الحليم أصبح حيران (والله إنها الفتنة)

**som3aa** · 05-02-2011 12:25 AM

وعندما يصل الأمر إلى الشك ولو 1 في المئة عندي بحدوث فتنة سألزم بيتي
لكن لو تأكدت بأنه لا فتنة تماماً سأنزل لأتضامن مع دم الشهداء

الموضوع مش محتاج حيرة ابدا

ربنا ادانا العقل و فضحهم , خلاهم بايديهم يطلعوا البلطجية اللى هيطلعوهم فى الانتخابات بعد كدا بعد ما رئيس الوزراء حلف بشرفه ان محدش هيتاذى , خلاهم يقفلوا التليفزيون و يزيعوا اخبار مستفزة , خلاهم يقبضوا على كتير اوى امبارح حسب ما سمعت فى كل التليفزيونات , كل دا مش دلائل
ايه اللى اتغير ؟ الناس كانت ماشية فى طريقها , طلع لها وعود , حاجة من دول 1- الوعود كفاية و صادقة
2- الوعود غير كافية و صادفة 3- الوعود كفاية و كاذبة 4- الوعود اساسا غير كفاية و كاذية .

الاولى لازم الناس تبطل تتظاهر فورا
التانية لازم تقابل المسئولين و تتناقش معاهم مع وعد بايقاف التظاهر فورا عند الوصول لحل
الثالثة و الرابعة لا بديل عن الستمرار

طيب , هل يكفى المادة 77-78 و ان المجلس المزور هو اللى ينظر التعديلات؟ عمر سليمان قال مفيش وقت غير لتعديل المادتين دول
هل ممكن التنازل عن وقف قانون الطوارى؟
طيب الوعود صادقة و لا ﻷ , هل فى بداية كويسة يعنى مثلا حرية الراى و الامتناع عن القبض على الناس و انتهاء ظاهرة البلطجة و الصدق فى الوعود و القضاء على الفساد و الحزب الوطنى و القبض على الفاسدين اللى ملفاتهم فى الجهاز المركزى للمحاسبات و لا بس منع ناس بره مصر اساسا من السفر؟؟

ربنا ادانا عقل علشان نستخدمه مش نضحك بيه على نفسنا

**نور القمر** · 05-02-2011 12:46 AM

كلنا بقينا حيرانين
بس لسه في ناس بتكابر وتعاند ومش عايزة ترجع عن رأيها
القصر العيني دخله فوق ال 45 شهيد يوم الاربعاء ووزارة الصحة اعلنت انهم 3 تقريبا ! وده كلام دكتور معرفة
بلطجية الحزب الوثني رفعوا شعارات مؤيدة لمبارك بعد خطابه العاطفي وانضم لهم ناس كتير من عامة الشعب انا نفسي كنت عايزة انزل وجوزي منعني
بدأوا بالقاء الحجارة والملوتوف والمعارضين ردوا عليهم بحجارة والمؤيدين من الشعب اشتركوا
الاخوان وغيرهم اشتركوا وكان مجزرة
احنا نفسنا هنا مختلفين وانقسمنا
بلجية الحزب وافراد الامن سخنوها وشعللوها وانسحبوا وبقيت الفتنة بين الطرفين

.............................

اللهم اجعل نحورهم في كيدهم
اللهم اضرب الظالمين بالظالمين واخرجنا منها سالمين
اللهم اجعلهم حولين ولا علينا

اللهم إليك نشكو ضعف قوتنا وقلة حيلتنا وهواننا على الناس يا أرحم الراحمين
أنت ربُّ المستضعفين وانت ربنا إلى من تكلنا، إلى بعيد يتجهَّمنا أم إلى عدو ملكته أمرنا إن لم يكن بك علينا غضبُُ فلا نبالي، ولكن عافَيتك أوسع لنا. نعوذ بنور وجهك الذي أشرقت له الظلمات، وصلح عليه أمر الدنيا والآخره من أن تنزل بنا غضبك أو يحل علينا سخطُك لك العتبى حتى ترضى ولا حول ولا قوة إلا بك

اللهم أنت القائل :.... إِنَّ الَّذِينَ كَفَرُواْ لَن تُغْنِيَ عَنْهُمْ أَمْوَالُهُمْ وَلاَ أَوْلاَدُهُم مِّنَ اللّهِ شَيْئًا وَأُوْلَئِكَ أَصْحَابُ النَّارِ هُمْ فِيهَا خَالِدُونَ
مَثَلُ مَا يُنفِقُونَ فِي هِذِهِ الْحَيَاةِ الدُّنْيَا كَمَثَلِ رِيحٍ فِيهَا صِرٌّ أَصَابَتْ حَرْثَ قَوْمٍ ظَلَمُواْ أَنفُسَهُمْ فَأَهْلَكَتْهُ وَمَا ظَلَمَهُمُ اللّهُ وَلَكِنْ أَنفُسَهُمْ يَظْلِمُونَ }

**ahmed1981** · 05-02-2011 12:53 AM

المشاركة الأصلية كتبت بواسطة som3aa

الموضوع مش محتاج حيرة ابدا

ربنا ادانا العقل و فضحهم , خلاهم بايديهم يطلعوا البلطجية اللى هيطلعوهم فى الانتخابات بعد كدا بعد ما رئيس الوزراء حلف بشرفه ان محدش هيتاذى , خلاهم يقفلوا التليفزيون و يزيعوا اخبار مستفزة , خلاهم يقبضوا على كتير اوى امبارح حسب ما سمعت فى كل التليفزيونات , كل دا مش دلائل
ايه اللى اتغير ؟ الناس كانت ماشية فى طريقها , طلع لها وعود , حاجة من دول 1- الوعود كفاية و صادقة
2- الوعود غير كافية و صادفة 3- الوعود كفاية و كاذبة 4- الوعود اساسا غير كفاية و كاذية .

الاولى لازم الناس تبطل تتظاهر فورا
التانية لازم تقابل المسئولين و تتناقش معاهم مع وعد بايقاف التظاهر فورا عند الوصول لحل
الثالثة و الرابعة لا بديل عن الستمرار

طيب , هل يكفى المادة 77-78 و ان المجلس المزور هو اللى ينظر التعديلات؟ عمر سليمان قال مفيش وقت غير لتعديل المادتين دول
هل ممكن التنازل عن وقف قانون الطوارى؟
طيب الوعود صادقة و لا ﻷ , هل فى بداية كويسة يعنى مثلا حرية الراى و الامتناع عن القبض على الناس و انتهاء ظاهرة البلطجة و الصدق فى الوعود و القضاء على الفساد و الحزب الوطنى و القبض على الفاسدين اللى ملفاتهم فى الجهاز المركزى للمحاسبات و لا بس منع ناس بره مصر اساسا من السفر؟؟

ربنا ادانا عقل علشان نستخدمه مش نضحك بيه على نفسنا

إستحالة تتأكد 100% من كل حاجة في هذه الدنيا
طاقة البشر لها حدود

نحن قمنا بعمل بعض الأسباب
لكن لابد يكون إعتمادنا الكامل وثقتنا بالله تعالى أنه لن يضيعنا
وكفانا مظاهرات الآن
النتائج غير مضمونة 100% مهما أعطونا من ضمانات

تذكرة ثورة محمد نجيب التي نجحت
وبعد تحقيق أهدافها إنقلبت وتغيرت أحوال الشعب للأسوأ

التأكد من النتائج 100% نطلبه من الله سبحانه وتعالى
لابد أن يكون إعتمادنا على الله كاملاً وتاماً
لو ظللنا في الشوارع نوقف حال البلد أياً كان لن نصل للطمأنينة 100%

لذلك لابد من التوقف عن التظاهر لتسير أحوال البلاد والعباد والصبر لتحقيق النتائج

**som3aa** · 05-02-2011 01:24 AM

لذلك لابد من التوقف عن التظاهر لتسير أحوال البلاد والعباد والصبر لتحقيق النتائج

حضرتك فكر كدا كان ايه مطالب حضرتك و ايه اللى اتحقق منها و ايه اللى متحققش , فكر و اعمل استخارة و ادعو ربنا بالهداية و ان شاء الله هتشوف الطريق الصح

الناس كلهم كانوا مع بعض براى واحد بعدين قطعوا النت و سابوا تليفزيونات موجهة كاذية زى المحور بتاع راتب بتاع الحزب الوطنى اللى قاعد يجيب ناس تقول اتدربت فى امريكا و اسرائيل و ناس تانية تقول اخوان و ناس تالتة ايران و حزب الله.

حرام و الله , ربنا ميزنا بالعقل , ليه نقلب على بعض , ليه منوزنش الامور و نقارن , ليه نتهم الناس بجهل ربنا هيحاسبنا على اتهام الناس بالعمالة بدون استخدام العقل . محدش شاف ربنا , كان ممكن يورينا نفسه و ينزل دين واحد بس و يشوف الناس هتصلى و لا ﻷ و هتسمع كلامه و لا ﻷ بس ربنا معملش كدا علشان ادانا عقل و عايزنا نستخدم العقل دا علشان ندرك كل حاجة حواليا و هو بيورينا حاجات بس لازم نبعد عن التعصب و الجهل علشان نعرف نشوفها!

بعدين فى حاجة اسمها صلاة الاستخارة , اللى مش عارف يسال ربنا يرشده و هو هيرشده للخير ان شاء الله , النت فتح بعد زرع افكار عن طريق القنوات التليفزيون و الدش الخاصة المصرية اللى بيتحكم فيهم كلهم انس الفقى علشان الناس تتخانق و تحارب بعض , بص على الدستور بتاع ابراهيم عيسى الناس قبل النت كانت بتايده و تدعيله , دلوقتى نصهم بيقولوا عليه عميل اسرائيل و النص التانى عميل ايران!!!! بقى دا كلام؟؟؟

ارجو كل واحد قبل التعصب و النحياز يشوف اللى بيحصل و يفكر بعقله كويس قبل ما يتكلم و يندم
فى دلائل , حد شاف ربنا؟ اكيد لا بس دلائل على وجوده!!!!!

**ahmed1981** · 05-02-2011 01:40 AM

المشاركة الأصلية كتبت بواسطة م.احمد زكريا

لا إنها الفتنة بعينها
لما المراسل في الاسكندرية يتحدث عن مظاهرة في الاسكندرية للإخوان المسلمين ويؤذن المغرب في المسجد ويرفض المتظاهرون الصلاه وراء امام المسجد ويجتمعون هم ويصلوا خلف امامهم ويكون هناك صلاتين متوازيتين في نفس المكان
تبقى فتنة

فعلاً تصرف يعبر عن الفتنة من الدرجة الأولى

**ahmed1981** · 05-02-2011 01:56 AM

المشاركة الأصلية كتبت بواسطة som3aa

ارجو كل واحد قبل التعصب و النحياز يشوف اللى بيحصل و يفكر بعقله كويس قبل ما يتكلم و يندم
فى دلائل , حد شاف ربنا؟ اكيد لا بس دلائل على وجوده!!!!!

أيام جمعة الغضب كنا كلنا يد واحدة وفكر واحد ويمكن نية واحدة

لكن الآن أصبح هناك مليون فكر ومليون نية
وهذا من مظاهر الفتنة وهو الإختلاف

الدخلاء على هذه الثورة مثل الإخوان بدؤا بالمحاولة للدخول بقوة فيه وأصدروا بيان بأنهم لن يتحاوروا إلا بعد رحيل مبارك وكأنهم يحاولن سرقة الثورة لإستخدامها للضغط على الحكومة
وهذا ما يمنعني عن المشاركة معهم فلست ممن يسمح لأي أحد بركوب أكتافي

أنا معاك أنه قد تكون هناك مؤامرة كبرى الآن من النظام للتحايل على مكاسب ثورة الكرامة
لكن هذا أمر في علم الغيب لم يكلفنا الله بالبحث عنه
وجودنا على الأرض في ميدان التحرير لن يغير من هذا شيئاً
الأمور ستعود لطبيعتها رغم أنوفنا

ثقتنا في الله لا حدود لها
لذلك لابد من الصبر وإعطاء الحكام الجدد الفرصة لتنفيذ وعودهم لأن الله تعالى لا بعجل بعجلة أحدنا

المظاهرات الآن تهتف هتاف ليس له قيمه وهو إرحل إرحل
ليس له قيمة لأن الرئيس رحل بالفعل
السلطة نقلت من يده ليد ثلاثة من رجال الجيش وهو سليمان وطنطاوي وشفيق
فما القيمة من قول إرحل إرحل !!!!!!! فهو قد رحل نظرياً

الرجل عسكري ولن يرحل رسمياً وسيظل في الخفاء إلى نهاية فترته الرئاسية
أمريكا وأوروبا بدأت تطلب بنقل رسميفوري للسلطة وكأننا كنا ننتظرهم ليحكموا مستقبلنا

الأكرم لنا أن نجعلها مصرية 100% ولا نقبل إملاءات خارجية

بعد الإنتظار لو حصل الخير فالحمد لله
لو خاننا الحكام الجدد فالذي قاد مصر كلها للنزول يوم جمعة الغضب وهو الله تعالى سينزلنا مرة أخرى يكون فيها النصر المؤزر بإذن الله تعالى

**alaa99991111** · 05-02-2011 02:20 AM

عَنْ عُبَيْدِ اللَّهِ بْنِ مِحْصَنٍ الْخَطْمِيِّ رَضِيَ الله عَنْهُ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ أَصْبَحَ مِنْكُمْ آمِنًا فِي سِرْبِهِ مُعَافًى فِي جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا بِحَذَافِيرِهَا". أخرجه البخاري