يالا نركب نظام اضاءه زى المرسيدس و الاودى

**mrghost** · 03-09-2011 07:06 PM

الحمد لله جبت الحاجه النهارده من عندى من العاشر من رمضان بس هشتغل فيها بكره ان شاء الله

**mrghost** · 03-09-2011 09:34 PM

المشاركة الأصلية كتبت بواسطة pido9

يا شباب الفيرنا فيها نور الصالون الامامى بينور مع الانذار و نور الصالون اللى فى النص فيه تدريج
هوه ماينفعش نوصل النور الواطى على الدائرة بتاعت نور الصالون ؟؟؟؟

ياجماعه انا جربت لحد دلوقتى مرتين وللاسف مشتغلتش معايا وانا بصراحه زهقت مش عارف اعمل ايه
هجيب بكره تست بورد واى سى تانى واجرب وربنا يسهل مع انى متأكد من التوصيلات بس ممكن يكون الاى سى باظ منى

**mrghost** · 05-09-2011 04:29 PM

ياجماعه الحمد لله جربت الدائره على تست بورد واشتغلت تمام وهرفعلكوا الفيديو وناقص بس اعملها على بورده عاديه

**osama_ruan** · 05-09-2011 05:45 PM

في الانتظار

**hazemhassan** · 05-09-2011 07:57 PM

المشاركة الأصلية كتبت بواسطة mrghost

ياجماعه الحمد لله جربت الدائره على تست بورد واشتغلت تمام وهرفعلكوا الفيديو وناقص بس اعملها على بورده عاديه

الحمد الله
ربنا يوفق
فى الانتظار

**mrghost** · 06-09-2011 01:51 AM

الحمد لله اخيرا عملت الدائرة وناقص بس توصيلها ف العربيه بإذن الله هوصلها يوم الخميس لانى مش فاضى اليومين الجايين وهبقى ارفع الفيديو

**organic_magic** · 07-09-2011 03:43 PM

في انتظارك علي احر من الجمر المشتعل

**mrghost** · 08-09-2011 10:51 AM

السلام عليكم ورحمة الله وبركاته
الحمد لله ربنا كرمنى وقدرت اوصل دائره نور الشبوره مع الانذار زى العربيات الالمانى
بس انا وصلتها مع النور العالى عندى لانه زينون وطبعا هيبقى احلى من النور الاصفر بتاع الشبوره
بس فى مشاكل قابلتنى علشان اوصله مع الانذار
1- مفيش حاجه بتدى pulseخالص (قيستها بالافو وكله بيدى كهرباء مستمره ) فكان الحل كالاتى
اضطريت انى اوصل الدائره مع السرينه بحبث انى لو قفلت الانذار بصوت الدائره تشتغل انما لو من غير صوت مش هتشتغل
اضطريت انى اشيل فيشه حساس الصدمات لانه لو اشتغل كل شويه البطاريه هتفضى لان السرينه هتشتغل مع النور مش لوحدها
طبعا اخدت الموجب بتاع السرينه وعكسته وخليته سالب عن طريق كتاوت(ريلاى) لان الدائره بتشتغل على السالب مش الموجب
وده فيديو للعربيه بعد التركيب فيها الحمد لله

08092011014 - YouTube

-طبعا مش علشان اوصل الدائره مع نور الصالون لازم اخليها تشتشغل مع الانذار بس بمعنى( لو اشتغلت مع فتح وقفل الباب البطاريه هتفضى برضه)
ملحوظه
ياجماعه الشغل على لوحه مطبوعه اللى هى متخرمه وبتتباع جاهزه متعب اوى يعنى انا حاولت اعمل الدائرة تانى مشتغلتش معايا لان الخطوط قريبه اوى لبعضها وطبعا مش بالتنسيق اللى انت عاوزه فياريت لو نقسم بعضنا مثلا واحد مهمته يعمل الدائره البورده
وواحد يركب المكونات على الدائره
وواحد يوصلها فى العربيه
ده لو انتوا عاوزين تعملوها فى عربياتكوا

**mrghost** · 08-09-2011 10:58 AM

وده بقى فيديو الدائره وهى على التست بورد

http://www.youtube.com/watch?v=9rG2N3134Gc

ودى اسهل حاجه ومفيش اسهل من كده وممكن تضحى بتمن تست بورد ( 25 جنيه) وتعمل الدائره عليها لان تركيب المكونات عليها سهل جدا جدا (بدون لحامات) وممكن نعمل عليها كذا دائره على لوحه واحده يعنى مثلا نعمل واحده لنور الصالون مستقله عن الانذار وواحده للانذار
تكاليف الدائره حوالى 10 جنيه لو على بورده عاديه
وحوالى 35 جنيه على تست بورد
لو حد عاوزنى اعملهاله انا مستعد بس على تست بورد لان والله حاولت على كذا بورده عاديه وفشلت كذا مره