الموضوع: وحدات المرور

كنت النهاردة فى مرور محرم بك المنظر رهيب اكتر من الحرب الاهلية دمار شامل ورماد وزجاج مكسر كانوا بيرفعوا الانقاض
الموظفات كانوا واقفين على البوابات اثبتوا حضور ومشيوا
رحت لوكيل النيابة قلت له ان رخصة عربيتى انتهت قالى روح مرور ابيس اللى فى سموحة خد رخصة مؤقتة من وكيل النيابة روحت لاقيت زحام شديد ودخلت لوكيل النيابة قالى مين قال الكلام ده ارجع محرم بك فيه اكيد حد هايفيدك احنا هنا ما لناش دعوة
رجعت محرم بيه كان العمل على قدم وساق لرفع الانقاض روحت تانى لوكيل النيابة اللى واقف فى الشارع بيتفقد الخسائر قالى روح للظابط اللى فى الادارة
والظابط قالى تعالى السبت هانشتغل مع انى لا اعتقد ابدا

المشاركة الأصلية كتبت بواسطة zyadahmed

كنت النهاردة فى مرور محرم بك المنظر رهيب اكتر من الحرب الاهلية دمار شامل ورماد وزجاج مكسر كانوا بيرفعوا الانقاض
الموظفات كانوا واقفين على البوابات اثبتوا حضور ومشيوا
رحت لوكيل النيابة قلت له ان رخصة عربيتى انتهت قالى روح مرور ابيس اللى فى سموحة خد رخصة مؤقتة من وكيل النيابة روحت لاقيت زحام شديد ودخلت لوكيل النيابة قالى مين قال الكلام ده ارجع محرم بك فيه اكيد حد هايفيدك احنا هنا ما لناش دعوة
رجعت محرم بيه كان العمل على قدم وساق لرفع الانقاض روحت تانى لوكيل النيابة اللى واقف فى الشارع بيتفقد الخسائر قالى روح للظابط اللى فى الادارة
والظابط قالى تعالى السبت هانشتغل مع انى لا اعتقد ابدا

الناس دي لسه برده مابطلوش يدوخوا فينا كده

المشاركة الأصلية كتبت بواسطة mody_halawa

انا النهاردة كنت فى مرور محرم بك وطبعا المرور كلة اتحرق والنيابة اتحرقت بالكامل مفيهاش ولا ورقة وكان فى ظابط عميد هناك قالى مبروووك انت كدة اخدت براءة فى معارضة المخالفات لان كل حاجة اتحرقت وقالى روح مرور ابيس هات ورقة من وكيل النيابة من هناك علشان يدينى رخصة جديدة روحت مرور ابيس قالولى تعال يوم الثلاثاء علشان القاضى مش هنا
( حاسس ان كل حاجة زى ما هيا ولا فى اى تحسن فى التعامل ولا اى حاجة حتى العسكرى اللى واقف على الباب بتاع وكلاء النيابة بيكلمك من طرف مناخيرة )

يا مودى ماتديهمش فرصة يتكلمو من طرف مناخيرهم......

بكلم ظابط امبارح بسالة على حاجة ......

بقولة طيب ممكن تتكلم معايا زى ما بكلمك مش مستاهلة تناكة يعنى وشة احمر بقى احمر مارلبورو...........

اللى يتنك اديلة على دماغة دول عالم فاشلة ساقطين ثانوية عامة

المشاركة الأصلية كتبت بواسطة major123

يا جماعة انا اتصلت النهاردة بمرور عين الصيرة علشان مرور البساتين اتحرق اللي انا تابع لية
سبحان الله الراجل رد عليا من اول رنه وتحت امرك وسيادتك وبكل ادب واحترام قالي على كل حاجة

[justify]
يعني هوة كان لازم يتولع فيهم عشان يعرفوا ان الله حق
بس بصراحة نبقى غلطانين لو سكتنا على حقوقنا تاني هما فاكرين انهم بيلووا دراعنا ومش هيخلصولنا مصالحنا مع ان احنا اصحاب حق مش بنشحت منهم بل بالعكس هما اللي شحاتين علشان بياخدوا فلوسنا غصب عننا بدون رضانا


طبعا مرور المقطم عندنا ودع بالسلامة

زوجي سأل ضابط المرور اللي كان في الاشارة بتاعة المقطم صلاح سالم قال له تروح مرور عين الصيرة وكل حاجة موجودة فيه ما عدا النيابة وانا مش محتاجاها طبعا علشان بارخص جديد وطبعا فرحت جدا لما عديت من على مرور البساتين لقيته متفحم لانه من ابشع وحدات المرور .. وفي شوية ناس شغالة فيه حسبي الله ونعم الوكيل .. لما كنت باروح مع زوجي نرخص عربيته كنا بنتعذب .. مرور عين الصيرة ارحم شوية

بس زوجي المبجل بيقول انهم بدأوا يصلحوا مرور المقطم وانا شايف اننا نستنى عشان ما ندوخش مابين المرور دة ودة لما نيجي نجدد والمخالفات والملف ووجع القلب دة

مع الاخذ في الاعتبار اني مش مستعجلة على سواقة العربية لانها اول عربية ليا اسوقها ولسة ما تمكنتش من السواقة اوي و مش هاتحرك بيها خارج المقطم في الوقت الحالي الا لما اتمكن

انتوا رأيكوا ايه .. ارخص عين الصيرة وللا استنى
[/justify]