Top Gear Proton Rally Challenge

**Raul_7** · 03-02-2011 02:40 PM

أنا عارف إن يمكن ده مش وقته خالص وإن الواحد مش عارف يشوف حاجة غير الأخبار, بس الحلقة اللي فاتت في برنامج Top Gear كانوا عاملين سباق ب بروتون ساتريا نيو رالي فقلت لو حد عايز يشوفوا.. وهو بالمرة يشوف حاجة غير الأخبار اللي أنا مبقتش أشوف غيرها 24 ساعة.

YouTube - Top Gear UK VS Top Gear AU Rally Challenge

**sayed911** · 03-02-2011 02:56 PM

انا نزلت اول حلقة من الموسم الجديد ولكن لسة والله مش عارف حتى اشوفها لو تقولي هوة الموسم بيتذاع على انهي محطة تبقى كسبت فيا ثواب كبير جدا .. بصراحة السباق تحفةةةةةةة وما زالت شخصية "ستيغ" غير معروفة ولكن مش عارف ليه عندي احساس كبير جدا انه مش شخص واحد هوة مجموعة اشخاص لأنو مفيش واحد محترف قيادة بالطريقة دي لى جميع انواع الحلبات بالطريقة الغريبة دي !!!!!! بجد الف الف الف شكر .... والساتريا نيو لسة لما تنزل مصر اعتقد ها تحقق انتشار اكبر بكتير جدا من سيارات بروتون الموجودة خاصة وانها سيارة بتخاطب الفئة الشبابية ... بس يارب هيا تنزل ...

**Raul_7** · 03-02-2011 03:12 PM

واللهِ يا سيد أنا مش بشوفها على التلفزيون, أنا بنزلها من النت من أي سايت بتاع تورينتس.

**solghof** · 03-02-2011 03:24 PM

المشاركة الأصلية كتبت بواسطة sayed911

انا نزلت اول حلقة من الموسم الجديد ولكن لسة والله مش عارف حتى اشوفها لو تقولي هوة الموسم بيتذاع على انهي محطة تبقى كسبت فيا ثواب كبير جدا .. بصراحة السباق تحفةةةةةةة وما زالت شخصية "ستيغ" غير معروفة ولكن مش عارف ليه عندي احساس كبير جدا انه مش شخص واحد هوة مجموعة اشخاص لأنو مفيش واحد محترف قيادة بالطريقة دي لى جميع انواع الحلبات بالطريقة الغريبة دي !!!!!! بجد الف الف الف شكر .... والساتريا نيو لسة لما تنزل مصر اعتقد ها تحقق انتشار اكبر بكتير جدا من سيارات بروتون الموجودة خاصة وانها سيارة بتخاطب الفئة الشبابية ... بس يارب هيا تنزل ...

معظم الحلقات كان ستيج هو مايكل شوماخر

كشفوا وشه في حلقة كده بس مش فاكر في انهي سيزون
اصل انا شوفت كل السيزونات

ال 15 سيزون

**Raul_7** · 03-02-2011 03:47 PM

المشاركة الأصلية كتبت بواسطة solghof

معظم الحلقات كان ستيج هو مايكل شوماخر

كشفوا وشه في حلقة كده بس مش فاكر في انهي سيزون
اصل انا شوفت كل السيزونات

ال 15 سيزون

لا يا باشا لو تابعت آخر الحلقة ده هتلاقي إنهم قالوا إنه مش هو بس بطريقة غير مباشرة.

**sayed911** · 03-02-2011 03:47 PM

منا فاكر الحلقة دي لما كان سايق الفيراري الـ f18 غالبا بس كان في كذا حاجة شككتني في نفسي في الحلقة دي .
1- لو هوة الستيغ الحقيقي كان المفروض يبقى حافظ التراك بالنص ولكن ده ول السباق كان عمال بيغلط غلطات لو واحد لف التراك ده مرة قبل كده كان حفظوا عشان كده شكيت ..
2- الفيراري اللي كانت في الحلقة دي اكنت بتاعتوا وكان في مقولة بتقول انه الشركة حتى وان اتشريت العربية دي مش بتسمح للناس انها تحتفظ بيها لكن لازم تفضل في الشركة ومش بتطلع على طريق على حلبات فقط فأنا اعتقد انها عشان بتاعت مايكل فهوة رفض انه اي حد يركب العربية وطلب هوة يسوقها ويظهر بيها ده على ما اعتقد
ولكن برضوا شك الشك الشك .... بصراحة هوة برنامج ممتع الى اقصى درجة ! ما بين الكوميديا على السيارات ....متشكر جدا لحضرتك ..

**fahd_628** · 03-02-2011 03:48 PM

المشاركة الأصلية كتبت بواسطة solghof

معظم الحلقات كان ستيج هو مايكل شوماخر

كشفوا وشه في حلقة كده بس مش فاكر في انهي سيزون
اصل انا شوفت كل السيزونات

ال 15 سيزون

انا زيك بالظبط بس كمان عندى ال 15 سيزون على الكمبيوتر و حافظهم :)

الحلقة الى تم الكشف فيها عن الستيج كانت بتاعت ال Ferrari FXX و دة مش معناة ان هوة ال Stig

و انا مش مصدق طبعا انة واحد فقط لأن مفيش حد بيسوق كل حاجة بأحترافية كدة ( سيارات سباق و رالى و سوبر كارز و سبورت كارز و كللللللل حاجة )