المؤتمر الصحفي بتاع رئيس الوزراء بتاع انهارده...حد شافه؟

**dr-mohamed** · 03-02-2011 05:01 PM

المشاركة الأصلية كتبت بواسطة amahmed

هل و هل و من و اين و متي و ازاي

هو ده اللي قاله رئيس الوزارة
اسمعوه تاني لو مش مصدقين و عدوا كام سؤال طرحه
هو فاكر نفسه صحفي بيكتب مقال
رئيس الوزارة مش عارف حاجة و في حالة من الغيبوبة لمدة عدة ساعات من الصبح من اول الجمال و الخيول لحد ما دخلت سيارات الاسعاف بعد منتصف الليل
ماذا ننتظر من هؤلاء
هي المصيبة تحصل و بعدين حنعمل تحقيق عادل
بعد اكتر من 6 قتلي و اكتر من 1500 جريح بجروح قطعية
جروح قطعية يعني لو قاموا منها بالسلامة حتسيب ندبة - نيشان شرف - باقي حياته و مابالك لو كانت في الوجه

و بمناسبة تجميد الارصدة محدش جاب سيرة وزير الاسكان سليمان اللي هو اصلا تحت التحقيق في تهم فساد
كفاية تخدير .. كفاية فساد

جبت منين ال1500 حتي العربية والبي بي سي قالوا 836
يا ريت نهدا شوية ومنرددش اشاعات
وبردو قالوا واحد الاعضاء هنا ردد كلامهم ان امن الدولة في القصر العيني بتمنع علاج المصابين من المعارضين واتصلوا بمدير المستشفي قال محصلش ومستحيل احنا مالناش دعوة مؤيد ولا معارض احنا اطباء
وانت بنفسك قلت ان وزير الاسكان محل التحقيق هايعلن فتح تحقيق جديد معاه ليه

المشاركة الأصلية كتبت بواسطة ahmed anwer

ممكن يكون راجل كويس

بس كل طوبة بتترمي علي المتظاهرين في ميدان التحرير بتفقده مصداقيته

عندك حق
وكل دقيقة بيقعدها المحتجين في ميدان التحرير زيادة بتفقدهم جزء كبير من تعاطف الناس العادية اللى مبتفهمش سياسة معاهم

المشاركة الأصلية كتبت بواسطة mrbebo

انا اعرف ناس كتيرر في وزارة الطيران

بيقولوا ان الفريق احمد شفيق راجل محترم جدا ومتواضع لاقصى درجة

يارب الناس تديله فرصة علشان يشتغل ويشوفوا لانه عمل طفرة كبيرة في مجال الطيران في مصر

المهم يدوا له الفرصة
اللى واقفين ورا الموجودين الان مش من مصلحتهم ان احمد شفيق يشتغل

**hossaam** · 03-02-2011 05:16 PM

اسمع كلامك اصدقك...اشوف الطوب والبلطجية دلوقتي في الميدان..استعجب...

استخفاف..

**medociv** · 03-02-2011 05:19 PM

الراجل محترم بس بصراحة اتحرق لما مسك دلوقتي
ثانيا : واضح انه بيكذب او مدفوع انه يكذب : في حاجة اسمها ميعرفش الناس ده (البلطجية) دخلو ازاي الميدان (مع انهم محوطين الميدان) وبعد كده بيعتزر ،طب ازاي بيعتزر عن حاجة هو ميعرفش او مش السبب فيها
ثالثا : بيتعهد انه مش هيتكرر تاني وهو بيحصل دلوقتي افتحو الفضائيات وشوفو الاعتدائات اللي من ساعة من البلطجية (وقت المؤتمر الصحفي)
رابعا : حاسس انه بيخرف كل كلامه متناقض ومهزوز وشكله مدفوع عشان هذا الكذب
بالمناسبة : ناس في بلدنا شغالين في مصانع العاشر من رمضان بيقولو ان اصحاب المصانع اجبروهم انهم يسيبو الشغل امبارح ويروحو يعملو مظاهرات مؤيدة لحسني او في جزائات وفي ناس رفضت وروحت (اصحاب المصانع اغلبهم حزب وطني)

**som3aa** · 03-02-2011 05:23 PM

عندك حق
وكل دقيقة بيقعدها المحتجين في ميدان التحرير زيادة بتفقدهم جزء كبير من تعاطف الناس العادية اللى مبتفهمش سياسة معاهم

ما هو المشكلة فى مصر الجهلاء و الاميين!!!!!!!!

المهم يدوا له الفرصة
اللى واقفين ورا الموجودين الان مش من مصلحتهم ان احمد شفيق يشتغل

هو منظر بس , قال مفيش متظاهر هيضرب و اتضربوا مش هوا اللى بيشتغل , هو بينفذ بس!!!!!

الخلاصة اللى حصل فى ميدان التحرير بيخلى اى حد عنده عقل يعرف ان احمد شفيق مش فى ايده اى حاجة خالص , دا حلف بشرفه , انا لو منه كنت مشيت!!! كدا بيحرقوه

جبت منين ال1500 حتي العربية والبي بي سي قالوا 836

836 اتعوروا بس فى منها اللى عينه راحت او دماغه اتفتحت و غيره , لأ بسيطة