الموضوع: بلال فضل فى العاشرة مساء - مذبحة عند الفجر فى ميدان التحرير

المشاركة الأصلية كتبت بواسطة dr ahmed

أنا عارف ويارب تكون عارف
عموما مش وقت الموضوع ده

وانا كمان عارف ونفسي الناس تفهم
الناس عندهم اعتقادات وافكار غريبه مش متخيل ان فيه ناس عايشه بينا وبيفكروا كده
1-عم عز 71 سنه بيقولي ان مبارك ده راجل من ضهر راجل ومش راضي يسيب البلد للخراب
2-عم جمال 65 سنه بيقولي انا عايز اطلع في الشارع واقول مبارك ده مجبتهوش ولاده وان اللي بيعمله ده مش اي حد يقدر عليه
ابو عبدالله 50 سنه ((من القاهره ومقيم ويعمل في الاقصر ))بيحلفلي ان الموضوع ده من عملاء خارج الوطن والدليل قناه المحور
طبعا دول زيهم كتير هنا ماشافوش المظاهرات ميعرفوش الحريه شكلها ايه
انا الناس دي بجد بحترمهم للغايه وبحبهم وحاولت اتكلم معاهم بس مع الاسف اتهموني اني متصلب الرأي((يعني بسمع الجزيره برغم اني مش بسمعها لان مفيش نت)) ومش عايز افهم وفي اخر النقاش خرجنا بنحب بعض وبنحترم بعض والنهارده عم جمال جاني وقالي صالحني وبالفعل صالحته وعم عز قعد جنبي يديني في نصايح وفي الاخر رديت عليه بكام آيه وبرضه مرضيش يفهمني
اما ابو عبدالله فانا اتناقشت معاه النهارده بس وخلاني كنت هطق من جنابي بجد لانه بيحلف اغلظ الايمان ان الموضوع عملاء لفتح وحماس وامريكا واسرائيل وقطر....الخ الخ
بجد حاجه تفور الدم
امريكا حطت ايديها في ايدين اسرائيل والاردن وفتح وحماس وقطر
لزعزعه الامن في مصر
لنا الله
مبارك قادر وبصراحه ابصمله بالعشره ان عند اي تهاون مننا هيكلنا كلنا في قطمه واحده