مستني إيه حضرتك من قناة الحرة الشيعية ؟
من رأيي يداروا خيبتهم و يشوفوا نفسهم بيعملوا إيه مع السنّة في إقليم الأهواز الإيراني .
عرض للطباعة
مستني إيه حضرتك من قناة الحرة الشيعية ؟
من رأيي يداروا خيبتهم و يشوفوا نفسهم بيعملوا إيه مع السنّة في إقليم الأهواز الإيراني .
قناة الحرة أمريكية ... والقناة حتى هذه اللحظة حيادية مثلها مثل البي بي سي والعربية والجزيرة .. الخ .... حضرتك أكيد تقصد قناة العالم الإيرانية
طبعا كلكم فاكرين المشهد الاخير فى فيلم الكيف
ايوه بالظبط كده
مشهد التاكسى
وهو للى مشفش الفيلم كالاتى
على الشريف (الله يرحمه) سائق تاكسى
ومشغل شريط هابط
الكيمي كيمي كا
و الكيمي كيمي كو
(على الرغم انى بحب الاغنية دى قوى عشان بتفكرنى بالكلية(صيدلة))
هنا تركز الكاميرا على وجه الراكب
( الذى يبدو عليه الامتعاض الشديد )
الراكب: ايه ده اللى بتسمعه يا اسطى
السائق: ده الشريط الاخير لمزجنجى
الراكب: مزجنجى (مستهجنا <حلوة مستهجنا دى>)
هو فيه مطرب اسمه مزجنجى
السائق: اه ده شريطة مكسر الدنيا
الراكب: طب وطى شويه الصداع ده
السائق: ما انا كنت بقول عليه صداع
لكن بعد كده بقيت متعود عليه
وبعدين بقى بالنسبالىكيف
انتهى المشهد
طب ايه علاقة فيلم الكيف باللى البلد فيه
العلاقة هو اخر تصريح للدكتور احمد عكاشة
( المظاهرات خلقت حالة مزاج لدى المصريين فى التظاهر)
بالبلدى كدة المظاهرات بقيت كيف
حد شاف ميدان التحرير انهاردة
بالفعل قناة الحرة امريكية الفكر
وهى على قدر من الموضوعية
طبعا مش زى بتوع ال بى بى سى
لكن معلوماتهم بنسبة 99 % صحيحة
لدرجةانهم ساعات بيقولو اخبار قبل اى قناة بمدد تتراوح من 6-24 ساعة
وبعدين عندهم ميزة كمان
عمر افندى عفيفى (بعد البشوية متلغت)
وده بقى بيجيب اخبار من الكنترول
ايوه عمر عفيفى بتاع كتاب
عشان متضربش على قفاك
ده انفعال شخصى
صحيح إن في ناس بتتظاهر لهدف وفي ناس بتتظاهر بلا هدف
ده حتى أختي الصغيرة إلي معرفتش تتفسح في أجازة نص السنة عايزة تروح التحرير تتفسح هناك
بس عموماً ده برده كبت
يعني أنا أعيش عمري كله مش عارف أعبر عن رأيي وبعدين لما ربنا يسهل ويوفق الشباب الطيب رحمهم الله (حيهم وميتهم) ويرجعولي حقي في التعبير عن رأيي بكل الحرية ... أقوم أكبت نفسي
فكرتني إني لما بدأت المساجد تفتح 24 ساعة لإني حالياً مفيش أمن دولة (الله يحرقهم مطرح ما هم) بدأت أحس إني عايز أنزل أقعد طول النهار في الجامع وخلاص كأني مش مصدق نفسي
يباشا مترحمنا باة كريم عمال يقول المنتدى حيتقفل والناس ولا عندها اى احساس
ياعم ما ترحمنا من ال 91 مشاركة دول وروح اعد على الفيس ولا اى مكان تانى غير هنا
ارحمونا يا جدعان من السياسة مش عايزين سياسة هنا ولا اسقاطات سياسية دة منتدى سيارات
ياعم كريم من فضلك اقفل الاجتماعى الواحد مش ملاحق على الاخبار كل واحد اعد قدام قناة الجزيرة ولا العربية والبى بى سى يروح ناقلها هوا على المنتدى وكان الناس مش متابعة لحظة بلحظة غصب عنها اللى بيحصل لان مفيش وسيلة اعلامية ايا كانت بتتكلم فى غير الحدث دة
يا جماعة يا اخوانة كلنا عارفين الاخبار وكلنا بنفهم وكلنا شباب وكلنا عايزين الاحسن للبلد
ارحمونا باة الواحد زهق من القرف دة
تصدق مكن
الخبر حتى و ان لم تثبت صحته (انا مشفتش الضابط المصرى بيضرب الشاب التونسى بعينى)
فهو داخل تحت باب المحتمل جدا حدوثه
وذلك كرد فعل لا ارادى
حد فاكر فيلم المغتصبون بتاع ليلى علوى
المشهد اللى البنت اللى تم اغتصابها بتتعرف فيه على الشباب اللى اغتصبوها
حد فاكر المشهد ده
ورد الفعل العبقرى لليلى علوى
وهى بتردد بهستيرية
دمرته حياتى يا ولاد ال........................
يا ولاد ال........................
يا ولاد ال........................
يا ولاد ال........................
ثم تنهال عليهم ضربا وخمشا باظافرها
(اعتذر لفجاجة المشهد (ده اقرب تصور افتكرته )
لكن لما افتكر حاجة تانية هاقولها