الفساد اللى اتسبب فيه الراجل ده فوق المحتمل ..... و اسلوب التعامل مع ( الثوره ) اكد الحكايه دى و خلانا نصر بالتنحى الفورى
هو لو عندة ذره من الوطنيه كان تنحى فورا ( زى ماعمل عبد الناصر او الملك فاروق )
لكن اصراره "الغريب المريب " على التمسك بالمظاهرات و كل ده ليه ...
على 7 شهور (وان كان على الــسبع شهور ... خد اجرتهم يلا و غور )
اما بقى موضوع الدستور و اللى مش دستور ... فانا بنتكلم عن ثوره مش احتجاج
لو ترجعو دلوقتى يبقى ال400 واحد اللى ماتو دول ماتو علشان احتجاج ... و حيبقى فيه احتمال كبيره انه يروح هدر اصلا
و أستغرب حقا من النقاش حول فقرات دستور مشوه (طوال اخر 30 سنه) لم تعد له شرعية
اليوم مايحدث في مصر ثورة وليس مظاهرات احتجاج
إذن سقطت الشرعية عن النظام ودستوره ومجالسه، ولم يعد شيئا ملزما وحلت معه شرعية ثورية
اليوم النقاش الفقهي حول الدستور قد يمتع القانونين ولكنه سفسطة وجدل بيزنطي
الا يتحرك السادة الحكماء بسرعة الشباب الثائر... رجاء لاتضيعوا فرصة شباب رفع رأسه بعد أن طأطأت الرؤوس ليتطأطأ الشباب رأسه أمام الطغيان جيلا آخر

يا جماعا مافيش حاجة اسمها ان الثورة لغت الدستور لان ببساطة الثورة الشعبية لا تستطيع الاطاحة بالدستور الا اذا انضم اليهم عنصر القوة في الدولة و هو الجيش فاتفاق الشعب مع الجيش يعني ثورة قادرة علي ازالة و الغاء اي شي سواء حاكم او دستور او غيره و ده الحصل في تونس و الحصل في52 حيث بدا بانقلاب عسكري اصبح ثورة بعد ما ايده الشعب اما الي حصل في مصر هي ثورة تغير اوضاع و افكار كانت تاخذنا الي الوراء انا لم نزلت في جمعة الغضب كانت مطالبي اصلاح الدستور و العدالة الاجتماعية و غيرها مش اني اشيل الريس والدستور و نقعد كده بدون اي اساس للدولة انا كنت عايز اغير النظام الحالي الي نظام ديمقراطي مش اشيل النظام و نقعد بدون نظام خالص

المشاركة الأصلية كتبت بواسطة metenawy

يا جماعا مافيش حاجة اسمها ان الثورة لغت الدستور لان ببساطة الثورة الشعبية لا تستطيع الاطاحة بالدستور الا اذا انضم اليهم عنصر القوة في الدولة و هو الجيش فاتفاق الشعب مع الجيش يعني ثورة قادرة علي ازالة و الغاء اي شي سواء حاكم او دستور او غيره و ده الحصل في تونس و الحصل في52 حيث بدا بانقلاب عسكري اصبح ثورة بعد ما ايده الشعب اما الي حصل في مصر هي ثورة تغير اوضاع و افكار كانت تاخذنا الي الوراء انا لم نزلت في جمعة الغضب كانت مطالبي اصلاح الدستور و العدالة الاجتماعية و غيرها مش اني اشيل الريس والدستور و نقعد كده بدون اي اساس للدولة انا كنت عايز اغير النظام الحالي الي نظام ديمقراطي مش اشيل النظام و نقعد بدون نظام خالص

المشاركة الأصلية كتبت بواسطة heshamzaky

طيب أنت كدة حا تبقى فاهم الوضع لو أتطبقت الاحكام العرفية و اصبح الحكم عسكرى لحين أستقرار الامور أية رايك فى الموضوع دة . الموضوع دلوقتى بقى شبة عصيان مدنى

المشاركة الأصلية كتبت بواسطة heshamzaky

ثورة 23 يوليو مختلفة تماما عما يحدث الان لان ببساطة حا أوضح لك الموقف أنت بتقول أن ثورة 23 يوليو عملها 20 ضابط و أطاحو بالدستور ممتاز جدا و لكن هما دول 20 فرد لوحدهم و لا مدعمن بقوى عسكرية و مباركة القوات المسلحة بكامل العتاد و المهمات و مدربين على ادارة الازمات و الدخول فى الحروب و الدفاع . ال كام مليون لا يملكو غير الصوت فقط و ليس لهم اى قوة دفاعية و تسليحم بدل الطائرات و المدرعات و المجنزرات و الدبابات و الاسلحى النارية حا يبقى شوم و أسلحة بيضاء محلية الصنع دة لو عندة سيف مثلا و لا سنجة . يعنى يالبلدى كدة قوة الحصان أمام السيارة

الله ينور كلام علمي(تاريخي) منطقي يستحق الأحترام والتقدير

طبعا هشام بيه مانت عارف راي وشوف الموضوع ده كمان بنحاول نقنع الناس بالصح من وجهة نظرنا
http://www.nilemotors.net/Nile/200491-a.html

يا جماعا الثورة مش بس في النظام الثورة دي فينا احنا و النبي لو جبنا ملاك من السما يحكمنا و احنا زاي ما احنا حنفضل زاي ما احنا الثورة هي تغير السلوك و الاوضاع انا عن نفسي محامي و عشان اخلص حاجة من المحكمة لازم ادفع لداه و ادفع لداه عشان اموري تمشي و داه حال كل المحامين لكن بعد 28 يناير و ثورة الفوقان بتاعتنا انا قررت و اتفقت مع كل المعايا في المكتب اننا مش حندفع مليم تاني لموظف و داه شغله و هو مجبر انه يعملو مقابل المرتب الي بياخدو من الدولة يعني مني و من غيري لازم نغير نفسنا عشان نعرف نغير بلادنا و داه بس مجرد مثال