الموضوع: بيان شباب 25 يناير

المشاركة الأصلية كتبت بواسطة dr-mohamed

وايه عرفنا ان البي بي سي مش كدابة
وايه عرفنا ان الواد ده مش كداب
وايه عرفنا ان الجزيرة مش كدابة
وايه عرفنا ان العربية مش كدابة
وايه عرفنا ان القنوات المصرية كلها مش كدابة
عرفت ان مفيش حقيقة مطلقة غير وجود الله ؟؟؟؟؟؟؟



عرفت اننا في عصر الفتنة وان النزول بكرة فتنة ؟؟؟؟؟؟؟؟

ربنا يستر فعلا الواحد زى مقولت امبارح مش عارف مين مع مين ومين بيعمل ايه دلوقتى

المشاركة الأصلية كتبت بواسطة ramyfawzy

السلام عليكم يا شباب
معلش انا ماليش في السياسة وطول عمري بعيد عنها
ومن ساعة ما بدأت المظاهرات (25 يناير) الى يوم الجمعة العظيم - قولت اكيد فيه امل
الناس ديه ممكن تكون بتتكلم عني وعن اخويا واختي ومراتي وحتى ولادي
ولو حصل تغيير في النظام او حال البلد اتغير - هقول عليهم ابطال بجد
بس مش عارف ليه برضه عندي الاحساس بتاع نظرية المؤامرة (يمكن عشان بتفرج على افلام اجنبي كتير)
من الساعة 6 مساء الجمعه - الدنيا كلها اتغيرت
انسحاب الامن - نزول بعض مدرعات الجيش - احتلال تام للمتظاهرين لميدان التحرير وغيره من اللي احنا تابعناه
بس المثير جدا للجدل هو بعض الافعال اللي حصلت بعد كده
1 - احراق مقرات الحزب الوطني في البلد كلها (انا ساكن في الحي العاشر في مدينة نصر وعلى الشارع الرئيسي عندنا فيه مقر اتحرق بالكامل - تخيلوا الساعه 8 مساء)
2 - تدمير وسرقة معظم اقسام الشرطة في مختلف الانحاء (برضه نقطة شرطة العاشر اتدمرت واتحرقت والسلاح اللي فيها كله اتسرق)
3 - ظهور البلطجية مباشرة في الشوارع وفي مختلف الاحياء السكنية (وخصوصا البعيدة عن العمار زي التجمع والرحاب والشروق)
كل ده يا جماعة في خلال ساعات معدودة
زي ما انا قلت في الاول - انا مش بتاع سياسة ولا حزب ولا مطبلاتي
بقالي اسبوع بفكر ازاي ده حصل - وكل مرة يرد عليا العقل الاليكتروني بتاعي (معلش عشان عقلي الاصلي باظ) ويقوللي:
يا رامي - العملية ديه مدبرة ومدروسة ومخططة بالورقة والقلم
حد فيكم بيفكر زيي
يا ريت ..............

طبعا كلنا بنفكر زيك وتفتكر ان الناس دى سايبه حاجه للصدفه الا بعض الاخطاء
ومتقلقش اسلاح الى اتاخد معروف هو فين ومع مين وحيعرفو يلموه تانى اصله مش حيروح بعيد
ربنا يستر

قنوات التليفزيون المصرية لازم تقول ان الوضع تحت السيطرة
والقنوات (اياها) لازم تشعلل الدنيا اكتر واكتر
والمشكلة ان احنا بنقلب على الاتنين
نصدق ميييييييييييييييييييييييي ييييييييين
يطلع واحد من شوية ويقول : انصراف المتظاهرين من ميدان التحرير
مفيش ثواني ..............
لاااااااااااااااااااااااا ااااااا - والمصحف ما فيه حد مشي
بعديها............
الجيش يفرق الموالين للنظام ويبعدهم خارج الميدان .
3 ثواني بالعدد :
دوووول كدابين يا عم - الاشتباكات شغالة والجانبين يتبادلان الضرب
ووو وووو وووو ...................... الخ الخ الخ
والله انا لو مش في الشغل لحد دلوقتي - لكنت نمت وارتحت من الهم ده

المشاركة الأصلية كتبت بواسطة ramyfawzy

قنوات التليفزيون المصرية لازم تقول ان الوضع تحت السيطرة
والقنوات (اياها) لازم تشعلل الدنيا اكتر واكتر
والمشكلة ان احنا بنقلب على الاتنين
نصدق ميييييييييييييييييييييييي ييييييييين
يطلع واحد من شوية ويقول : انصراف المتظاهرين من ميدان التحرير
مفيش ثواني ..............
لاااااااااااااااااااااااا ااااااا - والمصحف ما فيه حد مشي
بعديها............
الجيش يفرق الموالين للنظام ويبعدهم خارج الميدان .
3 ثواني بالعدد :
دوووول كدابين يا عم - الاشتباكات شغالة والجانبين يتبادلان الضرب
ووو وووو وووو ...................... الخ الخ الخ
والله انا لو مش في الشغل لحد دلوقتي - لكنت نمت وارتحت من الهم ده

مهما مش حارمينك من حاجه وسايبينك تشوف الرأى وارأى الاخر
ديمقراطيه اهو عاوز ايه تانى