الموضوع: رجاء لابناء مصر الشرفاء ونداء للرئيس المؤتمن

صداقه ايه؟
ده ولاء ومصالح وشغل

الجيش اساسه الولاء لغايه اعلى قياده
عشان كده تغيير القيادات فيه بيتم ببطئ ووقت طويل عشان صعب جدا

ساده العقيد عشان عارف كده عارف ان الموضوع مش بيبقى صداقه الموضوع بيبتى بولاء ومصالح مشتركه غير انى ماعنديش شك فى وطنيه عمر سليمان بس الخلاف على طريقه التطبيق او طريقه الاصلاح

مش معنى ان اراءه مش عجبانى انه مش كويس

اللى مش عاجبنا طريقته وولاءه للنظام

اكيد شايف الفساد وعارف اللى موجود واللى فى كان قياده عارف ان ممكن تسيب ناس فاسده لاهداف اخرى

انا مش بدافع عنه

بس ماحبش ان احنا نهلك كل الناس بالطريقه ديه

اللى فى الجيش دايما عندهم ولاء لبعض راجع مين النائب ومين رئيس الوزراء كله جيش ضمانا للولاء التام

لما كنا بنتكلم مع ظابط بنقوله اهم هيمشوا طنطاوى وهيجيبوا عنان
الظابط سكت بجديه وقال ولما يمشى طنطاوى احنا هنروح فين

المشاركة الأصلية كتبت بواسطة col. Eng. Khaled

أكيد مش لمجرد ما أقرأ رأي سائد أأمن وراه .

بس...الله ينور عليك..هو ده اللي انا عاوز اقوله من البداية
ناس كتير حولي...اسألهم عن رأيهم فيه...يقولك ما يختلفش عليه اتنين وان الكل مجمع انه
طيب وابن حلال!!!...وهيبنقل مصر للامان...طيب بأمارة ايه يا بني...ما عندوش اجابة

يمين يمين شمال شمال...

لكن انا رأيي الشخصي مبني..على حقائق تاريخية ...واستنتاج منطقي يدل عليه
اختيار مبارك ليه...وهو في اسود ايام حياته...

اذا الموضوع مش موضوع تعريف الصداقة وادلتها..انما الموضوع انه من رجال النظام الاوفياء

وما تسئلنيش ايه الدليل الموثق للوفاء...ههههههه

تحياتي لك

انا حاسس ان اللى بين الرئيس والنائب مش موضوع صداقه

بس حاسس انه موضوع فرض سيطره من الجيش على النظام

وان الرئيس لما لقى ملوش ظهر يحميه (الشرطه سابقا)

عمل بمبداء اللى ملوش كبير يشتريله كبير

وبكده يضمن انهم بقوا فى مركب واحده ومحدش ينقلب عليه

وفى نفس الوقت يدافعوا عن مصالحهم الموجوده بوجوده

ويكون اداهم قطعه جديده من التورته اللى خايف انها تضيع كلها من ايده

ده رأى شخصى