اولا انا من اكثر من هاجم قناه الجزيره - راجعوا مشاركاتى- ولكن هل الجزيره وحدها هى التى تنشر ما يحدث؟؟؟
لقد تابعت باقى القنوات بعد حجب الجزيره
وال bbc , cnn
الغريب ان لهجتهم اشد فى الهجوم على النظام - الجزيره بصرف النظر عن الاراء المذاعه قدمت صور لما يحدث على الارض
اين كان تليفزيون البلد - صاحب الرياده كما يقولون- لماذا لم ينزل مراسلوه -- المعينون بالواسطه للمشاركه والمحاوره كما فعل الاجانب -
هل كان من الافضل ترك الساحه للاجانب وغيرهم ليستقى العالم منهم ما يجرى وتليفزيون البلد يتحدث عن ان هذه شرذمه ضاله ؟؟؟
فكرونى باعلام ناصر سنه 67 لما قال اننا انتصرنا لان الغرب فشل فى ازاحة عبد الناصر
بالذمه مش حاجه تكسف فى القرن الواحد وعشرين ولسه عقلية الخمسينات بتحكمنا
الاعلام المصرى كله مركز على ان الجزيره هى السبب- مش مسخره دى - ومش اعتراف ان المصريين ما كنوش بيشوفوا تليفزيون البلد اللى ميزانيته اعلى من ميزتنيه التعليم فى البلد كلها
لما رئيس الوزرا الجديد فى اول ظهور له - جرى على القنوات الخاصه ليه - ليه ما ظهرش فى التليفزيون المصرى الرسمى
كفايه عبط بقى - ده لو الكلام ده صحيح تبقى مصيبه - نظام عبد الناصر على ماكان من غباء ما قدرتش الاذاعه البريطانيه اللى قعدت 18 سنه تهاجمه انها تخليه يشوش او يحاول يقفل مكاتبها فى القاهره
ده لو النظام الحالى ظل مصر على الكلام ده تبقى مصيبه ان نظام تسقطه محطه طالعه من جزيره مساحتها اصغر من مدينة 6 اكتوبر
المفضلات