مساعدة فى حاجات فى الاسكورت 1300

**Kareem Fawzy** · 02-02-2011 09:24 PM

السلام عليكم ورحمة الله وبركاتة
ازيكم يا جماعة
انا عضو جديد معاكم فى المنتدى بس مشرف فى كذا منتدى تانى
اسمى كريم فوزى وبدرس هندسة
معايا عربية اسكورت 98 1300 سى سى
المهم علشان مطولش عليكم
انا عربيتى اتخبطت وتقريباً الربع اللى قدام دة اتبهدل
دى صورة العربية بعد الحادثة

المهم الشاسية اتعوج ناحية اليمين
والسمكرى اخد منى 650 جينية على اساس انه هيعملها وكمان كان عندى خبطة فى الباب اليمين خورم كدة فى الصاج وكمان الفلوس دى شاملة تجميع جميع الخبطات فى العربية وتصليحها وكمان حساب بتاع الفايبر
فياترى كدة الحساب غالى وياريت فى نظركم التكلفة كان مفروض تبقى كام لو غالية

حاجة كمان دلوقتى الرادياتير اتخرم وانا سألت عليه لاقيت الالمانى الاصلى عامل 500 استيراد والاسبانى والتركى ب 500 والالمانى الاصلى عامل 700 فطبعاً قولت هلحمه والراجل قالى هاخد من 50 ل 100 جنيه ياترى لما الحمه هيبقى كويس ولا هيقرفنى فى الصيف والعربية تسخن كل شوية

والشبكة عندى اتكسرت ياترى حد يعرف عاملة كام جديدة واستيراد
ولو استيراد اجيبها منين من عند السكرى ولا فين

كمان العفشة عندى فى الضياع بس الغريبة انى غيرت علبة دريكسيون وبارات داخلية وخارجية وموازين
العربية قعدت شوية كويسة وبعدين بقت بتلعب ومش عارف من اية
اعمل اية واروح لمين

معلش يا جماعة انا عارف ان طلباتى كتيرة بس انتم الخير والبركة
وشكراً يا جماعة مقدماً واسف على الاطالة

**Kareem Fawzy** · 02-02-2011 09:40 PM

وكمان يا جماعة لو حبيت ارش الربع اللى قدام والباب اللى قدام اليمين تتكلف كام..؟؟

**Kareem Fawzy** · 11-02-2011 11:27 AM

المشاركة الأصلية كتبت بواسطة ayabooy

ده فين السمكري ده
انا عندي خبطة في الشنطة و الوش مريح شوية ولما وريتها لكذا واحد كان بيطلب 300 جنيه

فى الحى السابع فى مدينة نصر
اسمه رضا النحاس بس نصيحة متروحلوش لانه مش قد كدة فى الحدثات الجامدة
بس لو حجة بسيطة روحله

بالنسبة لاستفساراتى حضرتك مردتش عليا